Keyo 25:10 - Kafa Linguistics Project

¹⁰ “Taabootoon geellee mixoochee boonoshi shuunemmoyich tuniibe. Ebi taabootoo bi gidoo gutte hiraa qato, bi maaco ikke hiraa qato, bi neexoo ikke hiraa qato tunebe.

Keyo 25:10 ပူးပေါင်းရင်းမြစ်များ

2 Kiinoo 8:11

Aroochee Solomooni, “Doono Yeerichi taabooto giyiti xaaꞌoo yaafoo bi tunetoyich, ta mechee Israꞌeelee taatoo Daawiti kexooch beemo biich qaawiyaache” iꞌi, Farooni busheen Daawiti Katemoochee biich bi haggiiti kexooch daammiye.

Keyo 31:7

Ebiyoo danee duukkaanoon, miixee taabootoonaa bi toommeexi, axaaxoon maariyee guufoonon, duukkaanee qiiceenaꞌo bullin,

Keyo 35:12

wogee taabootoon, bi yareenaꞌon, axaaxoon maariyee guufoonaa biin qeroyich tunemmi maccillaatoonon;

Keyo 39:32

Ebiyoommi gommona yaafee duukkaanee shuunoo, ebiyoo Doono Yeerina danee duukkaanee shuunoo bulli, shuunetaa ciyiye. Israꞌeeleenaꞌo Doono Yeeri Muusich gettitoommon tuniiꞌi, bulli mooyon shuuneheete.

Haddoo 3:31

Taabootoon, madelloon, maqirajjoon, deejjee gudeenaꞌon, Yaafe Xaaꞌoochaa maddoyich gaacciibeeti qiiceenaꞌon, Yaafe Xaaꞌeexi Yaafee gimooch beeti maccillaateenaꞌonaa eboshina tookkii maddoyich gaacciibeeti qiico bullinon quyemminaꞌone.

Haddoo 4:5

Kaamboon waaxxii hamma ittoshi tiyiyooba, Harooninaa bi bushiisheenaꞌona duukkaanooch giyiree qeriibeeti maccillaatoon kindiibeete. Aroona wogee taabootoon kaafeete.

Haddoo 4:6

Aroochee gaawichaa qucheti gooqqoona qeribeete; aree toommooch hullimalle shimaayite qoreddoon yaggibeete; yareenaꞌonoo boonoshi xaaꞌooch giijjibeete.

Hibireena'o 9:4

Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.