Keyo 24:6 - Kafa Linguistics Project

⁶ Muusiyoo wurinaꞌochi damee qaton daammii gafeteenaꞌooch geddiye; echeti qatonoo deejjee gudee toommooch wuciye.

Keyo 24:6 ပူးပေါင်းရင်းမြစ်များ

2 Taateenaꞌo 17:15

Bi qociyoon, boonoshi qaabbechinaꞌona tookkii bi giyiti wogoonaa boonoshich wochii wochii kupphii bi gettiti qaaroonon hoxeheete; gaacaalli shahalleenaꞌoyich goyinnoona boonoshiyoo gaacaalleenaꞌo tuneheete. Doono Yeeri boonoshichoommon boonoshi tuniyaachemmoyich, boonoshich bi gettiti, boonoshi guudoona beeti aageteenaꞌon dabbiyeete.

Shoddo 99:6

Muusinaa Haroonina bi qeesheenaꞌo daggooch beetinaꞌone; Saameeliyoo bi shigoon ceeggii beetinaꞌo daggooch beetone; boonoshiyoo Doono Yeer waan cookaa, boonoshi cookoon waayehe.

Keyo 12:22

Ikke tuuci hisoophee michi waamon daamiree, gafetooch beeti damooch haciree, ittoshi kellee dambee shagoonaa gutte qoomoonooch huutote. Showoo harimmi wottoon, ittoshi daggoochee ikke asholla bi kexoochee maach kechaaye.

Keyo 12:7

Aroochee asheenaꞌo damoon daamiree, ebi meeno manjeyemmi kechi kello bulliich, kellee gutte qoomoonaa dambee shagoonooch huuteete.

Keyo 24:8

Aroochee Muusi damoon daammii asheenaꞌo toommooch wuciichii, “Ebi qaaro bullin bi imiyooba, Doono Yeeri ittoshina tookkii bi giyiti wogoon manjiyemmi damoone” iye.

Keyo 29:16

Ebi bagee baaddoon guuribe. Damoonoo deejjee gudee guudoona awudde gocooch tibibe.

Keyo 29:20

Ebi bagee baaddoon guuribe. Damoochee daamiree, Harooninaa bi anaami bushiisheenaꞌonochi qanne waajji dechi caappooch, boonoshi qanne kishee indechoonaa boonoshi qanne baatee indechoonooch huute. Aroochee echeti damoon deejjee gudee guudoona awudde gocooch tibibe.

Erimiyaasi 31:32

Ebi wogo, ittoshi qaabbechinaꞌon Gibitsee yaabii kichoyich boonoshi kishoon ta yeshiyooba, boonoshina tookkaa ta giyeti wogoommo toonoone; ebiyoo ta boonoshich kenoommon tunaꞌa ta beetaa, taanna tookkii boonoshi giyiti wogoon boonoshi happitoyichiye” iye Doono Yeeri.

Leweenaꞌo 1:11

Deejjee gudo beetoochaa dambi-waanaa, Doono Yeeri ta aafoochaa guuribe. Qeesheenaꞌo tuneti Harooni anaami bushiisheenaꞌo, damoon deejjee gudee awudde naabooch tibibeete.

Leweenaꞌo 1:5

Ebi wuron Doono Yeeri ta aafoochaa guuribe. Qeesheenaꞌo tuneti Harooni anaami bushiisheenaꞌo damoon giddiibeete; danee duukkaanee kellooch beeti deejjee gudee awudde naabooch tibibeete.

Leweenaꞌo 3:2

Biyoo deejjoyich bi giddiiti gijjoochi qellooch bi kishoon kotiibe. Ebi aroonoo danee duukkaanee kelloochaa guuribe. Qeesheenaꞌo tuneti Harooni anaami bushiisheenaꞌo damoon deejjee gudee awudde naabooch tibibeete.

Leweenaꞌo 3:8

bi kishoon ebi bagoochi qellooch kotiichi danee duukkaanee kelloochaa guuribe. Harooni anaami bushiisheenaꞌo bi damoon deejjee gudee awudde naabooch tibibeete.

Leweenaꞌo 4:6

Bi kishee yapheroon damooch haciree, Doono Yeeri ta aafooch, Yaafe Xaaꞌeexi Yaafee maccillaatee maachi ciinooch shabaatte wottoon wucibe.

1 Qorontoosi 11:25

Ebiyoommon wotta gifiree hillooch xoofoon tiijjiꞌi ishichiye: “Hini woyinee uyo Yeeri ta damoona bi neechemmi andire wogee malletoone; ebin ittoshi uchimmi aabo bullina taan shalligoyich uyote” iye.

Qolaasiyaasi 1:20

masqalooch ufeti ebi bi Bushoochi damoona diggoon tuniiꞌi, showooch tuneba shimaayooch beeti mooyo bulli biinna tookki shunemmoyich tuniihe.

Hibireena'o 12:24

andire wogee shoobbecho tuneti Yesuus waan, Abeelichi damoyee beshiti mooyon gettiibeeti, wucaa xalliibeeti damooch shaggito ittoshine.

Hibireena'o 8:9

Ebi wogo, ittoshi qaabbechinaꞌon Gibitsee yaabii kichoyich, boonoshi kishoon ta yeshiyooba, boonoshina tookkaa ta giyeti wogoommo toonoone. Boonoshin cikkii qajjehoye; ebiyoo, boonoshi ta wogoona manjaaneenaꞌo boonoshi tunetoyichiye, iye Doono Yeeri.

Hibireena'o 9:18

Ebich aafi wogolla damoonane bi diireeto.

Hibireena'o 9:19

Muusiyoo shiichiꞌi sheerooch kooreeti mooyo bullin asheenaꞌoyich gettiye; aroyee gubb maaminaꞌochi damoon[aa emmisheenaꞌochi damoonon] aacona bacciꞌi ceelle bagee eexona cucheti hisoophee michi waamona haccii yechiꞌi tiyii, “Yeeri ittoshin quyebote iꞌi bi gettiti wogoon manjiiti damoo hinine” iꞌi sheeree macaafoonaa asheenaꞌo bullinochi toommooch wuciye.

Hibireena'o 9:21

Ebiyoommon danee duukkaanoonaa maddee qiiceenaꞌo bullinochi toommooch damoon wuciye.

1 Pheexiroosi 1:2

Nihoo Yeeri shiichiꞌi bi gabitoommon, bi kaaccitinaꞌoyich, Yesuus Kiristoosich deꞌa getoyich bi damoo wucaa xalletinaꞌonaa Yaafe Ayaanoona yaafeetinaꞌonoyich: Yeerichi wojjoonaa diggoona ittoshich woddebe.