Keyo 24:3 - Kafa Linguistics Project

³ Muusi asheenaꞌo waan hammiꞌi Doono Yeerichi qaaroonaa doyoo bullinon bi getaa, asheenaꞌo ikke qaaroona “Doono Yeeri gettito bullin tuniyemmo noone” iyeete.

Keyo 24:3 ပူးပေါင်းရင်းမြစ်များ

2 Kiinoo 15:14

Boonoshi qaaroon oogichiꞌi cookii ililiibee, tiroonaa shametoonon hugona Doono Yeerich wogoon giyiyeete.

2 Kiinoo 15:15

Yihudee asheenaꞌo bulli ceeni boonoshi mulloona boonoshi wogetoyich, ceeni boonoshi gaboonoo bi waan boonoshi wottetoyich, biyoo boonoshina bi emiritoyich, ebi boonoshi wogeti wogoona emiriyeete. Doono Yeeriyoo boonoshi guudoona beetinaꞌo bulli waanee boonoshin kashiihe.

Shoddo 50:5

“Deejjoona taanna tookkii wogoon giyiti, gibeneeti ta asheenaꞌon taach kicibote” iye.

Keyo 19:8

Asheenaꞌo bulli ikkittinoona, “Doono Yeeri gettito bullin tuniyemmo noone” iyeete. Ebich Muusi boonoshi gettiti mooyon wochii Doono Yeerich daammiye.

Keyo 24:2

Tunebaani Doono Yeeri ta waan giddoon hakkemmo, ne ikkeeto baachiye. Bareenaꞌo giddaayeete. Asheenaꞌo neenna tookki kechaayeete” iye.

Keyo 24:7

Aroochee wogee macaafoon daammii asheenaꞌoyich shemmehe; boonoshiyoo “Doono Yeeri gettito bullin tuniyemmo noone; biich deꞌa gettemmo noone” iyeete.

Erimiyaasi 11:4

ebiyoo boonoshi qaabbechinaꞌon Gibitsee, xuuroo wocciibeeti gemmoochee ta kichiyooba, “Ta qaaroon waayebote; ittoshich ta getteto bullin tuniibote; ebi tunegaata, ittoshi ta ashoon tunemmo ittoshine; tawoo ittoshi Nuggishoo tunemmo taane” iyaꞌa ta gettetone.

Erimiyaasi 34:13

“Israꞌeelee Nuggishoo Doono Yeeri ishichiye: Ittoshi qaabbechinaꞌon guuchittinoochee, Gibitsee showoochee ta kichiyooba, boonoshina tookkii ishichaꞌa wogoon giyeto taane:

Haagi 2:5

Gibitsee ittoshi keyiyooba, ittoshich ta gibenikkito ebiniye. Ta Ayaano ittoshina tookkii beetone; shattaahote’ iye.

Milikiyaasi 2:10

No bulliyona ikke Nihoochi bushiishoo toono noone? Noon hallito ikke Nuggishoo toone? Ishigaata, noonnaa noonna gibeneyee qayona, Yeeri no qaabbechinaꞌona tookkii giyiti wogoon no happaabeeto amoyichiye?

Yibbaatoo 11:1

Muusi Israꞌeeleenaꞌoyich ishichiye: “Illa ebich ne Nuggishoo Doono Yeerin shune. Ne tuniyemmoyich bi qaawiibeeti mooyo bullin, bi qociyoon, bi dojjiti doyoonaa bi getoonon bulli aaboon ceechi quyebe.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 4:45

Gibitsee kechiꞌi, Yoordaanoosi aacoochaa aabi-keyo waan, Beet Feꞌoori katemee ciinooch beeti bambooch boonoshi beetaa, ebi sheeroonaa arichiyoonon boonoshich immiye. Ebiyoo Heshibon beechii qeejjiti Amooreenaꞌo taatoo Sihoonichi showoochaaniye. Ebi taatoon Muusinaa Israꞌeeleenaꞌona Gibitsee kechiꞌi boonoshi waahooba, kochii wochitinaꞌone.

Yibbaatoo 4:5

“Illa ebiyoche, ta Nuggishoo Doono Yeeri taach gettitoommon tuniiꞌa, qociyoonaa doyoonon ittoshich dojjito taane. Giyi ittoshi woraashemmi showoochaa ebin quyebote.

Yibbaatoo 5:1

Muusiyoo Israꞌeeleenaꞌo bullin ceeggiꞌi boonoshich ishichiye: “Israꞌeeleenaꞌote, hanaach ittoshich ta gettaabeeti ebi qociyeenaꞌonaa doyeenaꞌonon elle waayebote. Eboshin doyibote; manjiireeshoo quyebote.

Yibbaatoo 5:31

Tunebaani ne hiniich taanna tookki ne yagaa ta geto bullin, ta qociyoo bullinaa ta doyoo bullinon neech immemmo taane. Boonoshi hajjemmoyich, boonoshich ta immaabeeti showoochaa boonoshi quyemmoyich, ebi aroon asheenaꞌoyich dojjibe’ iye.

Yibbaatoo 6:1

“Ittoshich ta dojjemmoyich ittoshi Nuggishoo Doono Yeeri taach immiti geto, qociyoonaa doyoona ebine. Arooch giyi ittoshi hajjemmi showoochaa eboshin quyebote.

Yaasi 24:21

Tunebaani asheenaꞌo Yaasich “Tuneyaache; Doono Yeerich goyinne maddemmo noone” iyeete.

Yaasi 24:22

Aroochee Yaasi “Illa Doono Yeerich goyinne maddeya goommii ittoshi kaacon ittoshi toommooch miixoo ittoshine” iye. Boonoshiyoo “Eeha, miixoo noone” iyeete.

Yaasi 24:24

Asheenaꞌo Yaasich “No, no Nuggishoo Doono Yeerich goyinne maddemmo noone; biichoo deꞌa gettemmo noone” iyeete.