Keyo 24:17 - Kafa Linguistics Project

¹⁷ Doono Yeerichi oogee yiiroo guudi toommooch michiibeeti qaaqqoochoommon tuneꞌi, Israꞌeeleenaꞌoyich bekkee beehe.

Keyo 24:17 ပူးပေါင်းရင်းမြစ်များ

2 Saameeli 22:13

Bi aafooch beeti bekkoochee, qaaqqee buno aaxxee kechiye.

2 Saameeli 22:9

Bi muddoochee cufoo kechiye; bi kookkoochee michii aalliibeeti qaaqqoonaa geecciibeeti qaaqqee bunoona kechiye.

Keyo 19:11

Sharittich qannibeete. Sharitta Doono Yeeri ta, asho bulli ciini beetaa, Siini guudooch kindemmo taane.

Keyo 19:18

Doono Yeeri qaaqqoona bi kinditoyich, Siini guudon cufoo kaappitone; cufoo qaaqqee gudoochee kechii beetoommon tuneꞌi kaama tuqiye; guudo bulliyoo oogeton qewehe;

Keyo 3:2

Aroochaa Doono Yeerichi maraakoo kuchoo cobbcobbimii aaxxeebeeti qaaqqee daggoochaa biich bekkehe. Muusiyoo kuchoon qaaqqoo yechito bi tunetaanoona, micaano bi tunoon beeggiye.

Hiziqeeli 1:27

Biyoo shimetoyee damba qaaqqee aaxxoommon aaxxeebeeti gaame xuuroommo, shimetoyee desh aaxxeebeeti qaaqqoommone; bi guudoochoo tobbimiti bekko beetone.

Hiziqeeli 1:28

Bi guudoonoo beeti phaqqoo amichi goorooch qubee daggoochaa bekkeebeeti ximbittoommone. Doono Yeerichi oogee yiiroo bi bekketo eechiꞌiniye; ebin ta beegiyooba baroona showooch guufeho; aroocheenoo yibbaatee qaaroon waayeho.

Naahoomi 1:6

Bi kaaree aafooch neexoon hakkemmo konine? Qaaqqoo gaamoommon gaamiibeeti bi kaaroon hakkemmo konine? Bi kaaree shiixxoo qaaqqoo kindoommon kindiye; bi aafooch xaqqee guudo tiishee yiikkeehe.

Yibbaatoo 4:24

Ebiyoo ittoshi Nuggishoo Doono Yeeri michii aalliibeeti qaaqqoommo bi tunetoyichiye; biyoo qanaatechi Nuggishoone.

Yibbaatoo 4:36

Ittoshin sheeroyich, shimaayoochee bi qaaroon ittoshi waayemmoyich tuniihe. Showee toommoochaanoo giidechi bi qaaqqoon ittoshi beeggemmoyich tuniihe. Ittoshiyoo qaaqqee daggoochee bi qaaroon waayehote.

Yibbaatoo 9:3

Michii aalliibeeti qaaqqoochoommon ne aafooch shiichiꞌi hammiibeeto ne Nuggishoo Doono Yeeri bi tunoon hanaach ariibe. Biyoo boonoshin ne aafoochee koyi wochiree aalliyemmone. Doono Yeeri neech bi gibenikkitoommon, boonoshin yoohi kichemmo neene; kaateree boonoshi aallemmoyichoo tuniyemmo neene.

Hibireena'o 12:18

Israꞌeeleenaꞌo boonoshi kishoona yeshon boonoshi hakkiibeeti Siini guudooch shagaano ittoshine; boonoshiyoo aroochaa micciibeeti qaaqqoon, magge yiiboon, manderoon, yongee yuboonoo beeggiyeete.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.