Keyo 24:13 - Kafa Linguistics Project

^13-14 Ebich Muusi Israꞌeelee ukkireenaꞌoyich ishichiye: “Ittoshi waan wottaa no waammi wottoon hiniich beebote. Harooninaa Huurina ittoshina tookkii beetinaꞌone; ittoshinaa ittoshina daggooch kaaro tiyigaata, boonoshi waan hambote” iye. Muusiyoo biin gaacheebeeti Yaasina tookkii Yeerichi guudi toommooch kecha tiyiye.

Keyo 24:13 ပူးပေါင်းရင်းမြစ်များ

1 Kiinoo 7:27

Elishami bushoo Nuuni, Nuuni bushoo Yaasine.

Keyo 18:5

Muusichi abboo Yotoori Muusi mecheenaa bi gutte anaami bushiisheenaꞌonon yechiꞌi, kaamboon geddii boonoshi koteti barahooch, Yeerichi guudi gaꞌooch beeti Muus waan waahe.

Keyo 19:3

Aroochee Muusi Yeerina daneya guudi toommooch kechiye. Doono Yeeriyoo are guudoochaa biin ceeggiꞌi ishichiye: “Yaaqobi yareenaꞌo tuneti Israꞌeeleenaꞌoyich ne gettemmo ebiniye:

Keyo 3:1

Muusi Miidiyamee qeeshoo, bi abboo Yotoorichi bageenaꞌonaa emmisheenaꞌonon quyee beehe. Biyoo ikke areddoon eboshin dabbiiꞌi barahee ciinooch, Yeerichi guudooch, Kooreeb shaggiye.

Keyo 32:17

Yaasi asheenaꞌo cookee qaaroon waayeꞌi Muusich, “Kaamboochee waayeebeeto, ginee koyee qaaroone” iye.

Keyo 33:11

Asho bi shunechona tookkii yibbaatoommon, Doono Yeeri Muusina tookkii baroona daneꞌi yibbaatee beehe. Aroochee Muusi bi hilla wottee kaambooch waa beehe; tunebaani Muusichi gaachoo tuneti gurimaashoo, Nuuni bushoo Yaasi duukkaanoochee barii ariyaanoone.

Keyo 4:27

Ebiyooba Doono Yeeri Haroonich “Muusina danoyich barahooch hambe” itone. Biyoo tiyii hammiꞌi, Yeerichi guudoochaa Muusina danehe; daneꞌi shummiye.

Haddoo 11:28

Bi bushittinoochee tiijjiꞌi Muusichi gaachoo tuneti, Nuuni bushoo Yaasi, “Ta doono Muuso, boonoshi keemaachemmoyich baye” iye.

Yaasi 1:1

Doono Yeeri guuno Muusi qititoyee gubb, Muusich gaachoo tuneti, Nuuni bushoo Yaasich Doono Yeeri ishichiye: