Keyo 24:12 - Kafa Linguistics Project

¹² Aroochee Doono Yeeri Muusich ishichiye: “Guudi toommooch ta waan wobe. Hiniichoo yagibe. Tawoo Israꞌeeleenaꞌon ne dojjemmi sheeroonaa geteenaꞌonon ta kooriti yalle xaqqeenaꞌon neech immemmo taane” iye.

Keyo 24:12 ပူးပေါင်းရင်းမြစ်များ

1 Taateenaꞌo 19:11

Doono Yeeriyoo, “Guudi toommooch keyiree, Doono Yeeri ta aafooch neexebe” iye. Aroochee Doono Yeeri beshehe. Doono Yeeri aafoochaa ooge giidechi yongo guudinaꞌon boriye; ogooge xaqqeenaꞌonoo shiqiye; tunebaani Doono Yeeri yongee daggooch aalloone. Yongee hillooch showoo qewehe; tunebaani Doono Yeeri showee qewee daggooch aalloone.

Iziri 7:10

Iziri Doono Yeerichi sheeroon doyoonaa tuniyoonon, wotta Israꞌeeleenaꞌoyich qociyoonaa doyoonon dojjoonoo ta shuuna itone.

Nehimi 9:13

“Siini guudi toommooch kindihine; shimaayoochaanoo boonoshina tookkaa yibbaatehine; gaawe doyoonaa ibere sheeroonon, gaawe qociyoonaa getoonon boonoshich immehine.

Nehimi 9:14

Yaafeeti ne shambetoonoo boonoshich arichiihine; getoon, qociyoonaa sheeroonon ne guuno Muusina boonoshich immehine.

Shoddo 19:12

Bi muricoon shalligoon hakkemmo konine? Aacheeti axaaxoochee ne taan xalliibe.

Keyo 19:3

Aroochee Muusi Yeerina daneya guudi toommooch kechiye. Doono Yeeriyoo are guudoochaa biin ceeggiꞌi ishichiye: “Yaaqobi yareenaꞌo tuneti Israꞌeeleenaꞌoyich ne gettemmo ebiniye:

Keyo 24:15

Aroochee Muusi guudi toommooch kechiye. Quboo guudon guuppiye;

Keyo 24:18

Aroochee Muusi guudi toommooch kechiꞌi qubee daggooch giyiye. Guudi toommooch aabbe areddoonaa aabbe xumoonon yagiye.

Keyo 24:2

Tunebaani Doono Yeeri ta waan giddoon hakkemmo, ne ikkeeto baachiye. Bareenaꞌo giddaayeete. Asheenaꞌo neenna tookki kechaayeete” iye.

Keyo 31:18

Doono Yeeri Siini guudi toommoochaa Muusina tookkii bi yibbaatoon bi ciichitoyee gubb, bi yapheroona kooreeti, gutte yalle miixee xaqqeenaꞌon Muusich immiye.

Keyo 32:1

Muusi wotteyaanoon, guudi toommooch bi yagoon boonoshi beeggiyooba, asheenaꞌo Haroon waan giddeꞌi ishichiyeete: “Tiyiree, no aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi aabichii bi ito gaata ariyaano noone” iyeete.

Keyo 34:1

Doono Yeeriyoo Muusich ishichiye: “Aafichoommi gutte yalle xaqqoon xaribe. Ne tiicheti, aafi yalle xaqqee toommooch beeti qaareenaꞌon kooremmo taane.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Maatiyoosi 5:19

Illa Yeeri tuniibote iꞌi bi gettiti hini sheereenaꞌoochee ikke giishecheyichona ‘Deꞌa getaache’ ii bareenaꞌonoo ‘Deꞌa gettaahote’ iꞌi dojjiibeeti asho koniyoona shimaajji taatittineechaa bulliyee desho tunemmone; tunetaa deꞌa ii beetonaa bareenaꞌon ‘Deꞌa getote’ iꞌi dojjii beetona koniyoona shimaajji taatittineechaa oogo tunemmone.

2 Qorontoosi 3:3

No maddee naboona daneti Kiristoosichi koorichoo ittoshi tuno xalla arichetone; hini koorichoo bi kooreeto beeyechi Yeerichi Ayaanoonalli, qalemoona toonoone; ashi mullee toommoochalli, xareeti xaqqee toommooch toonoone.

2 Qorontoosi 3:7

Wonna sheeroo kooreeto, xareeti xaqqee toommoochiye; sheeroo immehooba, Yeerichi oogee yiiroo waccii bekketone; Muusichi barooch wacciibeeti bekko aallee aallee hammiibeeto bi tunetaanoona, Israꞌeeleenaꞌo Muusichi barooch manjiiꞌi ciinon hakkaaneenaꞌone. Illa qitoon deebiti maddoo ebiyoommi oogee yiiroona bekketo bi tunegaata,

Yibbaatoo 4:14

Yoordaanoosin kimi hami ittoshi hajjemmi showoochaa ittoshi quyemmi qociyoonaa doyoonon ittoshich ta dojjemmoyich, arooba Doono Yeeri taach gettiye” iye.

Yibbaatoo 5:22

“Doono Yeeri guudi toommooch kiceeti ittoshi asheenaꞌo bullich bi gettiti geteenaꞌo eboshine. Qaaqqee daggoochaa, quboonaa dunne manderoonochi daggoochaa bi qaaroon oogichiꞌi bi yibbaatehooba bi immiti geteenaꞌon gettiyani, baroon daakkaanoone. Eboshinoo gutte yalle xaqqeenaꞌooch kooriꞌi, taach immiye” iye.

Yibbaatoo 5:31

Tunebaani ne hiniich taanna tookki ne yagaa ta geto bullin, ta qociyoo bullinaa ta doyoo bullinon neech immemmo taane. Boonoshi hajjemmoyich, boonoshich ta immaabeeti showoochaa boonoshi quyemmoyich, ebi aroon asheenaꞌoyich dojjibe’ iye.

Hibireena'o 9:4

Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.