Keyo 23:31 - Kafa Linguistics Project

³¹ “Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene.

Keyo 23:31 ပူးပေါင်းရင်းမြစ်များ

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

1 Taateenaꞌo 11:2

Doono Yeeri Israꞌeeleenaꞌoyich “Ittoshi mulloon boonoshi nuggisheenaꞌo waan wochemminaꞌo boonoshi tunetoyich, boonoshina tookki shaageyaahote” bi iti aagetee maacheenaꞌon Solomooni kashkuxoon shunniye.

1 Taateenaꞌo 20:13

Aroochee Israꞌeelee taatoo Akaab waan keemecho waaꞌi, “Doono Yeeri ‘Ebi mattiqutte ginee naayo bullin beeggaa beetine? And ne kishooch beshiiree immemmo taane. Ta, Doono Yeeri ta tunoonoo ariyemmo neene’ itone” iye.

1 Taateenaꞌo 4:21

Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

1 Taateenaꞌo 4:24

Tifisaahi katemoochee tiijjii Gaaza beddaahaa, Efiraaxisi aacoochaa aabi-gimo waan beeti showoo bulliich beeti taatoo bulli biich hajjeehe; bi guudoona beeti taatee showoo bullina tookkiinoo diggoona beehe.

1 Taateenaꞌo 8:65

Arooba Solomooni biinna tookkii beeti Israꞌeeleenaꞌo bullina tookkii, ebiyoo Hamaati katemooch beshe kaattoochee tiijjii Gibitsee aacooch beddaahaa beeti showoochee kiceeti ooge iitoona tookkii, no Nuggishoo Doono Yeeri aafooch shabaatte qemi baaroon baariye.

2 Kiinoo 9:26

Biyoo Efiraaxisi aacoochee tiijjii Filsixeemee showoonaa Gibitsee showee daaroonooch beddaahaa beeti taateenaꞌo bulli toommooch taatehe.

Shoddo 72:8

Baharoochee baharooch beddaahaa, Efiraaxisi aacoochee showee tuggooch beddaahaa, qeejjibe.

Haddoo 21:34

Doono Yeeriyoo Muusich ishichiye: “Biin shattaahine. Biin, bi asho bullinaa bi showoonon ne kishooch beshiyaꞌa immeto taane. Heshibon beechii qeejjiibee echeti Amooreenaꞌo taatoo Sihooni toommooch ne tuniitoommon boonoshi toommooch tuniyemmo neene” iye.

Haddoo 34:2

“Israꞌeelee asheenaꞌoyich ishichi gete: ‘Kanaanee showooch ittoshi giyiyooba, iristo tunii ittoshi woraashemmi showee daaro ebine:

Yibbaatoo 1:7

Tiyi qaxiribote. Geppechi Amooreenaꞌo showoonaa bi guudoona beeti showoo bullinooch hambote. Yoordaanoosi bambooch, geppe showoonaa worebe showoonooch, Negeebi barahoonaa Meditiraanee baharee gashoonooch hambote. Kanaaneenaꞌo showoo bulliich, Libanoosi guudinaꞌonaa Efiraaxisi ooge aaconooch beddaahaa qaxiribote.

Yibbaatoo 1:8

Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.

Yibbaatoo 11:24

Ittoshi baatoo neexxiti showoo bulli ittoshicho tunemmone. Ittoshi showee daaro deshi-waan beeti barahoochee tiijjiree, dambi-waan beeti Libanoosi guudinaꞌooch beddaahaa, aabi-keyo waanaa Efiraaxisi aaconaa aabi-gimo waanaa Meditiraanee baharoonooch beddaahaa tunemmone.

Yibbaatoo 2:33

Tunebaani no Nuggishoo Doono Yeeri biin no kishooch beshiiꞌi immiye. Nowoo biin, bi anaami bushiishoonaa bi ginee naayinaꞌo bullinon wuxiyon.

Yibbaatoo 2:36

Arinooni bambee daarooch beeti Aroꞌeeri katemoonaa bambee daggooch beeti katemoonoochee tiijjiꞌi Gilaadee showooch beddaahaa beeti xaqqee uxerechi katemeenaꞌoochee noon mawito ciroona aalloone. No Nuggishoo Doono Yeeri bullin no kishooch beshiiꞌi immiye.

Yibbaatoo 20:16

“Tunebaani ne woraashemmoyich ne Nuggishoo Doono Yeeri neech immiibeeti, hini aageteenaꞌo katemeenaꞌooch beeti kashechi mooyo bullin wuxi aalliibe.

Yibbaatoo 3:2

Tunebaani Doono Yeeri taach ishichiye: ‘Shattaahine; biin, bi asheenaꞌo bullinaa bi showoonon ne kishooch beshiyaꞌa immeto taane; Heshiboni katemooch beechii qeejjiibee echeti Amooreenaꞌo taatoo Sihooni toommooch ne tuniitoommon, ebiyoommon bi toommooch tuniibe’ iye.

Yibbaatoo 6:19

Ebin ne tuniigaata, Doono Yeeri bi gibenikkitoommon, ne etteenaꞌon ne aafoochee yoohi kichemmone.

Yibbaatoo 9:3

Michii aalliibeeti qaaqqoochoommon ne aafooch shiichiꞌi hammiibeeto ne Nuggishoo Doono Yeeri bi tunoon hanaach ariibe. Biyoo boonoshin ne aafoochee koyi wochiree aalliyemmone. Doono Yeeri neech bi gibenikkitoommon, boonoshin yoohi kichemmo neene; kaateree boonoshi aallemmoyichoo tuniyemmo neene.

Yaasi 1:4

Ittoshi showee daaro, deshi-waan beeti barahoochee tiijjiree, dambi-waan beeti Libanoosi guudinaꞌooch beddemmone; aabi-keyoochaa ooge aaco Efiraaxisee tiijjiree, Hiteenaꞌo showoon gedi, aabi-gimo waan beeti Meditiraanee baharooch beddemmone.

Yaasi 10:19

Tunebaani ittoshi arooch yagiyaahote. Ittoshi etteenaꞌon yichi dabbiree wuxi aalliibote; boonoshi katemooch boonoshi giyaachemmoyich bayote. Ittoshi Nuggishoo Doono Yeeri boonoshin ittoshi kishooch beshii immitone” iye.

Yaasi 10:8

Arooba Doono Yeeri Yaasich “Boonoshin shattaahine; boonoshi bullin ne kishooch beshii immeto taane; boonoshi daggoochee neenna koyeree neen wochemmo ikkolla aalloone” iye.

Yaasi 13:6

“Ebi showoo Libanoosee tiijjiꞌi, Misrefoot Mayimi katemooch beddaahaa beeti geppe showooch beeti, Sidooneenaꞌo bullichi showoone. Ta, ta qelloona ebi are aageteenaꞌon Israꞌeeleenaꞌo aafoochee yoohi kichemmo taane. Ne baach, neech ta gettetoommon, showoon qoodiree Israꞌeeleenaꞌoyich maace.

Yaasi 2:24

Boonoshiyoo daakkiꞌi, “Iberoon Doono Yeeri are showoo bullin no kishooch beshiiꞌi immitone; are showooch beeti asheenaꞌo bulli noon shatoochee tiyitona, keqqoona boonoshi muuyon beeggeto noone” iyeete.

Yaasi 21:44

Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone.

Yaasi 23:14

“Ebiyoche, and qitiya beddeto taane. Ittoshi bulli, Nuggishoo Doono Yeeri ittoshich bi gibenikkiti gaawe gibeno bulliichee ikkeenolla echiyaano bi tunoon ittoshi mulloona, ittoshi kashoonoo ariibeeto ittoshine; ikkolla echeyaanoon bulliyona ittoshich ceennitone.

Yaasi 24:11

“ ‘Aroochee Yoordaanoosin kimmiꞌi, Yaarika waahote. Yaariki asheenaꞌo ittoshina koyeheete. Aree hillooch Amooreenaꞌo, Ferizeenaꞌo, Kanaaneenaꞌo, Hiteenaꞌo, Girigaasheenaꞌo, Hiweenaꞌonaa Yebuseenaꞌona ittoshina koyeheete; tunebaani boonoshin ittoshi kishooch immehoye.

Yaasi 24:12

Ittoshiyoo aaf ittoshi qaxirimmi haddoona gutte Amooree taateenaꞌon yookkii kichoyich boonoshin betiihoye. Ebi bulli tuneto, ittoshi goraadoona woyee maꞌoona ittoshi koyetaa toonoone.

Yaasi 24:18

Doono Yeeri hini showooch beeti aageteenaꞌo bullin, Amooreenaꞌona tookkii, no aafoochee yookkitone; bi, no Nuggishoone; ebich nowoo wotta Doono Yeerich goyinne maddemmo noone” iyeete.

Yaasi 24:8

Yoordaanoosi aacoochaa aabi-keyo waan beeti Amooreenaꞌo showooch ittoshin daammoye. Boonoshiyoo ittoshina koyeheete. Tunebaani ta, ittoshi kishooch boonoshin beshiyaꞌa immehoye; ittoshi aafoochee boonoshin aalliihoye. Ittoshiyoo boonoshi showoon hajjiyote.

Yaasi 8:18

Arooba Doono Yeeri Yaasin “Katemoon ne kishooch beshiiree immemmo taane. Ebich ne kisheexi ginoon Aay waan ballibe” iye. Yaasiyoo bi yechiti ginoon Aay waan balliye.

Yaasi 8:7

Ittoshiyoo aasheꞌi ittoshi beeti xaaꞌoochee keyiree, katemoon yechemmo ittoshine. Ittoshi Nuggishoo Doono Yeeriyoo katemoon ittoshi kishooch beshiiree immemmone.

Yaasi 9:7

Tunebaani Israꞌeeleenaꞌo hini Hiweenaꞌoyich, “Diqqich hini katinooch beeti asho tunemmo ittoshine. Ishigaata, ittoshina tookki wogoon no giyemmo, aabichireeshiye?” iyeete.

Woraaferasheenaꞌo 1:4

Yihudi yoodoona koyooch tookkii hammiyeete. Doono Yeeriyoo Kanaaneenaꞌonaa Ferizeenaꞌonon boonoshi kishooch beshiiꞌi immiye. Boonoshiyoo aashire hume asheenaꞌon Bezeeqaa wuxiyeete.

Woraaferasheenaꞌo 11:21

“Tunebaani Israꞌeelee Nuggishoo Doono Yeeri Sihooninaa bi ginee naayinaꞌonon Israꞌeeleenaꞌo kishooch beshiiꞌi imaa, boonoshin kochii wochiyeete. Ebina Israꞌeeleenaꞌo are showooch beeti Amooreenaꞌo showoo bullin yechiyeete.

1 Saameeli 23:4

Aroochee Daawiti wochinnoon Doono Yeer waan corootiye. Doono Yeeriyoo wochiꞌi, “Filsixeemeenaꞌon ne kishooch beshii immemmo ta tunetoyich, tiyi Qeꞌila hambe” iye.