Keyo 23:21 - Kafa Linguistics Project

²¹ Gaawichi elleree bi gettii beeton waayebe. Bi toommooch hukkoon shuuneyaahine. Ta shigo bi toommooch beeto bi tunetoyich, bi toommooch hukkoon ne shuunegaata, neen maaraachemmone.

Keyo 23:21 ပူးပေါင်းရင်းမြစ်များ

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 72:19

Ooge bi shigo bulli yemeenoon diireebe! Bi oogee yiiroo showoo bulliich ceene. Ameena, ameena.

Shoddo 78:40

Meeti aaboon barahoochaa bi toommooch tiyiyeete; barahoochaa biin ayinikkiyeete.

Shoddo 78:56

Tunebaani ebi Israꞌeeleenaꞌo Yeerin phireheete; Beshoo Yeeri toommooch hukkoon tiijjiyeete; bi qociyoon quyeyaaneenaꞌone.

Shoddo 83:18

Ne shigo Doono Yeeri tuneti ne baach, showoo bulli toommooch Beshoo Yeeri ne tunoon ariibeete.

Keyo 3:14

Yeeriyoo Muusich “Ta Halla Taane; ‘Halla Taane getteebeeto ittoshi waan taan wochee deejjitone’ gete” iye.

Keyo 32:34

And hamiree, neech ta getteti xaaꞌooch asheenaꞌon yaabibe. Ta maraakoo ne aafooch hammemmone. Tunetaa ta naxemmi aabo shagiyooba, boonoshi axaaxoyich hini asheenaꞌon naxemmo taane” iye.

Keyo 6:3

Beshe Hakkechi Nuggishoo ta tunoon arichiyoona, Abrahamich, Yisaaqich, Yaaqobichoo bekketo taane. Tunebaani Doono Yeeri ii beeti ta shigoona boonoshich bekkeyaano taane.

Isiyaasi 42:8

“Ta, Doono Yeeri taane; ta shigo ebine; ta oogoon baroo konichona imaachemmo taane; ta galletoonoo shahalloyich imaachemmo taane.

Isiyaasi 45:6

Ebiyoo aabi-keyoochee aabi-gimooch beddaahaa beeti asheenaꞌo, Doono Yeeri ta baach tunoon, tayee bare nuggishoo aallo bi tunoonoo, boonoshi ariyemmoyichiye.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 9:5

Neexxiibeeti, ginee naayinaꞌochi caammoo bulli, damoona muureeti qoreddoo bulli, qaaqqooch miccemmone; gokkeshoo gettemmone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Erimiyaasi 5:7

“Taan qajjiyote; nuggisheenaꞌo tuneyaaneenaꞌona wogehote; ittoshin ta michiitoyee gubb shunoo maahote; yahechinaꞌo kexoochoo kiceehote. Ebich ittoshin ta maaremmo aabichireeshiye?

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Haddoo 14:11

Doono Yeeri Muusich ishichiye: “Hini asheenaꞌo taan boonoshi hoxe beeyemmo, aati wottooniye? Ebi boonoshi daggooch ta tuniyaabeeti, worganikkiti mooyo bullina taan gibenoon qayi boonoshi beeyemmo aati wottooniye?

Haddoo 14:35

Doono Yeeri ta, ebin getteto taane. Ikkittinoona ta toommooch tiyiti, hini gonde iitoo bulli toommooch ebin tuniyemmo taane. Boonoshi ciiro hini barahooch tunemmone; qiti ciiremminaꞌone’ gete” iye.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Yowannisi 10:30

Taannaa Nihoo Yeerina ikkoo noone” iye.

Yowannisi 10:38

Tunetaa ta shuunegaata, taanolla ittoshi iberiyoo qayigaata, Nihoo Yeeri taanna tookkii bi tunoon, tawoo Nihoo Yeerina tookkii ta tunoon xiishiree ittoshi ariyemmoyich, ta shuunoon iberiibote” iye.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

Yibbaatoo 18:19

Ta shigoona ebi keemecho gettiibeeti ta qaaroon waayeyaache, immon ta qelloona ta, biin sheeremmo taane.

Yibbaatoo 9:7

Muusiyoo daakkiꞌi ishichiye: “Barahoochaa ne Nuggishoo Doono Yeeri shine bi kaaremmoyich am shaahoon ne tuniito gaata shalligibe. Ebin batteyaahine. Gibitsee kechaꞌa hiniich ne shaggemmi wottoon, Doono Yeeri toommooch hukkoon tiijjito neene.

Qolaasiyaasi 2:9

Ceeni Nuggishittino bulla Kiristoosi taheti meechi ashittinooch beetone.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Hibireena'o 3:16

Yeerichi qaaroon waayeechii, bi toommooch hukkoon shuunetinaꞌo aaboshine? Muusina yaabeeꞌi Gibitsee kechitinaꞌo bulli tooneenaꞌone?

Yaasi 24:19

Yaasiyoo asheenaꞌoyich ishichiye: “Doono Yeeri yaafe Nuggishoonaa qanaatechi Nuggishoona bi tunetoyich, biich maddoon hakkaachote. Ittoshi xuꞌoonaa axaaxoonon maaraachemmone.

1 Yowannisi 5:16

Wotta koniyoona ikke bi manoo qitooch biin bechaachemmi axaaxoon bi shuunee beetaa bi beegigaata, corootibe; arooba Yeeri ebi qitooch biin bechaachemmi axaaxoon shuuneebeeti uroyich kashoon immemmone. Ashoon qitooch bechiibeeti axaaxoo beetone; ebiyoommi axaaxoyich qollebe getaache.

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

Yaaꞌoo 2:8

“Semirineesi kittinnee guuphi maraakoyich ishichi kooribe: Ebiyee aaf qitito, wochinnoon kashecho tuneto, Shiichoonaa Tacona ishichiye:

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

Woraaferasheenaꞌo 13:18

Maraakoo wochiꞌi, “Ta shigo worganikkito bi tunetoyich, amoyichiye ne echaabeeto?” iye.