Keyo 23:2 - Kafa Linguistics Project

² “Gonde mooyon tuniiya meeti asheenaꞌo tiyiyooba, boonoshin dabbiyaahine. Dayinnetoon dabiyoyich meeti asheenaꞌon dabbiree xummii miixeyaahine.

Keyo 23:2 ပူးပေါင်းရင်းမြစ်များ

Halloo 19:4

Batt tokketeyaan boonoshi beetaa, are Sodoomi asheenaꞌo, gurimaashoochee geenooch beddaahaa bulli kiceeꞌi waa, kexon keppheheete.

Halloo 6:12

Yeeriyoo showoon ciinniꞌi, ebiyoche showoo duubeton, showee toommo bulliich beeti asho bulliyoo bi qocoo oogeton gondeton, beeggiye.

Halloo 7:1

Doono Yeeri Noohich ishichiye: “Hini shiijjeree daggoochee ne ikkeeto baach ta aafooch cadiqe asho tunaꞌa daneto neene. Ebich ne kechi asheenaꞌo bullin yeshi markabooch gibe.

1 Taateenaꞌo 19:10

Biyoo, “Beshe Mawe Nuggishoo Doono Yeeri neech oogichaa qanaateto taane. Israꞌeeleenaꞌo neenna tookkii boonoshi giyiti wogoon biichitinaꞌone; ne deejjee gudeenaꞌon happitinaꞌone; ne keemechinaꞌonoo goraadoona wuxitinaꞌone. Ta ikkeeto baach, echeto taane. Taanoo wuxoyich qaawii beetinaꞌone” iye.

Iyoobi 31:34

Asheenaꞌon shatona, ta xibeenaꞌochi coonoon shatona, cikkaꞌa kechi daggooch ta echeti aabo aalloone.

Shoddo 72:2

Biyoo ne asheenaꞌon tatoona qeejjemmone; xukketi ne asheenaꞌoyichoo tachi nallemmone.

Shaahiyoo 1:15

ta bushoocho, boonoshina tookki gommona hammaahine; boonoshi gommoochee wohe.

Shaahiyoo 18:5

Gonde ashi waan gaꞌo, cadiqoochi nalloonoo xummiyo, tato toonoone.

Shaahiyoo 4:14

Gondeenaꞌochi kaattoo waan wotteyaahine; boonoshi gommona hammaahine.

Erimiyaasi 37:15

Iraasheenaꞌoo ippoona tiyii Erimiyaasin yexxiyeete; cuyee kexo boonoshi tuniiti koorechi Yonaataani kexooch cuchiyeete.

Erimiyaasi 37:21

Ebich taatoo Sedeqiyaasi getoon immiye; boonoshiyoo Erimiyaasin kellechinaꞌochi addibaabooch kotiiheete; katemoochee kosho bulli ciiremmi wottoon koshon kachii beetinaꞌo waanee qemi qemonaa ikkikke kosho biich ichee beehe; ebina Erimiyaasi kellechinaꞌochi addibaabooch kotehe.

Erimiyaasi 38:9

“Taatoo ta doonocho, hini asheenaꞌo keemechi Erimiyaasin oppooch dufona boonoshi tuniito bulli gonde mooyone; wotta katemooch beeti kosho ciiretoyich, aroochaa shaacoona qitemmone” iye.

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Leweenaꞌo 19:15

“ ‘Dayinnetoon dabiiyaahine. Girecho waan gaꞌeyaahine. Gaannechoyichoo bariti oogoon immaahine. Tunebaani neenoommi ne manoyich dayinnetoona nallibe.

Haagi 1:4

“Ta asheenaꞌote, hini yemeeno, hini kexo happeeꞌi beetaa, malletiitaa hakketi ittoshi kexooch ittoshi beeyemmi yemeenoone?

Maariqoosi 15:15

Ebich Phelaaxoosi asheenaꞌon emirikkoyicha iꞌi Barbaanin biichiichii Yesuusin arengoona bi xoobbiitoyee gubb, bi yooddeyemmoyich beshii immiye.

Luqaasi 23:51

Are uro nallechinaꞌochi koceyoonaa boonoshi shuunoonooch bacceyaani ashoone; biyoo Arimaati getteebeeti Ayihudeenaꞌochi katemeexi ashoone; aroo Yeerichi taatittinoon quyeebeeti uroone.

Mishiraachechinaꞌo 24:27

Gutte nato ceennitoyee gubb, Phoriqiyoos Fisxoosi getteebeeto Filikisichi keroon iraashehe. Filikisi Ayihudeenaꞌon emirikkoyicha iꞌi, Phawuloosin bi beeti cuyee kexooch qajjiye.

Mishiraachechinaꞌo 25:9

Tunetaa Fisxoosi Ayihudeenaꞌon emirikkoyicha iꞌi, Phawuloosin “Yerusaalem hamiree hini mooyoyich ta aafoochaa taggoon qaawaa beetine?” iꞌi echehe.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Yibbaatoo 1:17

Dabiiree nalliyaahote. Gaannechonaa girechonon tachi ciinote. Dayinneto Yeericho bi tunetoyich, ashi aafoon ciini shattaahote. Ittoshich maggemmi mooyon taach ittoshi deebaa, ta aroon nallemmo taane’ iyaꞌa gettoye.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

Yibbaatoo 24:17

“Shiqqeenaꞌonaa nihaalleenaꞌonochi dayinnetoon dabiiyaahine. Xuumeechi tahoonoo yechiyoon tunii deqqaahine.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.

1 Saameeli 15:24

Saaꞌooliyoo Saameelich “Axaaxoon shuuneto taane. Doono Yeerichi getoonaa ne qaaroonon shaaddeto taane. Asheenaꞌon ta shattetoyich, boonoshi getoon ceechito taane.

1 Saameeli 15:9

Saaꞌoolinaa asheenaꞌona Agaagin, gaawi gaaweto tuneti bagoon, gattoon, gubbenoonaa bagee baaddoonon, gaaweto tuneti mooyo bullin wuxii aalliyoon qajjiyeete. Tunebaani gaacaalleenaꞌonaa gitteenaꞌonon baach wuxii aalliiheete.