Keyo 23:19 - Kafa Linguistics Project

¹⁹ “Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe. “Emmishee bushoochi meenon bi indeechi ejjoona kiijjaahine.

Keyo 23:19 ပူးပေါင်းရင်းမြစ်များ

Nehimi 10:35

“Goyoochee no danaabeeti maayoonaa manjeebeeti michi aafo bullinoochee maayi cilloon Doono Yeerichi kexooch deebemmo noone.

Nehimi 10:36

“Ebiyoommon wotta Sheeree Macaafooch bi kooreetoommon, no anaami bushiisheenaꞌoochee, no gijjeenaꞌoochee, no bagoonaa emmishoonoochee shiichii shiijjeton no Nuggishoo kexooch, maddeebeeti qeesheenaꞌo waan deebemmo noone.

Keyo 22:28

“Yeeri ta toommooch qallayee yibbaatoon yibbaateyaahine. Wotta ne asheenaꞌochi ukkiroon uppaahine.

Keyo 22:29

“Ne maayoochee woyee woyinee uyoochee woyee zayitoochee buuroon yagiyaanoon taach giddiibe. “Ne gutenee bushoon taach imbe.

Keyo 34:26

“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe. “Emmishee bushoochi meenon bi indeechi ejjoona kiijjaahine” iye.

Shaahiyoo 12:10

Cadiqo bi gijjee kashoyich ariqqehe; tunebaani gonde ashi ariqqo, mullee manjoone.

Shaahiyoo 3:9

Ne hajjitona, ne maayoocheenoo qaabbii shaggitona Doono Yeerin oogiibe.

Erimiyaasi 10:3

Aageteenaꞌochi doyoo duuboone; mixo kubboochee kuchehe; shuunechinaꞌo kishoona qofiyona xareehe.

Hiziqeeli 44:30

Qaabbe maayo bulliichee gaawi gaawe yiillecho bulli bi shaahi shaahoona, taach ittoshi giddiibeeti maayo bulliichee bi shaahi shaahoona qeesheenaꞌoyich tunemmone; ittoshi kexooch diiroo kotemmoyich, ittoshi buddinee maayi cilloon qeesheenaꞌoyich imbote.

Hiziqeeli 48:13

“Qeesheenaꞌochi daaree ciinooch, bi gidoo hiyaa uuche hume hiroo, bi maaco aashire hume hiroo tuneti qoodoo Leweenaꞌocho tunemmone; bulliyona bi gidoo hiyaa uuche hume hiroo, bi maaco hiye hume hiroo tunemmone.

Hiziqeeli 48:14

Ebi xaaꞌoo Doono Yeerich yaafeeto bi tunetoyich, boonoshiyoo aroochee kemmaayeete; shaddishoo gettaayeete; ebi showoo bulliyee beshe gaawe showoo bi tunetoyich barooch beshii immaayeete.

Haddoo 15:21

Batti batti ittoshi maayoochee kochi deejjoon Doono Yeeri taach gubbi ittoshi shiijjeroo bulliich beddaahaa, giddiyemmo ittoshine.

1 Qorontoosi 15:20

Tunebaani Kiristoosi qititinaꞌoyich qaabboo tuneꞌi iberoon qitoochee tiyitone!

Yibbaatoo 14:21

“Ne Nuggishoo Doono Yeerich yaafeeti asho ne tunetoyich, qititi mooyo amoonolla, maayaahine. Ne beeti katemee daggooch beeti shiqqoo bi maayemmoyich imbe. Woyee gommechi iibboyich kembe. “Emmishee bushoochi meenon bi indeechi ejjoona kiijjaahine” iye.

Yibbaatoo 26:10

Ebich and Doono Yeero, taach ne immeti showooch shaggiti maayoochee cilloon neech deebeto taane’ gettemmo neene. Mokkoon ne Nuggishoo Doono Yeeri aafooch kotiichi, aroochaa biich goyinnebe.

Yibbaatoo 26:2

ne Nuggishoo Doono Yeeri neech immiibeeti showoochee ne macimmi maayoochee cilloon kichi daami, mokkooch gede. Ebi aroon ne Nuggishoo Doono Yeeri biich ittoshi goyinnemmoyich bi kaaccemmi xaaꞌooch yeshi hambe.

Yaaꞌoo 14:4

Eboshiyoo shaagaaneenaꞌone; maacheena tookkiinoo daneyaaneenaꞌone; ebich eeꞌaalleenaꞌone. Eboshiyoo Bago hammiibeeti xaaꞌoo bulliich biin dabbii beetinaꞌone; asheenaꞌo daggoochee biisheetinaꞌone; Yeerinaa Bagoonoyich icheti cilleenaꞌone.