Keyo 23:13 - Kafa Linguistics Project

¹³ “Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.

Keyo 23:13 ပူးပေါင်းရင်းမြစ်များ

Shoddo 16:4

Bare nuggishoyich goyinnee beetinaꞌo beshe iritooch dihemminaꞌone; ta boonoshich damee deejjoon deejjaache; boonoshi shigoonoo ta noonoona ceegaache.

Shoddo 39:1

Tawoo “Ta heciyoona axaaxoon ta shuuneyaachemmoyich, ta gommon quyemmo taane; gondeenaꞌo ta beetooch boonoshi beemmi aabo bulliich, ta kookkooch lugaamoon geddemmo taane” iyoye.

Keyo 23:24

Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice.

Keyo 23:32

Boonoshina tookki tuneba boonoshi goyinneebeeti nuggisheenaꞌona tookki wogoon giyaahine.

Erimiyaasi 10:11

Ittoshiyoo boonoshich: “Shimaayoonaa showoonon hallaani ebi nuggisheenaꞌo showoonaa shimaayoyee deshinoochee aallemminaꞌone” gettemmo ittoshine.

Zakaariyaasi 13:2

Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

Haddoo 32:38

boonoshi shigo shaddeeti Neebin, Baꞌaal Meꞌooninaa Sibiminon shuuneheete. Ebi boonoshi shuuneti katemeenaꞌoyich bare shigoon kichiyeete.

Efesooni 5:12

Yeerich deꞌa getaani asheenaꞌo aashoona boonoshi tuniibeeti mooyon yibbaatolla yeellii beetone.

Efesooni 5:15

Illa aabichiree ittoshi beeyemmo gaata ariyoona ittoshi qelloon quyebote. Shalligechinaꞌoommonalli tuusheenaꞌoommon tuneree beeyaahote.

Yibbaatoo 12:3

Boonoshi deejjee gudoon happi bayote. Boonoshi goyinnee xaqqee giimboon tiishi buricote. Boonoshi nuggishee Asheeri misiloon qaaqqoona michibote. Boonoshi shahalloon kuxote. Boonoshi shigo are showoochee bi aallemmoyich tuniibote.

Yibbaatoo 4:15

Muusi Israꞌeeleenaꞌoyich ishichiye: “Doono Yeeri Kooreebi guudoochaa, qaaqqee daggoochaa ittoshich bi yibbaatehooba, bi shaahoon beegaano ittoshine. Ebich ittoshi qelloon ariibote!

Yibbaatoo 4:23

Ittoshi Nuggishoo Doono Yeeri ittoshina tookkii bi giyiti wogoon ittoshi batteyaachemmoyich, ittoshi goyinne maddaachemmoyich bi bajjiti, amee shaahoonona shuuneebeeti shahalloon ittoshi shuuneyaachemmoyich ittoshi qelloon ariibote!

Yibbaatoo 4:9

“Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Yibbaatoo 6:1

“Ittoshich ta dojjemmoyich ittoshi Nuggishoo Doono Yeeri taach immiti geto, qociyoonaa doyoona ebine. Arooch giyi ittoshi hajjemmi showoochaa eboshin quyebote.

1 Ximootiyoosi 4:16

Ne kittinnittinee qocoyich, ne dojjaabeeti doyoyichoo ne qelloon ariibe. Eboshi bullin tuniyoyich kupphebe. Ebin ne tuniigaata, neennaa ne waanee waayee beetinaꞌonon wodiyemmo neene.

Hibireena'o 12:15

Koniyoona Yeerichi wojjoon qayiree gubb bi wotteyaachemmoyich, meetinaꞌon eeꞌiyemmi, caammiibeeti xepphoommi amee mooyolla kaama diciree kittinnee guuphon bi xuuxiyaachemmoyich,

Yaasi 22:5

Ittoshi Nuggishoo Doono Yeerin ittoshi shunnemmoyich, bi gommo bullin ittoshi dabbemmoyich, bi getoon ittoshi ceechemmoyich, biin manjiiree ittoshi yechemmoyich, ebiyoommon ittoshi ceeni mulloonaa ittoshi ceeni kashoona biich ittoshi maddemmoyich, Doono Yeeri guuno Muusi ittoshich bi gettiti getoonaa sheeroonon quyoyich, ittoshi qelloon ariibote” iye.

Yaasi 23:11

Ebich ittoshi Nuggishoo Doono Yeerin shunniibeeto ittoshi tunoon manjiiree ariibote.

Yaasi 23:7

Ittoshi daggooch echeꞌi beeti aageteenaꞌona tookki bacceyaahote; boonoshi goyinneebeeti nuggisheenaꞌochi shigoon ceeggaahote; boonoshina wogeyaahote; boonoshich goyinne maddeyaahote.