Keyo 23:1 - Kafa Linguistics Project

¹ “Koote woroon shookkaahine. Xuꞌechi ashich nalloo kechemmoyich tuniiya kootoon miixeyaahine.

Keyo 23:1 ပူးပေါင်းရင်းမြစ်များ

Halloo 39:17

Bi waammona ebi mooyon ishichaꞌa biich gettahan: “Ne kexooch ne deebeti ne guuno, ebi Hibiroo taan cooniiya iꞌi, taan giidoona yeshi qeya, ta beetooch waa giyiye.

2 Saameeli 16:3

Aroochee taatoo, “Ne doonochi bushoo Mefibosheti, aabiichiye bi beeto?” iꞌi echehe. Siibiyoo taatoyich wochiꞌi, “ ‘Israꞌeeleenaꞌo ta nihinihoochi taatittinoon taach hanaachi wochemminaꞌone’ ii gabiꞌi Yerusaalemiye bi beeto” iye.

2 Saameeli 19:27

Ne guuno taanoo taatoo ta doono neech oonniye. Tunebaani taatoo ta doono ne, Yeerichi maraakoommo neene. Ebich neech shaahiꞌi bekkemmon tuniibe.

Shoddo 101:5

Bi nuuchoon gubbaa oonnii beeton aalliyemmo taane; geecoona coonderee beetinaꞌon haaꞌiyaachemmo taane.

Shoddo 120:3

Hini kooteenaꞌote, Yeeri ittoshin aabichiba? Amoon ittoshi toommooch daakki tuniiba?

Shoddo 15:3

ashoon oonaano, biinoommi bi manoo toommooch gondoon shuuneyaano, bi giyoochi shigoon gondiyaano,

Shoddo 27:12

Koote asheenaꞌo miichoona ta toommooch boonoshi tiyitoyich, ta etteenaꞌochi qaatooch taan beshii immaahine.

Shoddo 35:11

Gonde asheenaꞌo ta toommooch miixeheete; ta ariyaani mooyon taan echeheete.

Keyo 20:16

“Asho koni toommoochona kootoon miixeyaahine.

Keyo 23:7

Koote taggoon ashi toommooch yaaqqaahine. Xuꞌo bi toommooch aalli, kaame ashoon wuxiyaahine. Ebiyoommi gondoon shuuneebeeti ashoon maaraachemmo taane.

Shaahiyoo 10:18

Bi shixon aachiibeeto koote yibbaatechone; oonoon kichiibeeto mullaalloone.

Shaahiyoo 12:17

Iberoon yibbaateebeeto, tate miixoon miixehe; tunebaani koote miixoo kootoon koottiye.

Shaahiyoo 14:5

Gibeneeti miixoo kootaache; tunebaani koote miixoo kootoon kaaphehe.

Shaahiyoo 17:4

Gonde asho xuꞌechochi noonoochee ellehe; koote ashoo marechochi heciyoochee waayehe.

Shaahiyoo 19:28

Xumme miixoo dayinnetee toommooch cooqqiriye; gondoon shuuno gondeenaꞌoyich shaawiye.

Shaahiyoo 19:5

Koote miixecho sheereyoo qayaachemmone; koote yibbaatechoo sheeroochee muricaachemmone.

Shaahiyoo 19:9

Kootoon miixeebeeto, sheereyoo echeyaachemmone; kootoon yibbaateebeeto aallemmone.

Shaahiyoo 21:28

Koote ashi miixoo deqqemmo daneyaache; tunebaani xiishii waayeebeeti ashi miixoo manjemmone.

Shaahiyoo 24:28

Ne giyoo toommooch naboo aalloon cikki miixeyaahine; ne noonoonoo dawushiyaahine.

Shaahiyoo 25:18

Bi giyoo toommooch kootoon miixeebeeto, qoolloommi, goraadoommi, aci shangoommi ashoone.

Shaahiyoo 25:23

Dambi-waani yongo amiyon deebiye; oonnechi heciyoo asho ippemmoyich tuniihe.

Shaahiyoo 6:19

kootoon yibbaateebeeti koote miixoonaa, manaamaneenaꞌo daggooch hayoon booddiibeeti ashoononiye.

Erimiyaasi 20:10

Meetinaꞌo shaashikkoona “Bulli xaaꞌooch hukkoo beetone; biin taggebote; biin taggebone” ii boonoshi shaashikkee beetaa waayehoye; ta xiboo tunetinaꞌo bulliyoo ta dihoon quyoona “Dawusheyoo qayaachemmone; aroocheenoo biin xoobiyoon hakkemmo noone; nichoon kichemmo noone” iyeete.

Leweenaꞌo 19:11

“ ‘Gaajjaahote. “ ‘Dawushiyaahote. “ ‘Ittoshi daggoochee ikkoo baroyich koottaaye.

Leweenaꞌo 19:16

“ ‘Ashoon oonibee ne asheenaꞌo daggooch okk hach shaꞌeyaahine. “ ‘Neenoommi ne manoon qitooch bechemmi amee mooyonona tuniyaahine. Ta, Doono Yeeri taane.

Maatiyoosi 19:18

Uroo wochiꞌi, “Bi gettitoochee aabiniye?” iye. Yesuusi wochiꞌi, “ ‘Ashoon wuxiyaahine; shunoon maayaahine; gaajjaahine; kootoon miixeyaahine;

Luqaasi 19:8

Tunebaani Zakiyoosi bulli aafooch neexeꞌi Doono Yesuusin “Ta Doonocho, taach beeto bulliichee qaton girechoyich wojjemmo taane; koninolla kootoon taggaꞌa ta deqqeto beegaata, awudde kishoon tuniiree wochemmo taane” iye.

Luqaasi 3:14

Ginee naayinaꞌo wotta “Nowochi amoon hallibona?” iꞌi echeheete. Yowannisiyoo “Bokkoochoommon guufichiree ashoon boggaahote; kootoon taggeree ashoon xuqqaahote; ittoshich icheebeeti shumaayoo ittoshich beddiye” iye.

Yowannisi 7:51

“Nallecho shiichiꞌi taggeetochi noonoochee waayeyaanoon, amoon bi shuuneto gaata ariyaanoon, ashi toommooch bi nallemmoyich no sheeroo daaggite?” iꞌi echehe.

Roomi 3:8

Wotta ikkikkeenaꞌo “Gaawe mooyo woyemmoyich gondoon shuunebone” ii beeton shaahiiꞌi no shigoon gondii beetinaꞌone. Eboshi toommooch kindemmi nalloo tatoone.

Efesooni 4:25

Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

Yibbaatoo 5:20

“ ‘Asho koni toommoochona kootoon miixeyaahine.

2 Ximootiyoosi 3:3

ashoon shunaaneenaꞌo, ashich maaroon imon shunaaneenaꞌo, oonechinaꞌo, boonoshi qelloon quyeyaaneenaꞌo, maacmanjeenaꞌo, deꞌe mooyon shunaaneenaꞌo,

1 Pheexiroosi 3:16

Tunebaani shiimebee boonoshi yibbaatoon qallayaanoon oogiibee yibbaatebote. Kiristoosina ittoshi daneti gaawe qocoon naageebeeti asheenaꞌo boonoshi oonniibeeti oonoyich boonoshi yeellemmoyich, xalle mullo ittoshich beebe.

Yaaꞌoo 12:10

Oogeti qaaro shimaajji taatee xaaꞌoochaa ishichii beeton waayeho: “And no Nuggishoo bi asheenaꞌon wodiitone; ooge bi giidoon bekkiibee taatemmone; bi kaacciti Kiristoosiyoo tiyi bullin hajjemmone; no Nuggishoo aafoochaa areddoonaa xumoonon no maneenaꞌon taggeebeeti taggecho shimaayoochee duppetone.