Keyo 22:29 - Kafa Linguistics Project

²⁹ “Ne maayoochee woyee woyinee uyoochee woyee zayitoochee buuroon yagiyaanoon taach giddiibe. “Ne gutenee bushoon taach imbe.

Keyo 22:29 ပူးပေါင်းရင်းမြစ်များ

2 Taateenaꞌo 4:42

Ikke areddoon ikke uro Baꞌaal Shalishee qaabbe maayoochee kachiti, hiye xekee sheqee koshonaa maayi moochoonon bi mollexxoona yechii, Yeer asho waan waahe. Elisayiyoo bi aafee bushoyich, “Boonoshi maayemmoyich, asheenaꞌoyich imbe” iye.

2 Kiinoo 31:5

Ebin bi gettimmona, bekkech Israꞌeeleenaꞌo maayoochee, woyinee uyoochee, zayitoochee, eeyonaa goyaa daneebeeti maayo bullinoochee maayi cilloon woddiiꞌi immiyeete. Boonoshich beeto bulliichee oogichii woddiiꞌi asraatoon giddiiheete.

Keyo 13:12

maacwaqqo tuneti anaamo bullin Doono Yeerich immemmo neene; ebiyoommon ne gijjeenaꞌo daggoochee shiichii shiijjeti anaamo bulli Doono Yeerichon tunemmone.

Keyo 13:2

“Qaabbii shiijjeti anaamo bullin taach yaafibe. Israꞌeeleenaꞌo daggooch maacwaqqo tuneti anaamo, asho tuneba gijjoo, taachone” iye.

Keyo 23:15

Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch maacheeti baaree aabooba, shabaatte qemon shittoo giyaani koshon mame. “Koniyoona shokke kishoon ta aafooch giddaaye.

Keyo 23:16

“Ne budooch ne shookketi qaabbe Maayi Qecci Baaroon baaribe. “Nati ciirooch ne budeexi maayoon ne kiciyooba, Maayi Kicee Baaroon baaribe.

Keyo 23:19

“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe. “Emmishee bushoochi meenon bi indeechi ejjoona kiijjaahine.

Keyo 34:19

“Maacwaqqo tuneti anaamo bulli taachone. Ne bushiisheenaꞌoochee, wotta ne gijjeenaꞌoochee, ebiyoo ne bagoochee, ne emmishoonaa miimonoochee shiichii shiijjeti anaamo bulli taachone.

Keyo 34:20

Shiichii shiijjeti kuroon bagee baaddoona biishebe. Tunebaani biishoon ne qayigaata, bi qettimixon tiishe. Ittoshi gutenee anaami bushoo bullin biishebote. “Koniyoona shokke kishoon ta aafooch woyaaye.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Leweenaꞌo 22:27

“Maamo woyee bagee baaddoo woyee emmishee bushoo bi shiijjegaata, shabaatte qemi wottoon bi indeena tookki beebe. Tunebaani shimittinnee qemoyee gubb, qaaqqooch michaa giddeebeeti, Doono Yeeri ta deqqemmi deejjoon tunoon hakkiye.

Mikiyaasi 7:1

Manjeebeeti michi aafo macaa tiyaa, woyinee aafoo buttetaa ciyaa bi maayemmon mucceti ashoommon ta tunetoyich, taach woowo! Manjeyemmi woyinee yuunjoo aalloone; ta shunnaabeeti, qaabbe balaasee michi aafoo macaa ciyitone.

Haddoo 18:13

Doono Yeerich boonoshi giddiibeeti, boonoshi showooch shaggiibeeti, maayi cillo bulli neech tunemmone. Ne kechi ashoochee xalloo tuneto koniyoona mamon hakkiye.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Roomi 8:23

Halleenaꞌo ikkeetinaꞌo baach tooneenaꞌone; shiichiti wojjoon tuniiꞌi nooch Yeeri immiti Yaafe Ayaano nooch beeti no, no qelloona wotta no ashittinee biicheyoon, ebi getoo Yeeri bi bushoo no tunoon bi bekkiyoon quyaabee, no maacoona gaashillaabeeto noone.

Yibbaatoo 15:19

“Ne miimoochee, ne bagoonaa ne emmishoonoochee shiichii shiijjeti anaamo bullin ne Nuggishoo Doono Yeerich kichibe. Shiichii shiijjeti ne gattoona goyoon gochaahine. Shiichii shiijjeti ne bagee eexonoo caggaahine.

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.