Keyo 22:18 - Kafa Linguistics Project

¹⁸ “Qaaxechi ure bi beegaata, kashoona bi beeyemmoyich daaggiyaahine.

Keyo 22:18 ပူးပေါင်းရင်းမြစ်များ

Erimiyaasi 27:10

Ebiyoo ittoshi showoochee kecaa wohi showooch ittoshi hammemmoyich, tawoo ittoshin ta yookkemmonaa ittoshi aallemmonoyich koote keemoon boonoshi keemmii beetoyichiye.

Erimiyaasi 27:9

Ebich “Baabloonee taatoyich hajjeyaachemmo ittoshine” ii beeti ittoshi keemechinaꞌon, kaayechinaꞌon, gumon maaccechinaꞌon, qaaxechinaꞌonaa mareccee maaccechinaꞌonon waayeyaahote.

Leweenaꞌo 18:23

“ ‘Gijjoon woyee cooxon qemona ne ashittinoon eeꞌiyaahine. Maacheyoo gijjoo woyee cooxo biin bi qeyemmoyich bi qelloon beshiiree immaayuye. Ebi ciigiiti mooyone.

Leweenaꞌo 19:26

“ ‘Damoon quupphiti meenon ciroona maayaahote. “ ‘Kaayeyaahote. Iicishoo gettaahote.

Leweenaꞌo 19:31

“ ‘Qititi ashoona tookkii yibbaatee beetinaꞌonaa allaameenaꞌona waan echii waayeya hammaahote. Ebin ittoshi tuniigaata, eeꞌemmo ittoshine. Ta, ittoshi Nuggishoo Doono Yeeri taane.

Leweenaꞌo 20:27

“ ‘Ittoshi daggoochee ikke asho, anaamo tuneba maachee, qititi ashoona tookkii yibbaateebeeto woyee allaamoo bi tunegaata, qitibe. Boonoshiyoo xaqqoona yexaa qitibeete. Boonoshi damoyich koniyoona echeyaachemmone’ itone gete” iye.

Leweenaꞌo 20:6

“ ‘Ikke asho, taan qajjiꞌi, qititi ashoona tookkii yibbaatee beetinaꞌonaa allaameenaꞌona waanee echii waayeya bi hamigaata, are ashoyich etto tunemmo taane. Bi asheenaꞌo daggoochee kichaa bi yookkeyemmoyich tuniyemmo taane.

Mishiraachechinaꞌo 19:19

Meeti kaayechinaꞌo boonoshi kaayee macaafoon ikkooch kiciꞌi, asho bulli aafooch michiyeete. Are macaafeenaꞌochi gatiyoo hiddaa, aache hume xure birewoo tunehe.

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Yibbaatoo 27:21

“ ‘Gijjoon woyee cooxon qeyiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

1 Saameeli 28:3

Aroyee aaf Saameeli qititone. Israꞌeeleenaꞌo bulliyoo biich eeppiꞌi, bi hajjee katemoo tuneti Raama biin duukkitinaꞌone. Saaꞌooliyoo qititi ashoona tookkii yibbaatee beetinaꞌonaa allaameenaꞌonon Israꞌeelee showoochee boonoshi aallemmoyich tuniitone.

1 Saameeli 28:9

Tunebaani ure biich ishichiyan: “Saaꞌooli qititi asheenaꞌona yibbaatee beetinaꞌonaa allaameenaꞌonon Israꞌeelee showoochee bi aalliyoon xiishaa ariyaabeeto neene. Ishigaata, taan wuximmoyich taach olloon ne tunaabeeto, amoyichiye?” iyan.