Keyo 21:26 - Kafa Linguistics Project

²⁶ “Ikke asho bi guuno woyee bi gonnee aafoon yexxii bi dookkigaata, ebi aafee nummoon baad cikki gawukki daachiibe.

Keyo 21:26 ပူးပေါင်းရင်းမြစ်များ

Nehimi 5:5

Andoo no maneenaꞌonaa noonna ikke meenonaa damoonon no tunetaa, no bushiisheenaꞌo boonoshi bushiishoomminaꞌo boonoshi tunetaanoona, ebiyoche no bushiisheenaꞌon guunonaa gonneena boonoshi tunemmoyich immaabeeto noone; no maache bushiisheenaꞌoocheenoo gonnee tunetinaꞌo beetinaꞌone. Bare asheenaꞌo no showoonaa no woyinee goyoonon boonoshi yechitoyich, hakka guutoon tuneto noone” ii beeheete.

Shoddo 10:14

Tunebaani ne, ne kishoona gatiyoon qocoyich, ashi xuuxoonaa ayinoonon beeggaabeeto neene; girecho bi qelloon neech aderehe; newoo nihaalloyich gaachoo neene.

Shoddo 10:18

Meenon taheti asho illa boonoshin bi shatiyaachemmoyich, nihaalleenaꞌonaa xukketinaꞌonoyich taggehine.

Shoddo 9:12

Damee nichoon gaaccecho boonoshin bi gabii beetoyich, xukketinaꞌochi eefon batteyaache.

Keyo 21:20

“Ikke asho bi guunon woyee bi gonneen gumboona bi yexaa, bekkech bi qitigaata, bi doono sheereebe.

Keyo 21:24

aafoon dookkito bi tunegaata, bi aafo dooge; gashoon tiichito bi tunegaata, bi gasho tiishebe; kishoon tiichito bi tunegaata, bi kishoo tiishebe; baatoon tiichito bi tunegaata, bi baatoo tiishebe;

Keyo 21:25

qaaqqoona michito bi tunegaata, qaaqqoona mice; yexxii mayiito bi tunegaata, yexaa mayebe; arengoona xoobbito bi tunegaata, arengoona xooppebe.

Keyo 21:27

Guunochi woyee gonneechi gashoon bi tiishigaata, ebi tiisheti gashee nummoon baad cikki gawukki daachiibe.

Efesooni 6:9

Dooninaꞌote, miichoon qayiichi, ittoshi guuninaꞌoyich ebiyoommi mooyon tuniibote. Boonoshinaa ittoshinon hajjiibeeti Doono shimaajj bi beemon, ashoon heppaanoon nalliibeeto bi tunoonoo ariibeeto ittoshine.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

Qolaasiyaasi 4:1

Dooninaꞌote, ittoshi wotta shimaayooch Doono ittoshich beemon ariiree, ittoshi guuninaꞌoyich kaamoonaa tate mooyonon tuniibote.