Keyo 20:8 - Kafa Linguistics Project

⁸ “Shambetee aaboon yaafeeti aaboon tuniiꞌi quyoon batteyaahine.

Keyo 20:8 ပူးပေါင်းရင်းမြစ်များ

Halloo 2:2

Yeeri bi shuunoon shuunee bi taccitoyich, shabaattinnee qemooba shuunoo bulliichee kashehe.

Halloo 2:3

Yeeri halliya bi iton hallii ciichiꞌi, shuunoo bulliichee arooba bi kashetoyich, shabaattinnee qemon diiriꞌi yaafiye.

Nehimi 13:15

Ebiyooba Yihudee showooch shambetee aaboon oppoochaa woyinoon hiiccii beetinaꞌonaa maayoon, woyinee uyoon, woyinee yuunjoon, balaasoonaa baribare qiicoonon kurooch xaaniꞌi, Yerusaalem deebii beetinaꞌonon beeggeho. Tawoo “Shambetee aaboon maayoon kemmaahote; ittoshi qelloon ariibote” iyo.

Nehimi 9:14

Yaafeeti ne shambetoonoo boonoshich arichiihine; getoon, qociyoonaa sheeroonon ne guuno Muusina boonoshich immehine.

Keyo 23:12

“Shiritte qemon ne shuunoon shuunebe. Tunebaani shabaattinnee qemooba amee shuunoonolla shuuneyaahine; ebina ne gattoo, ne kuro, ne guunonaa neech shuuneebeeti shiqqoona kashe heechemminaꞌone.

Keyo 31:12

Aroochee Doono Yeeri Muusich ishichiye:

Keyo 35:1

Muusi Israꞌeelee iitoo bullin kiciꞌi ishichiye: “Ittoshi tuniyemmoyich Doono Yeeri gettiti mooyinaꞌo eboshine:

Isiyaasi 56:2

Ebin tuniibeeto, kupphiiꞌinoo yechiibeeto, shambetoon eeꞌiyaanoon oogiibeeto, gondo amoonolla shuunoochee bi kishoon quyeebeeti asho, diireetone.

Isiyaasi 58:13

Doono Yeeri ishichiye: “Shambetee doyoon shaaddoochee ittoshi baatoon ittoshi wochigaata, yaafeeti aabooba ittoshin emirikkii beeton tuniyoochee ittoshi wottegaata, shambetoon emirikkito, Doono Yeerich yaafeeti aaboon oogoo ittoshi getigaata, ittoshi kaatta hamon qajjiꞌi ittoshi oogiigaata, ittoshin emirikkii beeton qaawoo ittoshi qayigaata, duube yibbaatoon ittoshi qayigaata,

Erimiyaasi 17:21

Doono Yeeri ta ishichiyoye: “Shambetooba shaagoon shaagiree Yerusaalemi uxeree kelloona giyaahote; ittoshi qelloon ariibote!

Erimiyaasi 17:22

Ittoshi qaabbechinaꞌoyich ta gettetoommon shambetoon yaafeeton tuniiree quyebotalli shambetooba shaagoon shaagiree ittoshi kexoochee kechaahote; amoonolla shuuneyaahote.

Erimiyaasi 17:24

Taachon ittoshi waayegaata, iye Doono Yeeri, shambetooba hini katemee kelloona shaagoon deebo ittoshi qayigaata, shambetee aaboon yaafeeto tuniiꞌi ittoshi quyegaata, shambetooba shuunoo bullin shuuno ittoshi qayigaata,

Hiziqeeli 20:20

Ta, Doono Yeeri ittoshi Nuggishoo ta tunoon ittoshi ariyemmoyich taannaa ittoshina daggooch malletoo bi tunemmoyich, ta shambetoon yaafeeti aabo tuniibote” iyoye.

Leweenaꞌo 19:3

“ ‘Ittoshi daggoochee asho bi ikkikkoona bi indeenaa bi nihoonon oogiibe. Ta shambetoon quyebote. Ta, ittoshi Nuggishoo Doono Yeeri taane.

Leweenaꞌo 19:30

“ ‘Ta shambetoon quyebote. Ta goyinnee xaaꞌoonoo oogiibote. Ta, Doono Yeeri taane.

Leweenaꞌo 23:3

“ ‘Shiritte qemon shuunoon shuunemmo ittoshine; tunebaani shabaattinnee qemo yaafeeti kashee shambetoo, taach goyinnoyich ittoshi kiceyemmi yaafeeti aaboone. Doono Yeeri ta shambetee aabo bi tunetoyich, ittoshi koteti showoo aabiichaanona shuunoon shuuneyaahote.

Leweenaꞌo 26:2

“ ‘Ta shambetoon quyebote. Ta goyinneebeeti xaaꞌoonoo oogiibote. Ta, Doono Yeeri taane.

Haddoo 15:32

Israꞌeeleenaꞌo barahooch beebee, ikke uro shambetee aaboon mixon mittii bi beetaa, daneheete.

Yibbaatoo 5:12

“ ‘Ne Nuggishoo Doono Yeeri ta, neech gettetoommon, shambetee aaboon yaafeeti aabo tunii quyebe.