Keyo 20:7 - Kafa Linguistics Project

⁷ “Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

Keyo 20:7 ပူးပေါင်းရင်းမြစ်များ

Halloo 27:20

Yisaaqiyoo bi bushoon “Ta bushoocho, ebi aati goora danaꞌa waanne?” iye. Yaaqobiyoo “Ne Nuggishoo Doono Yeeri taach kaatee daniiteenane” iye.

1 Taateenaꞌo 2:9

Tunebaani ne, ariyechi asho ne tunetoyich, xuꞌaalli ashichoommon biin cikki qajjaahine; bi toommooch ne tuniyemmon ariyemmo neene; bi bukkoon damoona tookki maash gede” iye.

2 Taateenaꞌo 5:20

Yeer asho Elisayichi aafee bushoo Giyaazi, “Ta doono ebi Sooriyee asho Naꞌimaanin maariye. Bi deebiti mooyoochee amoonolla deꞌaanoone. Beeyechi Doono Yeeri beege; bi hillooch woci hamiree, bi waanee ikke mooyon deqqemmo taane” iꞌi gabiye.

Shoddo 139:20

Ebi asheenaꞌo ne toommooch gondoon yibbaateheete; ne shigoonoo gondiiheete.

Shaahiyoo 30:9

Ebiyoo miyi neen ta nookkeyaachemmoyich, “Doono Yeeri konine?” ta getaachemmoyich, woyee gire ta gaayaachemmoyich, ta Nuggishoo ne shigoon ta naakkiyaachemmoyichiye.

Erimiyaasi 34:16

Tunebaani ittoshi gubb wotteꞌi, ta shigoon hoxiihote; ittoshi ikkikkoona boonoshi daaggoona boonoshi hammemmoyich ittoshi gawukkiti, ittoshi guuninaꞌonaa ittoshi gonneenaꞌonon wochii deebiꞌi, guuninaꞌonaa gonneenaꞌonon tuniihote.

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Hiziqeeli 39:7

“ ‘Yaafe ta shigo ta asheenaꞌo tuneti Israꞌeeleenaꞌochi daggooch arichemmoyich tuniyemmo taane; ebiyee bekk yaafe ta shigo naakkemmoyich tuniyaachemmo taane; aageteenaꞌo Doono Yeeri ta, Israꞌeelee Yaafoo ta tunoon ariyemminaꞌone.

Leweenaꞌo 19:12

“ ‘Ta shigoon ceegiree kootoon wogeyaahote. Ebin tuniyoona ta shigoon naakkiyaahote. Ta, Doono Yeeri taane.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

2 Qorontoosi 1:23

Wochinnoon Qorontoos womo ta qajjeto, ittoshin ayinikkaache iyaꞌa ittoshich ta ariqqetoyichiye. Ebi iberoo bi tunoyich Yeeri ta miixoone.

Yibbaatoo 10:20

Ne Nuggishoo Doono Yeerin shate. Biich baach goyinne maddebe. Biinna tookki ikkottebe. Bi shigoonoo wogebe.

Yibbaatoo 5:11

“ ‘Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

Yibbaatoo 6:13

“Ne Nuggishoo Doono Yeerin shate. Biich baach goyinne maddebe. Bi shigoona baach wogebe.

Yaaqobi 5:12

Ta maneenaꞌote! Bulliyee beshoon ebin gabibote: Shimaayoona tuneba showoona, amee mooyonolla wogeyaahote. Yeeri ittoshi toommooch bi nallaachemmoyich, ittoshi yibbaatoo eeha geto bi tunegaata, eeha baach getote. Toonoone geto bi tunegaata, toonoone baach getote.

Yaasi 2:12

Illa ittoshich gaaweton ta tuniitoommon, ittoshiyoo ebiyoommon ta nihoochi kechi asheenaꞌoyich gaaweton ittoshi tuniyemmoyich, Doono Yeerina wogebote. Ebi wogo manjoo bi tunoon bekkiibeeti malletoon taach imbote.

Yaasi 9:20

And ebiniye boonoshich no tuniyemmo: No wogeti wogoon happoo naxoon no toommooch deebemmo bi tunetoyich, kashoona boonoshi beeyemmoyich qayone.