Keyo 20:5 - Kafa Linguistics Project

⁵ Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Keyo 20:5 ပူးပေါင်းရင်းမြစ်များ

2 Saameeli 21:1

Daawitichi taatee yemeenooch kuxaanoon keejje nati wottoon, giidechi shaacoo tunehe. Ebich Daawiti Doono Yeer waan corootiye. Doono Yeeriyoo “Saaꞌooli Gibeꞌoonee asheenaꞌon bi wuxitoyich, biinnaa bi kechi asheenaꞌonochi kishooch ashi damoo beetone” iye.

2 Saameeli 21:6

are uroochi shiijjeroochee shabaatte anaami bushiisheenaꞌo nooch beshiitaa ichebeete. Nowoo boonoshin Doono Yeeri aafooch, Doono Yeeri kaacciti taatoo Saaꞌooli beeyi katemoo tuneti Gibaahaa yoodone” iyeete. Taatoo “Tunebe; boonoshin ittoshich beshiiree immemmo taane” iye.

1 Taateenaꞌo 19:10

Biyoo, “Beshe Mawe Nuggishoo Doono Yeeri neech oogichaa qanaateto taane. Israꞌeeleenaꞌo neenna tookkii boonoshi giyiti wogoon biichitinaꞌone; ne deejjee gudeenaꞌon happitinaꞌone; ne keemechinaꞌonoo goraadoona wuxitinaꞌone. Ta ikkeeto baach, echeto taane. Taanoo wuxoyich qaawii beetinaꞌone” iye.

1 Taateenaꞌo 21:29

“Akaabi bi qelloon ta aafooch aabichiꞌi bi giishiito gaata beeggaa beetine? Bi qelloon ta aafooch bi giishiitoyich, gonde mooyon bi yemeenooch deebaachemmo taane. Tunebaani bi bushoochi yemeenooch gonde mooyon bi kexooch deebemmo taane” iye.

2 Taateenaꞌo 17:35

Doono Yeeri boonoshina tookkii wogoon giyiꞌi boonoshich ishichii gettitone: “Bare nuggisheenaꞌoyich goyinneyaahote; boonoshich maddeyaahote; boonoshich deejjiyaahote.

2 Taateenaꞌo 17:41

Ebi aagetee asheenaꞌo Doono Yeerin shattii beeheete; wotta qiicaa shuuneeti boonoshi shahalleenaꞌoyichoo ikke baddaa goyinnee beeheete; ebiyoommon boonoshi bushiisheenaꞌonaa boonoshi bushaa bushiisheenaꞌona hanaach beddaahaa boonoshi qaabbechinaꞌo tuniitoommon, tunii beetinaꞌone.

2 Taateenaꞌo 23:26

Tunebaani Yihudee taatoo Minaasi biin ippiyoyich tuniiti gonde mooyo bullichi naboona Yihudee showee toommooch cufiti, Doono Yeerichi shattiiti kaaro aqqeyaanoone.

2 Taateenaꞌo 5:18

Tunebaani Doono Yeeri ikke mooyoyich baach ne guuno taach maaroon gede. Ebiyoo taatoo ta doono aroochaa goyinnoyich, Rimoonichi yaafee kexooch bi giyigaata, tawoo bi baatoon deggaa giyaꞌa Rimoonichi yaafee kexoochaa ta goyinnegaata, Doono Yeeri ebi mooyoyich taach maaroon gede” iye.

2 Taateenaꞌo 5:27

Ebich Naꞌimaanichi qeddee shaddee biiyo neenna yeshemmone. Bulli yemeenoon ne yaraa yarooch beshemmone” iye. Ebina Giyaazi qeddee shaddee biiyoona xooppee kecho naccoommon nacceꞌi, Elisayi aafoochee kechiye.

2 Kiinoo 25:14

Amasiyaasi Edoomeenaꞌon wuxiꞌi bi wottehooba boonoshi shahalleenaꞌon deebiye; deebii neechiꞌi bi nuggisheenaꞌon tuniihe; boonoshichoo goyinnee maddehe; ixaanoonoo shookkiye.

2 Kiinoo 7:19

“Tunebaani neennaa ne asheenaꞌona taan qajjiꞌi ittoshi wottegaata, ittoshich ta immeti doyoonaa sheeroonon ittoshi qayigaata, hammiinoo bare nuggishoyich ittoshi goyinnee madde gaatoo,

Iyoobi 21:19

Ittoshiyoo ‘Yeeri boonoshi xuꞌoyich, boonoshi bushiisheenaꞌon naxemmone’ ii beeto ittoshine; boonoshi gondoon boonoshi ariyemmoyich, Yeeri bi naxoon boonoshi toommooch kindiibe.

Iyoobi 5:4

Bi bushiisheenaꞌo diggoon mucceheete; iitoochaa, boonoshich taggemmon mucceꞌi, xoobbiyeete.

Shoddo 109:14

Bi qaabbechinaꞌochi axaaxoo Doono Yeeri aafoochaa gabeebe; bi indeechi axaaxoo batteyaaye.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Shoddo 79:8

Oogichaꞌa no giishetoyich, no qaabbechinaꞌochi xuꞌoon no toommooch haddiyaahine; ne ariqqo kaateree no waan wobe.

Shoddo 81:15

Taan shixxii beetinaꞌo taan shati yitteshinaꞌone; bulli yemeenoon naxeyeshinaꞌone.

Keyo 23:24

Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice.

Keyo 34:14

Ta shigo Qanaatecho getteehe. Doono Yeeri ta, qanaatechi Nuggishoo ta tunetoyich, bare nuggishoyich goyinneyaahine.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Isiyaasi 44:15

Ebiyoo asho qaaqqooch shookkemmi mixon tunehe; ashoo qaton daammii shookkiꞌi kachiye; koshonoo kachiihe; wottoo shahalloon shuuneꞌi arooch goyinnehe; qiiceeti shahalloon shuuneꞌi bi aafooch gutenehe.

Isiyaasi 44:19

Ebi shahalloon shuunee beetinaꞌo daggooch “Ebi michi qaton qaaqqooch shookkehoye; bi gachoona koshon kachiihoye; meenonoo michaꞌa maahoye; illa aabichiree, echetona ciigiiti mooyon tuniyehote? Ebi michi aafooch dihi goyinnehote?” iꞌi yexiiti, ariyecho woyee shalligecho ikkolla aalloone.

Erimiyaasi 2:9

“Ebich ittoshin ittibatemmo taane; ittoshi bushaa bushiisheenaꞌona tookkishoo gajjiteyemmo taane” iye Doono Yeeri.

Erimiyaasi 32:18

humeenaꞌoyich ne shoodoon bekkiihine; tunebaani niheenaꞌochi xuꞌoyich boonoshiyee gubbi boonoshi bushiisheenaꞌon sheerihine; oogechi, hakkechi Nuggishoocho, ne shigo Beshe Mawe Doono Yeerine.

Hiziqeeli 18:19

“Tunebaani ittoshi ‘Bushoo bi nihoochi axaaxoyich amoyich naxeyaache?’ ii beeto ittoshine. Bushoo dayinnetoonaa kaamoona tuneti mooyon bi tuniigaata, ta qociyeenaꞌo bullin bi quyegaata, iberoochaa kashoona beeyemmone.

Hiziqeeli 18:2

“Israꞌeelee showooch wochii wochii: Niheenaꞌo gaangaani woyinee aafoon maaheete; bushiisheenaꞌochi gasho giiriye; ittoshi ii beeti shaahiyee yibbaatoo amoone?

Hiziqeeli 20:7

Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Hiziqeeli 8:3

Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Daaneeli 1:2

Yeeri Yihudee taatoo Yoyaqiimin yaafee kexooch beeti qiiceenaꞌoochee ikkikkeenaꞌona tookkii bi kishooch beshiiꞌi immiye. Biyoo ebi qiiceenaꞌon Baabloon beeti bi nuggishoochi yaafee kexooch daammiye; qiiceenaꞌonoo bi nuggishoochi ginjabeetooch kotiihe.

Daaneeli 3:18

Tunebaani taatoocho, noon wodiyoon bi qayi gaatoona, ne nuggisheenaꞌoyich goyinneyaachemmo, aachoochee shuuniyaꞌa ne neechiti misiloyichoo goyinneyaachemmo no tuno neech aricheton tunebe” iyeete.

Leweenaꞌo 20:5

are uroonaa bi kechi asheenaꞌonoyich etto tunemmo taane. Biinnaa taan qajjiichii, Molookich goyinnoyich biin dabbitinaꞌonon boonoshi ashi daggoochee kichaa boonoshi yookkeyemmoyich tuniyemmo taane.

Leweenaꞌo 26:1

“ ‘Ta, ittoshi Nuggishoo Doono Yeeri ta tunetoyich, shahalloon ittoshich shuuneyaahote. Xareeti xaqqoon woyee goyinnee xaqqee giimboon ittoshi showooch xogiree, ebi aroyich goyinneyaahote.

Leweenaꞌo 26:29

Shaacoochee tiyitona, ittoshi anaami bushiishoonaa maache bushiishoonochi meenon maayemmo ittoshine.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Haddoo 14:33

Gibeneyaano ittoshi tunetoyich, ittoshi qitii ciiremmi wottoon, ittoshi bushiisheenaꞌo barahooch aabbe naton xuuxebee qiddoo tunemminaꞌone.

Haddoo 25:11

“Qeeshoo Harooni bushoochi bushoo, Elazaari bushoo Finihaasi ta oogoyich boonoshi daggooch ta qanaatoommon qanaateꞌi, ta kaaree shiixxoon Israꞌeeleenaꞌo waanee bi wochitoyich, ta kaaroona boonoshin aalliyaano taane.

Maatiyoosi 4:9

“Taach yittaꞌa ne goyinnegaata, eboshi bullin neech immemmo taane” iye.

Yowannisi 15:18

“Alemo ittoshin bi shixigaata ittoshiyee aaf taan bi shixon ariibote.

Yowannisi 7:7

Alemo ittoshin bi shixxemmi naboo aalloone; tunetaa bi shuunoo gondo bi tunoon ta miixaa beetoyich, taan shixxiye.

Yowannisi 9:2

Yesuusichi dabbeenaꞌo “Dojjechocho, hini uro aaf doogo tuneꞌi bi shiijjeto, koni axaaxoon shuunetenane? Biinee biin shiyitinaꞌone?” iꞌi echeheete.

Roomi 1:30

oonechinaꞌo, Yeerin shixxii beetinaꞌo, naagechinaꞌo, boonoshi qelloon oogii beetinaꞌo, geecechinaꞌo, moochi qaawechinaꞌo, boonoshi niheenaꞌonaa indeenaꞌonoyich deꞌa getaaneenaꞌo,

Roomi 8:7

Meechi gaboo Yeerichi sheeroyich hajjeyaano bi tunetoyich, hajjeyoonoo hakkaano bi tunetoyich, meechi gaboyich hajjeebeeti asho Yeerina kaarecho tunetone.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Yibbaatoo 32:21

Nuggishoo tuneyaani gaacaalleenaꞌoyich goyinnehote; qanaateree ta kaaremmoyichoo tuniihote. Ebich gaacaalli aagetoona ittoshin qanaatiyemmo taane; shalligaalli aagetoona ittoshin ippiyemmo taane.

Yibbaatoo 32:41

Aaxxeebeeti ta goraadoon gayiremmo taane; nalloon kindiyoyich yechemmo taane. Ta etteenaꞌo toommooch nichoon kichemmo taane; taan shixxii beetinaꞌon sheeremmo taane.

Yibbaatoo 4:24

Ebiyoo ittoshi Nuggishoo Doono Yeeri michii aalliibeeti qaaqqoommo bi tunetoyichiye; biyoo qanaatechi Nuggishoone.

Yibbaatoo 5:10

Tunebaani taan shunnii beetinaꞌonaa ta getoon waayee beetinaꞌonoyich hume shiijjerooch beddaahaa ta shunoon bekkiibeeto taane.

Yibbaatoo 5:9

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon keejjinnee shiijjeroonaa awuddinnee shiijjeroonooch beddaahaa, niheenaꞌo shuuneti axaaxee naboyich naxemmo taane.

Yibbaatoo 7:10

Tunebaani biin shixxii beetinaꞌon aalliyoona boonoshi toommooch nichoon kichemmone; biin shixxii beetinaꞌo toommooch nichoon kichaanoon yagaachemmone.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.

Yaasi 23:16

Ittoshi Nuggishoo Doono Yeeri gettiti wogoon ittoshi shaaddegaata, hammiꞌi bare nuggisheenaꞌoyich ittoshi goyinnee maddegaata, Doono Yeeri kaaro ittoshi toommooch cufemmone; ittoshich bi immiti gaawe showoochee kaateree aallemmo ittoshine” iye.

Yaasi 23:7

Ittoshi daggooch echeꞌi beeti aageteenaꞌona tookki bacceyaahote; boonoshi goyinneebeeti nuggisheenaꞌochi shigoon ceeggaahote; boonoshina wogeyaahote; boonoshich goyinne maddeyaahote.

Yaasi 24:19

Yaasiyoo asheenaꞌoyich ishichiye: “Doono Yeeri yaafe Nuggishoonaa qanaatechi Nuggishoona bi tunetoyich, biich maddoon hakkaachote. Ittoshi xuꞌoonaa axaaxoonon maaraachemmone.

Woraaferasheenaꞌo 2:19

Tunebaani are woraaferashoo qitiyooba, asheenaꞌo bare nuggisheenaꞌon dabbii boonoshich goyinnee maddeꞌi, boonoshiyee aafi shiijjeroyee beshoon gondeheete. Gonde boonoshi shuunoon qayaaneenaꞌone; babberittinoocheenoo wotteyaaneenaꞌone.