Keyo 20:3 - Kafa Linguistics Project

³ “Tayee besh bare nuggisheenaꞌoyich goyinne maddeyaahine.

Keyo 20:3 ပူးပေါင်းရင်းမြစ်များ

1 Taateenaꞌo 11:4

Solomooni geenehooba, bi mecheenaꞌo bi mulloon, bare nuggisheenaꞌo waan wochiyeete. Solomooni, bi nihoo Daawitichoommon, bi mullo bi Nuggishoo Doono Yeerich gibeneeto tuneyaanoone.

Shoddo 29:2

Bi shigoyich bede oogoon Doono Yeerich deebote; bi yaafittino koojjii aaxxeebeeti Doono Yeerich goyinnebote.

Shoddo 73:25

Neyee besh shimaayooch taach koni beete? Showoochoo neyee baroo ta qaawemmo aalloone.

Shoddo 81:10

Gibitsee showoochee neen kichiti, ne Nuggishoo Doono Yeeri taane; taan qollebe; neech qaawii beeton immemmo taane.

Shoddo 81:9

Dallaawe nuggishoo ne daggooch beeyaaye; bare nuggishoyich goyinneyaahine.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 20:23

Tayee besh bare nuggisheenaꞌo ittoshich beeyaayeete. Birewoochee woyee aachoochee shahalloon ittoshich shuuneyaahote.

Keyo 22:19

“Gijjoona daneebeeto qitibe.

Keyo 23:24

Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice.

Keyo 32:8

Boonoshich ta getteti getoochee kaatee shokiyeete; aachoon ukkiꞌi, shahalloon maamochi shaahoona boonoshi qellich shuuneheete; aroyichoo goyinnee, deejjoonoo biich deejjiꞌi, ‘Israꞌeelee ashoocho, Gibitsee neen kichiti nuggishoo hinine’ iyeete” iye.

Keyo 34:14

Ta shigo Qanaatecho getteehe. Doono Yeeri ta, qanaatechi Nuggishoo ta tunetoyich, bare nuggishoyich goyinneyaahine.

Isiyaasi 26:4

Bulli yemeenooch Doono Yeerin gibenebote. Nuggishoo Doono Yeeri, nooch bulli yemeenee deebe xaqqoone.

Isiyaasi 42:8

“Ta, Doono Yeeri taane; ta shigo ebine; ta oogoon baroo konichona imaachemmo taane; ta galletoonoo shahalloyich imaachemmo taane.

Isiyaasi 43:10

“Nuggishoo ta tunoon shalligiree, taan ittoshi ariyemmonaa ittoshi gibenemmonoyich, ta kaacceti ta guuno, ta miixoo ittoshine” iye Doono Yeeri. “Tayee aaf nuggishoo aalloone; tayee gubboo beetaachemmone.

Isiyaasi 44:8

Shattaahote; keqqiyaahote; wonnee tiijjaꞌa ittoshich getaano taane? Ittoshi ta miixoo ittoshine; tayee bare nuggishoo beete? Tayee bare Xaqqee Inderoo aalloone; koninolla ariyaache” iye.

Isiyaasi 46:9

Wonna besheti mooyon gabibote; Nuggishoo taane; tayee baroo aalloone; Nuggishoo taane; taanoo shaahemmo aalloone.

Erimiyaasi 25:6

boonoshich goyinnoonaa maddoonoyich, bare nuggisheenaꞌon dabbiyaahote; ittoshi toommooch gonde mooyon bi tuniyaachemmoyich, ittoshi kishee shuunoo tuneti shahalloona bi kaaroon booddaahote’ iyeete. Ebi tunegaata ittoshin naxeyaachemmone.

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Erimiyaasi 7:9

Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Daaneeli 3:18

Tunebaani taatoocho, noon wodiyoon bi qayi gaatoona, ne nuggisheenaꞌoyich goyinneyaachemmo, aachoochee shuuniyaꞌa ne neechiti misiloyichoo goyinneyaachemmo no tuno neech aricheton tunebe” iyeete.

Hosee'i 13:4

Doono Yeeri ishichiye: “Tunebaani ta, Gibitsee ittoshin kichiti, ittoshi Nuggishoo Doono Yeeri taane. Tayee besh bare nuggishoo ittoshich aalloone. Tayee besh wodiyecho baroo aalloone.

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

1 Qorontoosi 8:4

Illa and shahalloyich deejjeeti deejjoon mamichon bi tunegaata, shahalloo koote nuggishoo bi tunoonaa ikke Yeeriyee damba bare nuggishoo aallo bi tunoonon ariibeeto noone.

1 Qorontoosi 8:6

nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.

Efesooni 5:5

Ebin ariibote: Shunimaayo woyee eeꞌe shuunecho woyee hiriggecho Kiristoosinaa Yeerinochi taatittinee daggooch iristoon daneyaachemmone; hiriggoo shahalloyich goyinnoommone.

Yibbaatoo 5:7

“ ‘Tayee besh bare nuggishoyich goyinne maddeyaahine.

Yibbaatoo 6:14

Ittoshina tookkii beeti ittoshi Nuggishoo Doono Yeeri qanaatechi Nuggishoo bi tunetoyich, Nuggishoo Doono Yeeri kaaro ittoshi toommooch bi cufaachemmoyich, showee toommoocheenoo ittoshin bi aalliyaachemmoyich, ittoshi guudoona beeti asheenaꞌo goyinnee maddeebeeti bare nuggisheenaꞌoyich goyinne maddeyaahote.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.

Filipphisiyoosi 3:19

Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.

Qolaasiyaasi 2:18

Beꞌenee qellee giishiyoonaa maraakeenaꞌoyich goyinnoonon shunibee, “Ta besh taane; yaaꞌoon beeggeto taane” getibee Yeeri aalli gaboona duuboon geecibee koniyoona ittoshi toommooch nallaaye.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.

Yaaꞌoo 22:9

Tunebaani aroo “Neen ariibe! Eechiyaahine! Neechoommon, keemechi ne maneenaꞌochoommon, hini macaafooch kooreeton quyee beetinaꞌochoommonoo Yeerichi guuno taane; Yeerich baachiye ne goyinnemmo!” iye.

Woraaferasheenaꞌo 6:10

Ittoshichoo “Ta, ittoshi Nuggishoo Doono Yeeri taane. Boonoshi showooch ittoshi beeti Amooreenaꞌochi nuggisheenaꞌoyich goyinne maddeyaahote” iyoye. Tunebaani ta qaaroon waayemmon qajjiyote’ itone” iye.