Keyo 20:24 - Kafa Linguistics Project

²⁴ “ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Keyo 20:24 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

2 Saameeli 6:12

Arooba ebi Yeerichi taabootee naboona Doono Yeeri Obeed Edoominaa bi kechi asheenaꞌonon, biich beeto bullinoo bi diiroon taatoo Daawiti waayehe. Ebich Daawiti hammiꞌi, Yeerichi taabootoon Obeed Edoomi kexoochee Daawiti Katemooch oogeti emiroona deebiye.

1 Taateenaꞌo 8:29

‘Arooch ta shigo beeyemmone’ ne iti, hini kexon xumoonaa areddoonon manjii ciine; ne guuno ta hini xaaꞌoochaa ta corootaabeeti corootoon elle waayebe.

1 Taateenaꞌo 8:43

ne beeyi xaaꞌoo tuneti shimaayoochaa waayebe; neen bi qolleto bullin biich tuniibe. Ebiyoo showee toommeexi asheenaꞌo bulli ne shigoon ariiree, ne asheenaꞌo tuneti Israꞌeeleenaꞌo neech boonoshi shatoommon, neech boonoshi shattemmonaa ta haggeti hini kexooch ne shigo beemon boonoshi ariyemmonoyichiye.

1 Taateenaꞌo 9:3

Doono Yeeriyoo biich ishichiye: “Ta aafooch ne giddiiti corootoonaa qolloonon waayeto taane. Ta shigo arooch bulli yemeenoon bi beeyemmoyich ne shuuneti hini kexon yaafito taane. Ta mulloonaa ta aafoona bulli yemeenoon arooch tunemmone.

2 Taateenaꞌo 5:17

Naꞌimaaniyoo biich, “Ne guuno ta ebiyee damba Doono Yeeriyee besh, bare nuggisheenaꞌoyich micciibeeti deejjoon woyee bare deejjoon deejjaachemmo taane. Ebich gutte xaanee showoon ta daammemmoyich, taach ne daaggemmon neen qollehoye.

2 Kiinoo 12:13

Taatoo Roboꞌami Yerusaalemaa bi taatittinoon manjiiꞌi taatehe. Roboꞌami bi taatehooba, bi eeno aabbaa ikke natone. Bi shigo arooch beeyemmoyich, Israꞌeelee showoo bulli daggoochee Doono Yeeri kaacciti Yerusaalem beechii aaraa shabaatte naton qeejjiye. Bi indee Naꞌaami getteehan. Biyoo Amoonee asheene.

2 Kiinoo 7:16

Andoo ta shigo aroochaa bulli yemeenoon bi ceekkemmoyich, hini yaafee kexon kaacceto taane; yaafiyanoo ito taane. Ta aafoonaa ta mulloona bulli aabooch arooch tunemmone.

Iziri 6:12

Bi shigo arooch beeyemmoyich tuniiti Nuggishoo, ebi getoon shaddoyich, woyee Yerusaalem beeti, Yeerichi kexon happoyich, boonoshi kishoon geddimmi taatoon woyee aagetoon koninolla aalliibe. “Daariyoosi ta, ‘Ebi mooyon tuniibote’ iyaꞌa getteto taane. Ebi ta getoon kupphiiree tuniibote” ii kooriihe.

Shoddo 101:2

Ta gommon xalliyemmo taane; ta waan ne woyemmo aatane? Ta taatee kexoochaa kaamittinoona beeyemmo taane.

Shoddo 122:2

Yerusaaleme, no baateenaꞌo ne xaqqee uxeree kelleenaꞌooch shaggitinaꞌone.

Shoddo 128:5

Doono Yeeri Tsiyoonaa neen diiribe; Yerusaalemichi gaannoon ne kashee yemeeno bullin ne beeggemmon tuniibe.

Shoddo 134:3

Showoonaa shimaayoonon halliti Doono Yeeri, Tsiyoonaa neen diiribe.

Shoddo 74:7

Ne yaafee kexon michii aalliiheete; ne shigo ceekketi xaaꞌoon eeꞌiiheete.

Shoddo 76:2

Bi kexon Saalem, bi beeyi xaaꞌoon Tsiyoon tuniihe.

Shoddo 78:68

Tunebaani Yihudi yoodoon, bi shunniibeeti Tsiyooni guudon, kaacciye.

Keyo 10:25

Muusiyoo ishichiye: “No Nuggishoo Doono Yeerich micciibeeti deejjoonaa bare deejjoonon no giddiyemmoyich no gijjeenaꞌon nooch daaggibe.

Keyo 18:12

Ebiyee gubb, Muusichi abboo Yotoori micciibeeti deejjoonaa bare deejjeenaꞌonon Yeerich giddiihe. Aroochee Harooninaa Israꞌeelee ukkiroo bullina biinna tookkii Yeeri aafooch maayoon maaya waaheete.

Keyo 20:25

Xaqqoochee deejjee gudoon taach ittoshi shuunemmo tunegaata, xareeti xaqqoona shuuneyaahote. Ebiyoo xariibeeti xuuree qiico ebi deejjee gudoon bi eeꞌiyaachemmoyichiye.

Keyo 24:4

Aroochee Muusi Doono Yeeri gettito bullin kooriye. Biyoo dechara maaddoona tiyiye; guudi baatooch deejjee gudoon shuunehe; aaraa gutte Israꞌeelee yoodeenaꞌo haddoona aaraa gutte xaqqee giimbeenaꞌon xogii neechiye.

Keyo 24:5

Aroochee Israꞌeelee gurimaasheenaꞌon bi wochetaa, boonoshiyoo micciibeeti deejjoon deejjiyeete; wurinaꞌonoo ikkittinee deejjoon tuniiꞌi Doono Yeerich deejjiyeete.

Keyo 27:1

“Deejjee gudoon geellee mixoochee shuunebe. Ebi deejjee gudo bi gidoo uuche hiroo, bi maaco uuche hiroo, bi neexoo keejje hiroo tuneechi, awudde bi naaboo tato tunebe.

Isiyaasi 64:5

Ne gommon gabii beetinaꞌon, emiroona tate mooyon tunii beetinaꞌonoo gaachaabeeto neene; tunebaani no axaaxoon shuunoon kuxaache iyone; newoo ebich noon kaarehine; ishigaata no wodemmo aabichireeshiye?

Leweenaꞌo 17:9

Doono Yeeri taach deejjiya danee duukkaanee kellooch deebaano bi beegaata, bi asheenaꞌo daggoochee kichaa yookkebe.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 18:20

Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:21

Ne Nuggishoo Doono Yeeri bi shigo aroochaa ceekkemmoyich bi kaacciti xaaꞌoo ne beetoochee oogeti woho bi tunegaata, neech ta gettetoommon, Doono Yeeri neech immiti ne miimoochee, ne bagoonaa ne emmishoonoochee neen xiqqiimmi haddoona bashaꞌa ne beeti katemoochaa mamon hakkihine.

Yibbaatoo 12:5

Ittoshi Nuggishoo Doono Yeeri bi shigo ceekkemmonaa arooch bi danemmona tuneti xaaꞌoon ittoshi yoodeenaꞌo bulli daggoochee kaaccemmone. Are xaaꞌoon qaawiꞌi, arooch hammii biich goyinno ittoshich qaawiihe.

Yibbaatoo 14:23

Bulli aaboon ne Nuggishoo Doono Yeerin shaton ne doyemmoyich, ne maayoochee, woyinee uyoonaa zayitoonoochee asraatoon, wotta ne miimoochee, bagoonaa emmishoonoochee shiichii shiijjeton, bulli aaboon biich ittoshi goyinnemmoyich bi kaacciti xaaꞌoochaa, ne Nuggishoo Doono Yeeri aafoochaa mame.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 26:2

ne Nuggishoo Doono Yeeri neech immiibeeti showoochee ne macimmi maayoochee cilloon kichi daami, mokkooch gede. Ebi aroon ne Nuggishoo Doono Yeeri biich ittoshi goyinnemmoyich bi kaaccemmi xaaꞌooch yeshi hambe.

Yibbaatoo 7:13

Biyoo neen shunnemmone; diirishoo gettemmone; neech imoyich ne qaabbechinaꞌoyich wogeꞌi bi gibenikkiti showoochaa meeti bushiishoon neech imona shiyi shiijjereree ne meettemmoyich tuniyemmone; ne goyoon, ebiyoo maayoon, woyinee qomboonaa zayitee mixonon diiremmone; ne miimon, ne bagoonaa ne emmishoonon diiremmone.

1 Ximootiyoosi 2:8

Illa doonjeenaꞌo bulli xaaꞌoochaa kaaroonaa hayoonon qayiichi, yaafeeti boonoshi kishoon damba tiijjiree boonoshi corootemmoyich daaggiyoye.