Keyo 20:2 - Kafa Linguistics Project

² “Gibitsee showee guuchittinoochee neen kichiti, ne Nuggishoo Doono Yeeri taane.

Keyo 20:2 ပူးပေါင်းရင်းမြစ်များ

1 Taateenaꞌo 18:39

Asheenaꞌo bulli ebin beeggii, baroona guufeechii, “Doono Yeeri, aroo Nuggishoone. Doono Yeeri, aroo Nuggishoone” iyeete.

2 Taateenaꞌo 17:12

Doono Yeeri bajjiti, shahalleenaꞌoyich goyinnee maddeheete.

2 Taateenaꞌo 17:7

Ebi bulli Israꞌeeleenaꞌo toommooch bi tuneto, Gibitsee showoochee, Gibitsee taatoo Faroonichi kishoochee boonoshin kichiti boonoshi Nuggishoo Doono Yeerin boonoshi xuqqitoyichiye; bare nuggisheenaꞌoyichoo boonoshi goyinnee maddetoyichiye;

2 Kiinoo 28:5

Ebich bi Nuggishoo Doono Yeeri Sooriyee taatoo kishooch biin beshiiꞌi immiye. Sooriyeenaꞌoo boonoshin kochii wochiꞌi, meeti asheenaꞌon keccii Damaasiqa daammiyeete. Wotta Doono Yeeri boonoshin Israꞌeelee taatoo kishooch beshiiꞌi immiye. Biyoo gonde yexon boonoshin yexxiye.

Shoddo 50:7

“Ta ashoocho, waayebe; ta neech getona; Israꞌeelo, ne toommooch miixebona; ta, ne Nuggishoo Yeeri taane.

Shoddo 81:10

Gibitsee showoochee neen kichiti, ne Nuggishoo Doono Yeeri taane; taan qollebe; neech qaawii beeton immemmo taane.

Shoddo 81:11

“Tunebaani ta asho ta qaaroon waayeyaanoone; Israꞌeeli taach deꞌa getaanoone.

Shoddo 81:7

Ne duꞌehooba taan ceeggehine; tawoo neen wodiihoye; gigeebeeti qere xaaꞌoochaa ne qolloon waayehoye; Meriibi aacoochaa neen phiree beeggehoye.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 15:13

“Ne shoodoona ne biisheti ne asheenaꞌon, yaabito neene; ne hakkoona ne biishetinaꞌon yaafe ne beeyi xaaꞌooch yaabito neene.

Keyo 15:16

Doono Yeero, ne asheenaꞌo, guuchittinoochee ne biisheti ne asheenaꞌo, boonoshi daggoona boonoshi beshemmi wottoon, keqqoonaa qewoona boonoshi toommooch kindii beetone; ne mochee giidoo shuuraani xaqqoommon boonoshin tuniitone.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Keyo 20:1

Yeeri ebi qaaro bullin ishichiꞌi gettiye:

Keyo 29:46

Boonoshi daggooch beemoyich, Gibitsee boonoshin kichiti boonoshi Nuggishoo Doono Yeeri ta tunoon ariyemminaꞌone. Ta, boonoshi Nuggishoo Doono Yeeri taane.

Keyo 6:6

“Ebich Israꞌeeleenaꞌoyich ishichi gete: Doono Yeeri ishichitone: ‘Ta, Doono Yeeri taane. Gibitseenaꞌochi guuchittinee waanjoochee ittoshin kichemmo taane; boonoshich guuno tunoochee ittoshin biishemmo taane. Qaaꞌi naxoon boonoshi toommooch deeboyich giidechi ta mochoon boonoshi toommooch tiijjemmo taane; ittoshinoo biishemmo taane.

Isiyaasi 43:3

Israꞌeelee Yaafoo ne Nuggishoo Doono Yeeri ta, neen Wodiyecho taane; neen biishoyich Gibitsin immemmo taane; ne qoodoyich Topphiyoonaa Seebinon immemmo taane.

Erimiyaasi 16:14

Doono Yeeri ishichiye: “Asheenaꞌo ebiyee bekk: ‘Israꞌeeleenaꞌon Gibitsee kichiti beeyechi Doono Yeeri beege’ boonoshi getaachemmi yemeeno woyemmone.

Erimiyaasi 2:6

‘Gibitsee showoochee noon deebiti, shuuꞌi showoona, barahoonaa oppechi showoona, wotta amichaalli showoonaa dunne manderoona, koniyoona aroona besheyaani showoona, arooch asho koteyaani showoonoo, noon yaabiti Doono Yeeri aaye?’ getaaneenaꞌone.

Erimiyaasi 31:1

Doono Yeeri ishichiye: “Ebiyooba Israꞌeelee gumbo bullich Nuggishoon tunemmo taane; boonoshiyoo ta maccoon tunemminaꞌone” iye.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Erimiyaasi 34:13

“Israꞌeelee Nuggishoo Doono Yeeri ishichiye: Ittoshi qaabbechinaꞌon guuchittinoochee, Gibitsee showoochee ta kichiyooba, boonoshina tookkii ishichaꞌa wogoon giyeto taane:

Hiziqeeli 20:19

Ta, Doono Yeeri ittoshi Nuggishoo taane; ta qociyoona hambote; ta geteenaꞌonoo manjii quyebote.

Hiziqeeli 20:5

Boonoshichoo Nuggishoo Doono Yeeri ishichiye gete: ‘Israꞌeelin ta kaaccehooba, Yaaqobi yareenaꞌoyich ta wogehooba, Gibitsee showoochaa boonoshich taan ta arichiihooba, “Ta, ittoshi Nuggishoo Doono Yeeri taane” iyaꞌa boonoshich wogeto taane.

Hiziqeeli 20:7

Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.

Hosee'i 12:10

“Keemechinaꞌoyich yibbaatehoye; wodde yaaꞌoonoo boonoshich bekkiihoye. Keemechinaꞌona shaahiyoon boonoshich gettoye.

Hosee'i 13:4

Doono Yeeri ishichiye: “Tunebaani ta, Gibitsee ittoshin kichiti, ittoshi Nuggishoo Doono Yeeri taane. Tayee besh bare nuggishoo ittoshich aalloone. Tayee besh wodiyecho baroo aalloone.

Leweenaꞌo 11:45

Ittoshi Nuggishoo tunoyich, Gibitsee ittoshin kichaꞌa deebeti Doono Yeeri taane. Ebich yaafoo ta tunetoyich, ittoshiyoo yaafoo tunebote.

Leweenaꞌo 19:36

Maayoon ittoshi shafirii woyee aache mooyon ittoshi qeellee beegaata, tate shafiree qiicoona, tate machee qiicoonaa tate qeellee qiicoona qeellebote. Ta, ittoshin Gibitsee kichaa deebeti, ittoshi Nuggishoo Doono Yeeri taane.

Leweenaꞌo 23:43

Ebina Israꞌeeleenaꞌon Gibitsee kichaa ta deebiyooba, bashooch boonoshi kotemmoyich ta tuniyoon ittoshi shiijjereenaꞌo ariyemminaꞌone. Ta, ittoshi Nuggishoo Doono Yeeri taane’ itone gete” iye.

Leweenaꞌo 25:38

Kanaanee showoon neech imma, neechoo Nuggishoo tuneya Gibitsee neen kichaa deebeti, ne Nuggishoo Doono Yeeri taane.

Leweenaꞌo 25:42

Israꞌeeleenaꞌo, Gibitsee kichaa ta deebeti ta guuninaꞌo boonoshi tunetoyich, guunochoommon kemmeyaayeete.

Leweenaꞌo 25:55

Israꞌeeleenaꞌo ta guuninaꞌone; Gibitsee kichaa ta deebeti ta hajjee guuninaꞌone. Tawoo ittoshi Nuggishoo Doono Yeeri taane.

Leweenaꞌo 26:1

“ ‘Ta, ittoshi Nuggishoo Doono Yeeri ta tunetoyich, shahalloon ittoshich shuuneyaahote. Xareeti xaqqoon woyee goyinnee xaqqee giimboon ittoshi showooch xogiree, ebi aroyich goyinneyaahote.

Leweenaꞌo 26:13

Gibitseenaꞌoyich guuno ittoshi tuneyaachemmoyich, Gibitsee ittoshin kichaa deebeti ittoshi Nuggishoo Doono Yeeri taane. Guuchittinee waanjoon tiichaꞌa, kaama qaalliree ittoshi hammemmoyich tuniito taane.

Amootsi 2:10

Boonoshi showoon ittoshi woraashemmoyich, Gibitsee ittoshin kichaꞌa aabbe naton barahoona yaabiyoye.

Roomi 10:12

Ayihudoonaa Aagetoonochi daggooch barbarittino aalloone; ikke Doono bullichi Doonone. Corootoonoo biin qollee beetinaꞌo bullich beshaa beshiiꞌi immii beetone.

Roomi 3:29

Halla Yeeri Ayihudeenaꞌo ikkeetochi Nuggishoo baachiye? Aageteenaꞌoyichoo wotta Nuggishoo toone? Eeha, boonoshich wotta Nuggishoone.

Yibbaatoo 13:10

Xaqqoona yexiree wuxibe. Ebiyoo guuno tunaa hajjeyaꞌa beebee ne echeti Gibitsee neen kichii deebiti, ne Nuggishoo Doono Yeer waanee neen bariiya bi qaawitoyichiye.

Yibbaatoo 15:15

Newoo ne qelloona guuno tunaꞌa Gibits ne beemon, ne Nuggishoo Doono Yeeri aroochee neen biisheꞌi bi kichoonoo batteyaahine. Hanaach ebi getoon neech ta gettaabeeto ebichiye.

Yibbaatoo 20:1

Muusi Israꞌeeleenaꞌoyich ishichiye: “Gibitsee neen kichii deebiti ne Nuggishoo Doono Yeeri neenna tookkii bi tunetoyich, ne ettoona koyeya koyooch hammaꞌa, neechoyee beshiti gaarin, hareshoonaa ginee naayinaꞌonon ne beegigaata, shattaahine.

Yibbaatoo 5:15

Gibits beechaa newoo guuno ne tunoon, ebi aroochee ne Nuggishoo Doono Yeeri ta, kupphe ta kishoonaa giidechi ta mochoonon bekkiyaꞌa neen kichaa ta deebon shalligibe. Ne Nuggishoo ta, shambetoon ne quyemmoyich ta gettaabeeto, ebichiye.

Yibbaatoo 5:6

‘Gibitsee showeexi guuchittinoochee kichaꞌa neen deebeti ne Nuggishoo Doono Yeeri taane.

Yibbaatoo 7:8

Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.

Woraaferasheenaꞌo 2:1

Doono Yeerichi maraakoo Galigalee Bokiim hammiꞌi Israꞌeeleenaꞌoyich ishichiye: “Gibitsee ittoshin kichaꞌa, ittoshi qaabbechinaꞌoyich imma ta wogeti showooch ittoshin deeboye. Tawoo ‘Ittoshina tookkaa ta giyeti wogoon happaachemmo taane.

Woraaferasheenaꞌo 6:10

Ittoshichoo “Ta, ittoshi Nuggishoo Doono Yeeri taane. Boonoshi showooch ittoshi beeti Amooreenaꞌochi nuggisheenaꞌoyich goyinne maddeyaahote” iyoye. Tunebaani ta qaaroon waayemmon qajjiyote’ itone” iye.