Keyo 20:17 - Kafa Linguistics Project

¹⁷ “Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.

Keyo 20:17 ပူးပေါင်းရင်းမြစ်များ

Halloo 14:23

‘Abraamin taane gaanniito’ ne getaachemmoyich, ta naayinaꞌo maatonaa taanna tookkii hammitinaꞌochi qoodoonoyee besh, neecho tuneti woshiqoon woyee caammee cuyoon woyee neecho tuneti mooyo amoonolla deꞌaache. Aneeri, Eshikoolinaa Mamirina baach boonoshi qoodoon deꞌeete” iye.

Halloo 3:6

Ureyoo ebi michi aafo mamoyich shaawiibeeto, ciinoyich dakiibeeto, ariyoon imoyichoo gaaweto bi tunoon ciinnahan; ebi michi aafoochee daammaa maahan; wotta bi kenoyichoo immahan; aroo maahe.

Halloo 34:23

Ebin no tuniigaata, boonoshi gijjoonaa boonoshich beeto bullina noocho tunemmone. Noonna tookki boonoshi kotemmoyich, ebi mooyona baach boonoshich deꞌa getone” iyeete.

Iyoobi 31:1

“ ‘Bare gaboona maache busheen ciinaache’ iyaꞌa, ta aafoona tookkaa wogoon giyeto taane.

Iyoobi 31:9

“Ta mullo ashi mecheen qaawiya qaataa, ta giyoochi kellooch hammaa, ottaa quyeto ta gaata,

Shoddo 10:3

Gonde asho bi mullee qaatoona cooddiye; hiriggechi asho Doono Yeerin shixxii uppiye.

Shoddo 119:36

Gaanno waan tuneyaanoon, ne qaaro waan ta mulloon gaꞌiibe.

Shaahiyoo 4:23

Kashee tunoo bi tunetoyich, bulli mooyoyee beshiiree ne mulloon quyebe.

Shaahiyoo 6:29

Ashi mecheen qaawiibeeti asho bulli ebiyoommone; aree waan shaggimmo bulli sheeroochee muricaachemmone.

Dojjecho 4:8

ebiyoo bushaalli, manaalli shiqqe uroochi mooyone; ebi uro aajjiichii wotteyaanoone; biich beeti gaannoona michiꞌi tooꞌaanoone; biyoo “Ta qelloon emirikkaanoon ta aajjaabeeto konichiye?” iꞌi gabiye. Ebiyoo duubo, xuuxee beemone.

Isiyaasi 33:15

Cadiqoona beeto, iberoon yibbaateebeeto, xuꞌoona daneebeeti shimon hoxeebeeto, xuccoochee bi kishoon quyeebeeto, damoon ukkiya koceyoon waayoochee bi waamon oppeebeeto, gondoon ciinoochee bi aafoon oppeebeeto,

Isiyaasi 57:17

Gonde bi woddellittinoyich biin kaarehoye; biin naxaꞌa, kaaroona ta aafoon bi waanee badd wochiyoye; tunebaani gubb wotteꞌi bi gaba hammiye.

Erimiyaasi 22:17

“Tunebaani ne mulloonaa ne aafoona tooqqito, tateyaani gommona gaacoon danoyich, xalle damoon ukkoyich, hukkoonaa xuꞌee shuunoonooch baachiye” iye.

Erimiyaasi 5:8

Shiimeeti hareshoommon tuneheete; boonoshi ikkikkoona boonoshi nuucheenaꞌochi mecheenaꞌon qaawiyeete.

Hiziqeeli 33:31

Bulli aaboon boonoshi tunii beetoommon ta macceenaꞌo waaree ne aafooch kotemminaꞌone; ne gettaa beeton waayemminaꞌone; tunebaani tuniyaachemminaꞌone; boonoshi noonoona wodde shunoon bekkiiheete; tunebaani boono mulloona boono gaacoon dabbiyeete.

Mikiyaasi 2:2

Ashi budon boonoshi qaatigaata, boggii deqqiyeete; ashi kexon boonoshi qaawigaata, boonoshicho tuniiheete. Ashi yaaphoon, bi kechi asheenaꞌonoo boggii daammiyeete.

Imbaaqoomi 2:9

Boggii ittoshi deqqiti mooyona ittoshi kexon gaanniiti, gonde mooyo ittoshi toommooch bi shagaachemmoyich, manje kexinaꞌon haggiti, ittoshich woowo!

Maatiyoosi 20:15

Ta gijjoona ta shunnemmon shuuno hakkaachehote? Woyee deꞌe asho ta tunetoyich qanaataa beetine?’ iye.

Maatiyoosi 5:28

Tunebaani and ta waanee waayebote! Maacheen ciinniꞌi qaatito bulli bi mulloona biinna tookkii shunoon maatone.

Luqaasi 12:15

Wotta Yesuusi daakkiꞌi ishichiye: “Ashich kasho geto bi gaannee woddo tuno bi qajjitoyich, ittoshi qelloon ariibote! Hiriggoo bulliicheenoo ittoshi qelloon quyebote” iye.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Mishiraachechinaꞌo 20:33

Ta konichi birewoon woyee aachoon woyee tahoon qaataano taane;

Mishiraachechinaꞌo 5:4

Kemaani ne beehooba, showoo ne hajjoo toone? Ne kemmetoyee gubb, gijjoo ne bullo toone? Ebiyoommi mooyon amoyich ne mulloona gabinne? Yeerichalli, ashich kootaano neene” iye.

Roomi 13:9

“Shunoon maayaahine; ashoon wuxiyaahine; gaajjaahine; ashicho tuneton qaatiyaahine” ii beeti sheeroonaa bare sheeroo bullina “Neenoommi ne manoon neenna tachiree shune” ii beeti qaaroona taccetone.

Roomi 7:7

Illa ama gettehone? Sheeroo axaaxoone? Ciroona toonoone! Tunebaani sheeroo getaanegaata, axaaxoo amo gaata ariyaachesho taane; wotta sheeroo qaatiyaahine bi getaanegaata, qaatoo amo gaata ariyaachesho taane.

1 Qorontoosi 6:10

gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

Efesooni 5:3

Yaafoo tuneti ittoshich tato tuno bi qajjitoyich, yahoonaa eeꞌe mooyo bullina woyee hiriggoo ittoshi daggooch bi beemo ciroona waayeyaaye.

Efesooni 5:5

Ebin ariibote: Shunimaayo woyee eeꞌe shuunecho woyee hiriggecho Kiristoosinaa Yeerinochi taatittinee daggooch iristoon daneyaachemmone; hiriggoo shahalloyich goyinnoommone.

Yibbaatoo 5:21

“ ‘Ashi mecheen qaatiyaahine. Ashi kexon woyee goyoon, ashi guunon woyee gonneen, bi gattoon woyee bi kuroon, ashi gijjoo amoonolla qaatiyaahine’ iye.

Yibbaatoo 7:25

Boonoshi shahalloon qaaqqoona michibe. Ne Nuggishoo Doono Yeer waanaa ciigeeto bi tunetoyich, boonoshi toommooch beeti birewoon woyee aachoon qaatiyaahine. Ebi aroona ne olleyaachemmoyich deqqaahine.

Filipphisiyoosi 3:19

Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.

Qolaasiyaasi 3:5

Illa ittoshi meechi qaatoon wuxibote. Eboshiyoo: yahoo, eeꞌe shuunoo, bushittinee cakkoo, gonde qaatoonaa hiriggoonane. (Hiriggoo, bi hiriggiti mooyon nuggishoommon tuniiꞌi goyinnoone.)

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

Yaasi 7:21

Kecceti qiiceenaꞌo daggoochee Shinaaree showoochee waati ikke macecikkiti gaaboon, gutte balle sheqeelee birewoonaa aache sheqeelee nuuppheti aachoonon ciinnaꞌa dakiyoye; eboshin daammoye. Ebi qiicoon, birewoon dechiich geddaa ta duukkaanee maac showooch duukkaꞌa aachito taane” iye.

1 Saameeli 12:3

And ittoshi aafooch neexeto taane. Illa Doono Yeerinaa bi huuttitonochi aafoochaa ta toommooch miixebote; koni gattooniye ta deqqeto? Koni kurooniye ta deqqeto? Koniniye ta dawushito? Wotta koniniye ta xuqqeto? Beeggaabee beegaanoon shaahaꞌa koni waaneeniye xuccoon ta maato? Ebiichee ikkoonolla tuniito ta tunegaata, ittoshich wochemmo taane” iye.

1 Saameeli 15:19

Ishigaata, amoyich Doono Yeerichi getoon ceechemmon qajjenne? Amoyich kecceyemmi mooyon bogoyich dafeeꞌa, gonde mooyon Doono Yeeri aafooch shuunenne?” iye.