Keyo 20:13 - Kafa Linguistics Project

¹³ “Ashoon wuxiyaahine.

Keyo 20:13 ပူးပေါင်းရင်းမြစ်များ

2 Taateenaꞌo 21:16

Minaasi Yihudee asheenaꞌon axaaxoo bi shuuniitaa Doono Yeeri aafooch gonde mooyon boonoshi shuunetoyee baroo wotta, dofee xalle ashi damoon ukkoona Yerusaalemin hachi gocoochee okki gocooch beddaahaa, tajjitone.

2 Kiinoo 24:22

Taatoo Yoꞌaashi, Zakaariyaasi nihoo Yoyaadi biich deeti deꞌoon batteꞌi, Zakaariyaasin wuxiihe. Zakaariyaasiyoo bi qitiyooba, “Doono Yeeri ebin ciiniree, ne toommooch nallibe” iye.

Keyo 21:12

“Ashoon yexxii wuximmo qitibe.

Keyo 21:14

Tunebaani ikke asho gabii kuxxiꞌi bare ashoon bi wuxigaata, ta deejjee gudee xaaꞌooch aasheto bi tunetaanoona, geechi kichi daamaa qitibe.

Keyo 21:20

“Ikke asho bi guunon woyee bi gonneen gumboona bi yexaa, bekkech bi qitigaata, bi doono sheereebe.

Keyo 21:29

Tunebaani bi gattoo kochecho bi tunoon getaa ariibee, tifaanoon bi qayaa, ashoon kochii bi wuxigaata, gattoo xaqqoona yexaa qitibe; bi doonoo qitibe.

Keyo 23:7

Koote taggoon ashi toommooch yaaqqaahine. Xuꞌo bi toommooch aalli, kaame ashoon wuxiyaahine. Ebiyoommi gondoon shuuneebeeti ashoon maaraachemmo taane.

Shaahiyoo 1:11

“Ne waataa oti quyeree damoon ukkibone; naboo aalloon xalle ashoon gaappebone;

Shaahiyoo 1:18

Ebi asheenaꞌo boonoshi ottiibeeto, boonoshi damee toommoochiye; boonoshi olleebeetoo boonoshi kashee toommoochiye.

Isiyaasi 26:21

Showee toommooch beeti asheenaꞌon, boonoshi axaaxoyich naxeya, Doono Yeeri bi xaaꞌoochee woyemmone; showoo bi toommooch ufeti damoon kichemmone; bi toommoochaa wuxeetinaꞌon aachaachemmone.

Erimiyaasi 26:15

Tunebaani ebi bulli qaaroon ittoshich ta gettemmoyich iberoochaa taan wocheto Doono Yeeri bi tunetoyich, taan ittoshi wuxigaata, xalle damee hiishoo ittoshi toommooch, hini katemee toommooch, arooch beetinaꞌo toommooch bi tunoon ariibote” iye.

Leweenaꞌo 24:17

“ ‘Ashoon wuximmo qitibe.

Leweenaꞌo 24:21

Ashi gijjoon wuximmo aroommi gijjoon qoce. Ashoon wuxito qitibe.

Maatiyoosi 19:18

Uroo wochiꞌi, “Bi gettitoochee aabiniye?” iye. Yesuusi wochiꞌi, “ ‘Ashoon wuxiyaahine; shunoon maayaahine; gaajjaahine; kootoon miixeyaahine;

Maariqoosi 10:19

Muusichi Sheeroon arii beetine: ‘Ashoon wuxiyaahine; shunoon maayaahine; gaajjaahine; kootoon miixeyaahine; ashi gijjoon tuushiiree maayaahine; ne nihoonaa ne indeenon oogiibe’” iye.

Luqaasi 18:20

Muusichi Sheeroon ariibeeto neene; aroo ‘Shunoon maayaahine; ashoon wuxiyaahine; gaajjaahine; asho koni toommoochona kootoon miixeyaahine; ne nihoonaa ne indeenon oogiibe’ ii beetone” iye.

Mishiraachechinaꞌo 16:28

Tunetaa Phawuloosi bi qaaroon oogichiꞌi, “Ne toommooch gondoon shuuneyaahine; no bulli hiniich beeto noone” iꞌi cookiye.

Mishiraachechinaꞌo 28:4

Arooch beeti asheenaꞌo hini bi kishooch wutireeti xekereen beeggiꞌi, boonoshinaa boonoshina “Hini uro iberoon ashoon wuxitone; baharoocheenolla diggoona bi kechitaa, nallechi nuggishoo bi kashoon maaraanoone” iyeete.

Roomi 13:9

“Shunoon maayaahine; ashoon wuxiyaahine; gaajjaahine; ashicho tuneton qaatiyaahine” ii beeti sheeroonaa bare sheeroo bullina “Neenoommi ne manoon neenna tachiree shune” ii beeti qaaroona taccetone.

Galaati 5:21

ashi wodoon shixo, masho, qelloon battiibeeti duubo, eboshinoo shaahiibeeti mooyone. Shiichaꞌa ittoshich ta gettetoommon, ebiyoommi mooyon tunii beetinaꞌo Yeerichi shimaajji taatittineen woraashaachemminaꞌone.

Yibbaatoo 5:17

“ ‘Ashoon wuxiyaahine.

1 Ximootiyoosi 1:9

Yeeri hini sheeroon bi immito, sheeroon shaaddee beetinaꞌonaa hukkechinaꞌonoyich, Yeerin dabboochee wokkii beetinaꞌonaa axaaxechinaꞌonoyich, Yeerin oogiyaaneenaꞌonaa yaafe mooyon eeꞌii beetinaꞌonoyich, boonoshi indeenaa nihoonon wuxii beetinaꞌonaa ashi kashoon kichii beetinaꞌonoyich, shunimaayeenaꞌoyich, anaamona tookkii shuno maabeeti anaaminaꞌoyich, ashoon giidoona yechii kemmechinaꞌoyich, kooteenaꞌoyich, kootoon wogee beetinaꞌoyich, gaawe kittinnittinee doyoon shixxii beetinaꞌo bullichalli, cadiqeenaꞌoyich toonoone.

Yaaqobi 2:11

“Shunoon maayaahine” iti Yeeri, wotta “Ashoon wuxiyaahine” itone. Ebich shunee mamo qajjaachaa, ashoon ne wuxigaata, sheeroon shaaddeto neene.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.