Keyo 20:12 - Kafa Linguistics Project

¹² “Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.

Keyo 20:12 ပူးပေါင်းရင်းမြစ်များ

Halloo 48:12

Yooseefiyoo bi bushiishoon bi nihoo aafoochee badd wochiichii, baroona showooch guufeꞌi goyinnehe.

Halloo 50:12

Yaaqobi bushiisheenaꞌo boonoshi nihoo gettitoommon tuniiheete.

1 Taateenaꞌo 2:19

Baarshabiyoo Adoniyaasichi mooyon getoyich, taatoo Solomoon waan hammahan. Taatoo taatee qeenoochee tiyii, biich yittiꞌi diggiihe; aroochee bi taatee qeenooch kotehe. Bi indeyichoo bare taatee qeeno woyemmoyich tuniihe. Areyoo bi qanne badd kotahan.

2 Taateenaꞌo 2:12

Elisayiyoo ebin beeggiꞌi, “Taabbo, taabbo! Israꞌeeleenaꞌochi gaarinaꞌonaa hareshee yookkechinaꞌona!” iꞌi cookiye. Ebiyee gubb, wochinnoon biin beegaanoone. Aroochee bi hajjee tahoon yechii, gutte beera keexxiye.

Keyo 21:15

“Bi nihoon woyee bi indeen yexxiibeeto qitibe.

Keyo 21:17

“Bi nihoo woyee bi indee toommooch qallayee yibbaatoon yibbaateebeeto qitibe.

Shaahiyoo 15:5

Mullaalli bushoo bi nihoochi ciicoon hoxehe; tunebaani sheeroon deqqiibeeto accechone.

Shaahiyoo 17:6

Geeneenaꞌoyich, bushaa bushiisheenaꞌo gubbichoomminaꞌone; bushiisheenaꞌoyichoo boonoshi niheenaꞌo oogee yiireenaꞌone.

Shaahiyoo 20:20

Bi nihoon woyee bi indeen naaggiibeeto, bi ceechoo dunne manderoochaa tahemmone.

Shaahiyoo 28:24

Bi indeechon woyee bi nihoochon boggiichii, “Ebi axaaxoo toonoone” ii beeto, aalliyechochi guuphone.

Shaahiyoo 3:16

Bi qanne kishooch eeni genjo beetone; bi yooche kishooch gaannoonaa oogoona beetone.

Shaahiyoo 30:11

Boonoshi niheenaꞌon uppiibeeti, boonoshi indeenaꞌonoo diiraani shiijjereenaꞌo beetinaꞌone.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Erimiyaasi 35:18

Aroochee Erimiyaasi Rekaabichi Yareenaꞌoyich ishichiye: “Israꞌeelee Nuggishoo, Beshe Mawe Doono Yeeri ishichiye: ‘Ittoshi qaabbechi Yonadaabich deꞌa ittoshi itoyich, bi geto bullin ittoshi quyetoyich, ittoshich bi gettito bullinoo ittoshi ceechitoyich,

Erimiyaasi 35:7

duukkaanooch kotebotalli kexon haggaahote; maayi yaroon shookkaahote; woyinee budo ittoshich beeyaaye; woyinoonoo bechiyaahote; dallaawoo tuneꞌi ittoshi beeti showooch meeti yemeenoon ittoshi beeyemmoyich, eboshin tuniyaahote’ itone.

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Leweenaꞌo 19:3

“ ‘Ittoshi daggoochee asho bi ikkikkoona bi indeenaa bi nihoonon oogiibe. Ta shambetoon quyebote. Ta, ittoshi Nuggishoo Doono Yeeri taane.

Leweenaꞌo 19:32

“ ‘Bukkechi ashi aafooch tiyi neexebe. Geene ashoon oogiibe. Ne Nuggishoo taanoo shate. Ta, Doono Yeeri taane.

Milikiyaasi 1:6

Beshe Mawe Doono Yeeri ishichiye: “Ta shigoon giishiibeeti qeesheenaꞌote, bushoo bi nihoon, guuno bi doonon oogii beetone. Ta, ittoshi nihoo taane; ishigaata amoyich taan oogiyaachote? Ta ittoshi doono taane; ishigaata amoyich taach shataachote? “Tunebaani ittoshi ‘Aabichaꞌa ne shigoon giishiihone?’ iyote.

Maatiyoosi 19:19

ne nihoonaa ne indeenon oogiibe; neenoommi ne manoon neenna tachiree shune’ ii beetoniye” iye.

Maariqoosi 10:19

Muusichi Sheeroon arii beetine: ‘Ashoon wuxiyaahine; shunoon maayaahine; gaajjaahine; kootoon miixeyaahine; ashi gijjoon tuushiiree maayaahine; ne nihoonaa ne indeenon oogiibe’” iye.

Maariqoosi 7:10

Muusi ‘Ne indeenaa ne nihoonon oogiibe’ wotta ‘Bi indeen woyee bi nihoon naaggimmoo qitibe’ itone.

Luqaasi 18:20

Muusichi Sheeroon ariibeeto neene; aroo ‘Shunoon maayaahine; ashoon wuxiyaahine; gaajjaahine; asho koni toommoochona kootoon miixeyaahine; ne nihoonaa ne indeenon oogiibe’ ii beetone” iye.

Efesooni 5:21

Kiristoosin oogoyicha getiree, ittoshinaa ittoshina ikkoo baroyich hajjeebe.

Yibbaatoo 11:8

Muusiyoo daakkiꞌi ishichiye: “Hanaach ittoshich ta gettaabeeti geteenaꞌon ceechii ittoshi quyegaata, katinoon Yoordaanoosin kimiree ittoshi woraashemmi showoon kochii yeshoyich giidechon tunemmo ittoshine.

Yibbaatoo 11:9

Boonoshinaa boonoshi shiijjereenaꞌonoyich imma Doono Yeeri ittoshi qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showooch meeti yemeenoon kotemmo ittoshine.

Yibbaatoo 21:18

Muusi Israꞌeeleenaꞌoyich ishichiye: “Ikke ashoyich bi nihoochi woyee bi indeechi getoon waayeyaache ii beeti, biin boonoshi sheeritaanona getaa giyaani babbere bushoo bi beegaata,

Yibbaatoo 25:15

Ne Nuggishoo Doono Yeeri neech immiibeeti showooch koteree ne yagemmoyich, tatoonaa gibeneetona tuneti machee qiicoonaa qeellee qiicoona neech beebe.

Yibbaatoo 27:16

“ ‘Bi nihoon woyee bi indeen giishiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 32:47

Ebi qaaro ittoshich kashoon immiibeeti qaaroani, duube qaaro toonoone. Ebi aroon quyoona Yoordaanoosin kimi hamiree ittoshi woraashemmi showooch meeti yemeenoon kotemmo ittoshine” iye.

Yibbaatoo 4:26

Ittoshi toommooch boonoshi miixemmoyich shimaayoonaa showoonon hanaach ceeggaabeeto taane; ebin deꞌa getaache ittoshi getigaata, Yoordaanoosin kimi hamiree ittoshi hajjemmi showoochee kaateree aallemmo ittoshine; arooch meeti yemeenoon koteyaachemmo ittoshine; ciroona aallemmo ittoshine.

Yibbaatoo 4:40

Neennaa ne shiijjeroonoyich mooyo bulli kaamemmoyich, ne Nuggishoo Doono Yeeri bulli yemeenoon ne beeyemmoyich neech bi immiibeeti showoo, neecho tuneree bi beeyemmonaa arooch koteree ne yagemmonoyich, hanaach ta gettaabeeti sheeroonaa getoonon quyebe” iye.

Yibbaatoo 5:16

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.

Yibbaatoo 5:33

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Yibbaatoo 6:2

Kashoona ittoshi beemmi yemeeno bullin ittoshi, ittoshi bushiisheenaꞌonaa bushaa bushiisheenaꞌona ittoshi Nuggishoo Doono Yeerin shatote. Ittoshich ta immaabeeti qociyoo bullinaa geto bullinon quyebote. Ebin ittoshi tuniigaata, are showooch koteree yagemmo ittoshine.

Qolaasiyaasi 3:20

Bushiisheenaꞌote, ebi Doono Yeerin emirikkiibeeto bi tunetoyich, bulli mooyona ittoshi nihoonaa ittoshi indeenoyich deꞌa getote.

Ruuti 3:6

Ebina Ruuti sheqoo bucheebeeti xaaꞌooch hammaꞌa, bi amaatee biich getteto bullin tuniihan.

1 Saameeli 22:3

Daawiti aroochee tiyiꞌi, Moꞌabee showooch beeti Mitsipha hammiye. Moꞌabee taatoyichoo “Yeeri taach tuniimmi mooyon ta ariimmi wottoon, ta nihoonaa ta indeena waaree ne waan beebeete” iye.