Keyo 2:24 - Kafa Linguistics Project

²⁴ Yeeriyoo gaashilliibee boonoshi cookiti cookoon waayehe; Abrahamich, Yisaaqinaa Yaaqobinoyich bi wogeti wogoon gabiye.

Keyo 2:24 ပူးပေါင်းရင်းမြစ်များ

Halloo 15:13

Arooba Doono Yeeri Abraamich ishichiye: “Ebin manjii ariibe; ne shiijjereenaꞌo ashi showooch shiqqoo tunemminaꞌone; are showeexi asheenaꞌo guunon tunii awudde balle naton boonoshin neexi hajjemminaꞌone.

Halloo 16:11

Aroochee Doono Yeerichi maraakoo daakkiꞌi, “Ebiyoche, and xifeti neene; anaami bushoonoo shiyemmi neene; Doono Yeeri iriteyaꞌa ne cookoon bi waayetoyich, bushoochi shigoon, Ishmaꞌeeli geti shigiyemmi neene.

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Halloo 18:18

Abrahami shiijjeroo iberoon arichetonaa giidechi aagetoona tunemmone; showee toommeexi aageteenaꞌo bulliyoo biinna diireyemminaꞌone.

Halloo 22:16

ishichiye: “Doono Yeeri ta ishichaꞌa taanna wogaabeeto taane: Ebi mooyon ne tuniitoyich, ne bushoon, ikke mixxe ne bushoon, taach woonaano ne tunetoyich,

Halloo 26:2

Arooba Doono Yeeri biich bekkeꞌi ishichiye: “Neech ta gettemmi showooch kotebani, desh Gibits hammaahine.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

Halloo 32:28

Uroo “Ebiyee bekk ne shigo Yaaqobi getteyaaye; Yeerinoo ashoonoo qiiccaꞌa ne wochitoyich, ne shigo Israꞌeeli getteebe” iye.

Halloo 35:11

Yeeriyoo daakkiꞌi Yaaqobich ishichiye: “Beshe Hakkechi Nuggishoo taane. Shiyi shiijjerebe; meete. Ne shiijjeroochee meeti aagetoo kechemmone. Taateenaꞌo ne waanee shiijjemminaꞌone.

Halloo 35:12

Abrahaminaa Yisaaqinoyich ta immeti showoon neech immemmo taane; neyee gubbi ne shiijjereenaꞌoyichoo hini showoon immemmo taane” iye.

Halloo 8:1

Yeeri Noohin, biinna tookkii markabooch beeti cooxinaꞌon, gijjeenaꞌo bulloshinoo gabiye. Yeeriyoo showooch taheeꞌi beeti aachi toommooch yongoon yongiihe. Aacoo shappii shappii hammiye.

2 Taateenaꞌo 13:23

Tunebaani Doono Yeeri gaawe aafoona boonoshin ciinniye; boonoshichoo ariqqehe; Abrahamina, Yisaaqinaa Yaaqobina tookkii bi giyiti wogoyicha iꞌi boonoshich deehe; boonoshin aalliyoon qaawaanoone; and beddaahaa bi aafoochee boonoshin yoohaanoone.

Shoddo 102:2

Ta xuuxee aabooba ne aafoon badd wochiyaahine; ne waamon ta waan gaꞌiibe. Ne waan ta cookiyooba, kaateree waayebe.

Shoddo 102:20

Ebiyoo, qoppeenaꞌochi gaashiron waayoyich, qitooch nalleetinaꞌon biichii gawukkoyichiye.

Shoddo 105:42

Ebiyoo bi guuno Abrahamich bi gibenikkiti yaafe gibenoon bi gabitoyichiye.

Shoddo 106:45

Boonoshich bi wogoon gabiye; beshaa beshe bi shoodoommona boonoshin ariqqehe.

Shoddo 138:3

Ne waan ta cookaa waayehine; ne hakkoona taan kupphiihine.

Shoddo 22:24

Aroo xukketochi xukkoon qallayii hoxeyaanoone; bi aafoonoo bi waanee badd wochaanoone; tunebaani bi waan bi cookiyooba waayehe.

Shoddo 22:5

Ne waan cookiꞌi wodiyeete; neen gibeneꞌinoo yeelleyaaneenaꞌone.

Shoddo 79:11

Qoppeenaꞌochi gaashiro ne aafooch bede; boonoshi toommooch qitoo nalleetinaꞌon kupphe ne mochoona wodiibe.

Keyo 6:5

Wotta Gibitseenaꞌo boonoshin guuno tuniiꞌi hajjaa, gaashilliibee Israꞌeeleenaꞌo cookiti cookoon waayeto taane; ta wogeti wogoon shalligito taane.

Haddoo 20:16

Tunebaani Doono Yeer waan no cookaa, no cookoon waayehe; maraakoonoo wocheꞌi, Gibitsee noon kichiye. “ ‘Ebiyoche and ne showee daarooch beeti Qadeesh koteto noone.

Mishiraachechinaꞌo 7:34

Gibits beeti ta macceenaꞌochi xuuxoon manjii beeggaꞌa, kachaa kashoon mucceꞌi boonoshi gaashiron waayaꞌa, boonoshin wodiiya kindito taane. Andoo tibe! Gibits neen wochemmo taane’ iye.

Woraaferasheenaꞌo 2:18

Doono Yeeri woraaferashoon tiijjiꞌi, are woraaferashoo kashoona beemmi yemeeno bullin biinna tookkii tunee bi asheenaꞌon boonoshi etteenaꞌo kishoochee wodii beehe. Boonoshi etteenaꞌo boonoshin xuqqii duꞌiitaa boonoshi maaceremmona, Doono Yeeri boonoshich ariqqee beehe.

1 Saameeli 9:16

“Yaach ebi saatooch Biiniyaamee showoochee tuneti ikke uroon ne waan deejjemmo taane. Ta asheenaꞌo tuneti Israꞌeeleenaꞌo toommooch iraashoo bi tunemmoyich, bi shimbooch zayitoon huute. Biyoo ta asheenaꞌon Filsixeemeenaꞌo kishoochee wodiyemmone. Ta asheenaꞌochi xuuxoon beeggeto taane; boonoshin ta gaachemmoyich boonoshi cookiibeeti cookoon waayeto taane” itone.