Keyo 2:23 - Kafa Linguistics Project

²³ Meeti natoyee gubb, Gibitsee taatoo qitiye. Israꞌeeleenaꞌo guuchitinoochee tiyitona boonoshi toommooch shaggiibeeti xuuxoona gaashillii beeheete. Guuchittinoochee boonoshin bi gaachemmoyich boonoshi cookiti cookoo Yeerich waayeehe.

Keyo 2:23 ပူးပေါင်းရင်းမြစ်များ

Halloo 16:11

Aroochee Doono Yeerichi maraakoo daakkiꞌi, “Ebiyoche, and xifeti neene; anaami bushoonoo shiyemmi neene; Doono Yeeri iriteyaꞌa ne cookoon bi waayetoyich, bushoochi shigoon, Ishmaꞌeeli geti shigiyemmi neene.

Halloo 4:10

Doono Yeeriyoo biich ishichiye: “Ebi ne halliti mooyo amoone? Ne manoo damee qaaro showoochaa ta waan cookii beetone.

Nehimi 9:9

“Gibits boonoshi beehooba no qaabbechinaꞌochi xuuxoon beeggehine; Ceelle baharoochaa boonoshi cookoon waayehine.

Iyoobi 35:9

“Neexaa boonoshi hajjeetoyich asheenaꞌo cookiyeete; giidechinaꞌo kishoochee keyoyich ‘Abeeta’ iyeete.

Shoddo 102:1

Doono Yeero, ta corootoon waayebe; ta cookoo ne waan shage.

Shoddo 102:2

Ta xuuxee aabooba ne aafoon badd wochiyaahine; ne waamon ta waan gaꞌiibe. Ne waan ta cookiyooba, kaateree waayebe.

Shoddo 12:5

“Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.

Shoddo 18:6

Ta xuuxehooba, Doono Yeerin ceeggehoye; ta Nuggishoo taan bi gaachemmoyich ceeggehoye. Biyoo bi yaafee kexooch beechii, ta qaaroon waayehe; ta cookoo bi waamooch shaggiye.

Keyo 1:14

dengoon kotiibee, xuuboon shuuniibee, goyoon gochiibee, ariqqeyaanoon magge shuunoon shuuniimona, boonoshi kashoon caamiiheete.

Keyo 6:5

Wotta Gibitseenaꞌo boonoshin guuno tuniiꞌi hajjaa, gaashilliibee Israꞌeeleenaꞌo cookiti cookoon waayeto taane; ta wogeti wogoon shalligito taane.

Keyo 6:9

Muusiyoo ishin Israꞌeeleenaꞌoyich gettiye. Tunebaani asheenaꞌo oogeton boonoshi mullee tiishoochee tiyitona, wotta boonoshi toommooch tuneti guuchittinee magge shuunoochee tiyitona, ebi bi gettiti mooyon waayemmon qajjiyeete.

Keyo 7:7

Faroon waan hammiꞌi boonoshi yibbaatehooba, Muusi shinne nati ashoone; Harooniyoo shinnaa keejje nati ashoone.

Isiyaasi 19:20

Ebiyoo Gibitsee showooch Beshe Mawe Doono Yeerich malletoonaa miixoona tunemmone; asheenaꞌo boonoshin xuuxii beetinaꞌochi naboona Doono Yeer waan boonoshi cookaa, wodiyechonaa gaachoonon boonoshich deejjemmone; biyoo boonoshin wodiyemmone.

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Haddoo 20:16

Tunebaani Doono Yeer waan no cookaa, no cookoon waayehe; maraakoonoo wocheꞌi, Gibitsee noon kichiye. “ ‘Ebiyoche and ne showee daarooch beeti Qadeesh koteto noone.

Mishiraachechinaꞌo 7:30

“Muusi arooch aabbe naton bi kotetoyee gubb, Siini guudi gaꞌooch beeti baraheexi tusho qaaqqoo tuneꞌi aaxxeebeeti qaaqqee aaxxee daggoochaa maraakoon beeggiye.

Yibbaatoo 24:15

Bi shuunee gatiyoon aabi gimoyee shiichiree qemi qemona imbe. Girecho bi tunetoyich, are gijjoon kupphiiꞌi qaawii beetone. Ebi gijjoon qoco ne qayigaata, Doono Yeer waan bi cookaa, ne toommooch axaaxoon tuniitaa haddeyemmone.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

Woraaferasheenaꞌo 4:3

Yabiinich yiixiye balle xuuree gaari beetone. Biyoo hiye naton Israꞌeeleenaꞌon neexxii hajjiye. Ebich Israꞌeeleenaꞌo Doono Yeer waan cookiyeete.

1 Saameeli 12:8

“Yaaqobinaa bi bushiisheenaꞌona Gibits boonoshi hammitoyee gubb, Gibitseenaꞌo boonoshin xuuxiitoyich ittoshi qaabbechinaꞌo Doono Yeer waan cookiyeete. Doono Yeeriyoo Muusinaa Harooninon daachiihe. Boonoshiyoo ittoshi qaabbechinaꞌon Gibitsee kichiꞌi hini showooch boonoshi kotemmoyich tuniiheete.

1 Saameeli 9:16

“Yaach ebi saatooch Biiniyaamee showoochee tuneti ikke uroon ne waan deejjemmo taane. Ta asheenaꞌo tuneti Israꞌeeleenaꞌo toommooch iraashoo bi tunemmoyich, bi shimbooch zayitoon huute. Biyoo ta asheenaꞌon Filsixeemeenaꞌo kishoochee wodiyemmone. Ta asheenaꞌochi xuuxoon beeggeto taane; boonoshin ta gaachemmoyich boonoshi cookiibeeti cookoon waayeto taane” itone.