Keyo 2:15 - Kafa Linguistics Project

¹⁵ Farooni ebi mooyon waayeꞌi, Muusin wuxiya qaawiihe. Tunebaani Muusi Farooni aafoochee maxxeꞌi, Miidiyamee showooch beeya hammiye. Arooch shaggiꞌi ikke aachi oppee gaꞌooch kotee beehe.

Keyo 2:15 ပူးပေါင်းရင်းမြစ်များ

Halloo 24:11

Wohi gommon shaꞌee ebi showooch hammii shaggiꞌi, gaaleenaꞌon katemoyee maach beeti, aachi oppee gaꞌooch guteniihe; ebi saato showoo womikkeꞌi aabo aqqetaa, gennoo aacon kitoyich katemoochee boonoshi kechiibeeti saatoone.

Halloo 25:2

Biyoo Zimiraanin, Yoqishanin, Medaanin, Miidiyamin, Ishibaaqinaa Shuhinon shiyahan.

Halloo 25:4

Miidiyami bushiishoo Efaahi, Efeeri, Hanooki, Abidinaa Elidaahinane. Eboshi bulli Qexuuri bushiishoone.

Halloo 29:2

Aroochoo ikke gaddooch keejje kuxona bageenaꞌonaa emmisheenaꞌona miqqeꞌi beeti gaꞌooch aachi oppoon beeggiye; bageenaꞌonaa emmisheenaꞌona arooch boonoshi beeto, are oppoochee aacon boonoshi uchii beetoyichiye. Ebi oppee kello oogeti xaqqoona keppheetone.

1 Taateenaꞌo 11:18

Boonoshiyoo Miidiyamee showoochee tiyii, Faraanee barahooch hammiyeete. Faraanee barahoochee giisheche asheenaꞌon yechii, Gibitsee showooch, Gibitsee taatoo Faroon waan waaheete. Biyoo Hadaadich kexonaa maayoonon daaggiye; showoonoo biich immiye.

Keyo 18:4

Wotta “Ta nihoo Nuggishoo taan gaachetone; Faroonichi goraadoochee taan wodiitone” iꞌi bi hilloon Elezeeri itone.

Shaahiyoo 22:3

Mullechi asho hayibo womon beeggiꞌi bi qelloon aachiye; tunebaani tuushoo arooch hammii giyiꞌi xuuxehe.

Imbaaqoomi 3:7

Topphiyee asheenaꞌo boonoshi duukkaanoochaa oogichii keqqi beetaa, Miidiyameenaꞌoo boonoshi kexoochaa keqqoona qewee beetaa, beeggoye.

Maatiyoosi 10:23

Arooba ikke katemoochaa ittoshin boonoshi duꞌiigaata, bare katemooch maxxebote. Iberoon ittoshich gettoye: Ashi Bushoo waammi wottoon Israꞌeelee showeexi katemoo bulliich bedaachemmo ittoshine.

Yowannisi 4:6

Arooch Yaaqobichi aachi oppo beetone. Yesuusiyoo gommi shaꞌoona maraateꞌi arooch kasheya aachi oppee gashooch kotehe; arooba areddee shiritte saati bedoone.

Mishiraachechinaꞌo 7:29

Muusi ebin waayeꞌi Miidiyamee showooch maxxee hammii, shiqqoon tuneꞌi kotehe; aroochaa gutte bushoon shiyihe.

Hibireena'o 11:27

Mulloon Yeeri toommooch bi tooꞌitoyich, Gibitsee taatoochi kaaroon shataanoon Gibitsee showoon qajjii kechii hammiye; bekkeyaani Yeerin bekkee beeton tuniiꞌi, “Gubb wotteyaache” iꞌi qaxiriye.