Keyo 19:9 - Kafa Linguistics Project

⁹ Doono Yeeri Muusich “Neenna tookki ta yibbaate beetaa, asheenaꞌo waayemmonaa bulli aaboon neen boonoshi gibenemmonoyich, dunne quboona ne waan woyemmo taane” iye. Aroochee Muusi asheenaꞌo gettiton Doono Yeerich gettiye.

Keyo 19:9 ပူးပေါင်းရင်းမြစ်များ

1 Taateenaꞌo 8:12

Aroochee Solomooni ishichiye: “Doono Yeero, dunne manderooch beeyemmo ne tunoon getteto neene.

2 Kiinoo 20:20

Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.

2 Kiinoo 6:1

Aroochee Solomooni ishichiye: “Doono Yeero, dunne manderooch beeyemmo ne tunoon getteto neene.

Shoddo 97:2

Quboonaa dunne manderoona bi guudooch beetone; cadiqoonaa dayinnetoona bi taatee qeechi heceenaꞌone.

Shoddo 99:7

Giimboochoommon neexeebeeti qubee daggoochaa boonoshich yibbaatehe; boonoshiyoo boonoshich bi immiti doyoonaa qociyoonon quyeheete.

Keyo 14:31

Doono Yeeri Gibitseenaꞌo toommooch bi tuniiti ooge bi giidoon beeggiꞌi, Doono Yeerin shattiyeete; Doono Yeerinaa bi guuno Muusinon gibeneheete.

Keyo 19:16

Keejjinnee qemooba, maaddoona dunne qubo guudi toommooch tunehe; xeeyoo xeejjiye; showoo phaqqiye; wotta oogeti tiree qaaro waayeehe. Kaambooch beeti asho bulli keqqoona qewehe.

Keyo 20:21

Asheenaꞌo wohooch neexee beetaa Yeeri beeti, dunne manderoo tuneti, xaaꞌooch Muusi giddehe.

Keyo 34:5

Aroochee Doono Yeeri quboona kindiye; aroochaa Muusina tookkii neexeꞌi, bi shigo Doono Yeerin awaajjiye.

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

Keyo 4:5

Doono Yeeriyoo Muusich “Ebin ne tuniyemmo, boonoshi qaabbechi niheenaꞌo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri ta, neech bekketo ta tunoon boonoshi iberiyemmoyichiye” iye.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Isiyaasi 7:9

Efreemi shimbo Shamaarine; Shamaarichi shimbo Remaliyichi bushoone. Illa taan gibenoona kuppho ittoshi qayigaata, ciroona manjiree neexeyaachemmo ittoshine’ gete” iye.

Haddoo 12:5

Doono Yeeriyoo giimboochoommon neexeebeeti quboona kindiꞌi, duukkaanee kellooch neexehe. Harooninaa Miiriyaminon ceeggiye. Boonoshi guttiyona bi waan waaheete.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maariqoosi 9:7

Aree hillooch qubo waaꞌi boonoshin yiirehe. Qubee daggoochaa “Ta shuni bushoo hinine; bi waanee waayebote” immi qaaroon waayeheete.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Yibbaatoo 4:36

Ittoshin sheeroyich, shimaayoochee bi qaaroon ittoshi waayemmoyich tuniihe. Showee toommoochaanoo giidechi bi qaaqqoon ittoshi beeggemmoyich tuniihe. Ittoshiyoo qaaqqee daggoochee bi qaaroon waayehote.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.