Keyo 19:6 - Kafa Linguistics Project

⁶ Taatoo Yeeri taach maddeebeeti qeesheenaꞌon, yaafeeti aagetoon tunemmo ittoshine’ gete. Israꞌeeleenaꞌoyich ne gettemmi qaaro ebine” iye.

Keyo 19:6 ပူးပေါင်းရင်းမြစ်များ

1 Taateenaꞌo 3:8

Ne guuno ta beeto, neech ne kaacceti, bi meetoochee tiyitona haddaa ciyaani, dofee asheenaꞌo daggoochiye.

1 Taateenaꞌo 8:53

Nuggishoo Doono Yeero, no qaabbechinaꞌon Gibitsee ne kichiyooba, ne guuno Muusina ne gettetoommon, ne hajjee asheenaꞌo boonoshi tunemmoyich, showee toommeexi aagetoo bulliyee boonoshin bariito neene” iye.

1 Kiinoo 17:22

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo tuniito neene. Doono Yeero, newoo boonoshich Nuggishoon tunehine.

Shoddo 114:2

Yihudi Yeerichi yaafee kexo, Israꞌeeli bi hajjoo tunehe.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Keyo 22:31

“Ittoshi taach yaafeeti ashoon tunebote. Cooxo yechii wuxiti gijjee meenon kunaanoyich imbotani, maayaahote.

Keyo 28:36

“Xalle aachoochee ikke shashoon shuunebe. Bi toommooch ‘Doono Yeerich Yaafeeto’ ii beeton maatemoochoommon qiici kooribe.

Isiyaasi 43:4

Ne, taach aaxxoo, moogeetonaa shuchetona ne tunetoyich, asheenaꞌon ne qoodoyich, aageteenaꞌonoo ne keroyich, beshiiree immemmo taane.

Isiyaasi 61:6

Ittoshiyoo, Doono Yeerichi qeesheenaꞌonaa no Nuggishoochi maddechinaꞌona getaa ceekkemmo ittoshine; aageteenaꞌo gaannoon maayemmo ittoshine; boonoshi yaaphoona geecemmo ittoshine.

Isiyaasi 62:12

Boonoshiyoo, Yaafeeti Asheenaꞌo, Doono Yeeri Biisheti Asheenaꞌo, getaa ceekkemminaꞌone; newoo, Qaaweyaabeeti, Duppeyaani Katemee, getaa ceekkemmi neene.

Isiyaasi 66:21

“Boonoshi daggoochee ikkikkeenaꞌon, qeesheenaꞌonaa Leweenaꞌonon tuniyemmo taane” iye Doono Yeeri.

Erimiyaasi 2:3

Israꞌeeli, Doono Yeeri taach baritine; qaabbe maayi cilloommine; aroon maato bulli xuꞌechon tunee beehe; ebich gonde mooyo bi toommooch waa beehe’ iye Doono Yeeri.”

Erimiyaasi 7:23

Tunebaani ‘Ta qaaroon waayebote; ta, ittoshi Nuggishoon tunemmo taane; ittoshiyoo ta maccoon tunemmo ittoshine; ittoshich bi kaamemmoyich, ta gommona hambote’ iyaꞌa boonoshich getteto taane.

Leweenaꞌo 19:2

“Israꞌeelee iiteenaꞌo bullich ishichi gete: ‘Ittoshi Nuggishoo Doono Yeeri ta, yaafoo ta tunetoyich, ittoshiyoo yaafoo tunebote.

Leweenaꞌo 20:24

Tunebaani ta ittoshich “Boonoshi showoon woraashemmo ittoshine. Ebi ejjoonaa eeyona xuupphiibeeti showoon ittoshi hajjoo tuniiree ittoshich immemmo taane” iyoye. Aageteenaꞌo waanee ittoshin bariiti, ittoshi Nuggishoo Doono Yeeri taane.

Leweenaꞌo 20:26

Doono Yeeri ta, yaafoo ta tunetoyich, ittoshiyoo taach yaafeeto tunemmo ittoshine. Ta hajjoo ittoshi tunemmoyich aageteenaꞌo daggoochee ittoshin bariito taane.

Leweenaꞌo 21:23

Tunebaani bache mooyo bi achooch bi beetoyich, yaafeeti mooyinaꞌon bi eeꞌiyaachemmoyich, maccillaatoo beetooch woyee deejjee gudo beetooch giddaaye. Boonoshin yaafiibeeti Doono Yeeri taane’ itone gete” iye.

Amootsi 3:2

“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.

Haagi 2:5

Gibitsee ittoshi keyiyooba, ittoshich ta gibenikkito ebiniye. Ta Ayaano ittoshina tookkii beetone; shattaahote’ iye.

Haddoo 16:3

Boonoshiyoo Muusinaa Harooninochi toommooch kicee tiyiꞌi, boonoshich ishichiyeete: “Halla beshiito ittoshine. Iitoo bulli yaafoone. Doono Yeeriyoo no bullina tookkii beetone. Ishigaata, Doono Yeerichi iiteenaꞌo toommooch ittoshi geeciibeeto, amoyichiye?” iyeete.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

1 Qorontoosi 3:17

Koniyoona Yeerichi yaafee kexon bi happigaata, Yeeri biin wochiree happemmone; ebiyoo hini Yeerichi yaafee kexo Yeerich bi yaafeetoyichiye; are yaafee kexoo ittoshine.

Yibbaatoo 14:21

“Ne Nuggishoo Doono Yeerich yaafeeti asho ne tunetoyich, qititi mooyo amoonolla, maayaahine. Ne beeti katemee daggooch beeti shiqqoo bi maayemmoyich imbe. Woyee gommechi iibboyich kembe. “Emmishee bushoochi meenon bi indeechi ejjoona kiijjaahine” iye.

Yibbaatoo 26:19

Bi halliti aageteenaꞌo bulliyee beshoon neen bi tuniitaa, asheenaꞌo neen gallete, ne shigoon oogiiree neech oogoon immemminaꞌone. Neech bi gibenikkitoommon, newoo ne Nuggishoo Doono Yeerich yaafeeti ashoon tunemmo neene” iye.

Yibbaatoo 28:9

“Ne Nuggishoo Doono Yeerichi getoon ceechaabeeto, bi gommonoo hammaabeeto ne tunegaata, wogeꞌi neech bi gibenikkitoommon, biich yaafeeti asho tuniiree neen manjiyemmone.

Yibbaatoo 7:6

Ebiyoo ittoshi Nuggishoo Doono Yeerich yaafeeti asho ittoshi tunetoyichiye. Biyoo bi hajjee asho ittoshi tunemmoyich, showee toommooch beeti asheenaꞌo bulli daggoochee ittoshin kaacciye.

1 Tasaloonqi 5:27

Hini wochoon kittinnee maneenaꞌo bullich ittoshi shemmemmoyich, Doono Yesuusina ittoshin callaabeeto taane.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

Yaaꞌoo 1:6

bi Nuggishoonaa bi Nihoona tuneti Yeerich maddeebeeti qeeshoonaa bi taatee ashoonon noon tuniiti Yesuus Kiristoosich bulli yemeenoon oogee yiiroonaa giidoona tunebe. Ameena.

Yaaꞌoo 20:6

Qitoochee shiichiree tiyemminaꞌo diireetinaꞌonaa yaafeenaꞌonane; guttinnee qitoo boonoshi toommooch giidoon daneyaachemmone. Boonoshiyoo Yeerinaa Kiristoosinochi qeesheenaꞌo tunemminaꞌone; Kiristoosina tookkiree hini hume naton taatemminaꞌone.

Yaaꞌoo 5:10

boonoshinoo no Nuggishoyich maddeebeeti qeesheenaꞌonaa bi taatee asheenaꞌonon tuniito neene; showee toommoochoo taatemminaꞌone” iyeete.