Keyo 19:5 - Kafa Linguistics Project

⁵ Showee toommooch beeti aagetoo bulli taachone; tunebaani aagetoo bulliyee taach shucheti, ta hajjee asho tunemmo ittoshine. Ebiyoo manjiyaꞌa taach deꞌa ittoshi getigaata, ta wogoonoo ittoshi quyegaatane.

Keyo 19:5 ပူးပေါင်းရင်းမြစ်များ

Halloo 17:9

Yeeriyoo daakkiꞌi Abrahamich ishichiye: “Neennaa neyee gubbi ne shiijjereenaꞌona, boonoshi shiijjereenaꞌo bullinoo ta wogoon quyemmo ittoshine.

1 Taateenaꞌo 8:53

Nuggishoo Doono Yeero, no qaabbechinaꞌon Gibitsee ne kichiyooba, ne guuno Muusina ne gettetoommon, ne hajjee asheenaꞌo boonoshi tunemmoyich, showee toommeexi aagetoo bulliyee boonoshin bariito neene” iye.

1 Kiinoo 17:22

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo tuniito neene. Doono Yeero, newoo boonoshich Nuggishoon tunehine.

Iyoobi 41:11

Shimaayoyee desh beeti mooyo bulli taachone; ishigaata, biich ta qoccemmoyich taach erettiito konine?

Iyoobi 41:3

Biin ne gawukkemmoyich neen qollehe? Maanjee qaaroona neech yibbaatehe?

Shoddo 135:4

Ebiyoo Doono Yeeri Yaaqobin bi qellicho, Israꞌeelinoo bi hajjoo, tuniiꞌi bi kaaccitoyichiye.

Shoddo 24:1

Showoonaa arooch ceennito bullina Doono Yeerichone; showoonaa showee toommeexi asho bullina biichone.

Shoddo 25:10

Bi wogoonaa bi qociyoonon quyee beetinaꞌoyich, Doono Yeerichi gommo bulli shoodoonaa gibeneyoonane.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Keyo 23:22

Bi gettii beeton manjii ne ellegaata, neech ta gettaabeeto bullin ne tuniigaatoo, ne etteenaꞌon kochemmo taane; neenna koyee beetinaꞌona koyemmo taane.

Keyo 24:7

Aroochee wogee macaafoon daammii asheenaꞌoyich shemmehe; boonoshiyoo “Doono Yeeri gettito bullin tuniyemmo noone; biich deꞌa gettemmo noone” iyeete.

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Keyo 8:22

Tunebaani arooba ta asheenaꞌo beeti Gooshenee showoon barito tuniyemmo taane. Doono Yeeri ta, hini are showooch beeto ta tunoon ne ariyemmoyich, gamoo arooch beetaachemmone.

Keyo 9:29

Muusiyoo wochiꞌi ishichiye: “Katemoochee keyiichi, bekkech ta kishoon yaggiree Doono Yeerin qollemmo taane. Showoo Doono Yeericho bi tunoon ne ariyemmoyich, xeeyo qajjemmone; baderoo kindaachemmone.

Solomooni 8:12

Ta woyinee goyo, ta hajjoo ta qellichone; Solomoono, neech hume xure birewoo, woyinoon quyee beetinaꞌoyich gutte balle birewoo tunebe.

Isiyaasi 1:19

Deꞌa iꞌi ta getoon ittoshi waayegaata, showoochee daneebeeti gaawe maayoon maayemmo ittoshine;

Isiyaasi 41:8

“Tunebaani ta guuno Israꞌeelo, ta kaacceti Yaaqobo, ta shunechi Abrahami yaroocho,

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 56:4

Doono Yeeri ishichiye: “Ta shambetoon oogiibeeti, taan emirikkiibeeti mooyon tuniibeeti, ta wogoonoo ceechiibeeti guruusheenaꞌoyich,

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Erimiyaasi 7:23

Tunebaani ‘Ta qaaroon waayebote; ta, ittoshi Nuggishoon tunemmo taane; ittoshiyoo ta maccoon tunemmo ittoshine; ittoshich bi kaamemmoyich, ta gommona hambote’ iyaꞌa boonoshich getteto taane.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Leweenaꞌo 20:24

Tunebaani ta ittoshich “Boonoshi showoon woraashemmo ittoshine. Ebi ejjoonaa eeyona xuupphiibeeti showoon ittoshi hajjoo tuniiree ittoshich immemmo taane” iyoye. Aageteenaꞌo waanee ittoshin bariiti, ittoshi Nuggishoo Doono Yeeri taane.

Amootsi 3:2

“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.

Amootsi 6:1

Tsiyooni katemooch mashaamiti beemon beeti, Shamaari guudooch keqqaalloon koteti, boonoshin ittoshi gaachemmoyich Israꞌeeleenaꞌo ittoshi waan waabeeti, showeenaꞌo daggoochee ikkinnoo tuneti Israꞌeelee showee aricheti iraasheenaꞌote, ittoshich woowo!

Milikiyaasi 3:17

Beshe Mawe Doono Yeeri ishichiye: “Ta shuunemmi aabooba boonoshi ta hajjee asheenaꞌo tunemminaꞌone. Asho biich maddeebeeti bi bushoyich bi ariqqoommon tawoo boonoshich ariqqemmo taane.

1 Qorontoosi 10:26

Ebiyoo “Showoonaa bi daggooch beeto bullina Doono Yeerichone” getaa Yaafe Macaafooch bi kooreetoyichiye.

1 Qorontoosi 10:28

Tunebaani koniyoona ittoshich “Ebi deejjee meenone” bi getigaata, “Taan mangemmone” getiree bi gabaachemmoyich, ittoshich gettiti are uroyicha getiree maayaahote.

Yibbaatoo 10:14

“Shimaayoonaa shimaayeexi shimaayoona, showoonaa bi toommooch beeti mooyo bullina ne Nuggishoo Doono Yeerichone.

Yibbaatoo 11:27

Diiroo ittoshich bi tunemmo, hanaach ittoshich ta gettaabeeti, ittoshi Nuggishoo Doono Yeerichi getoon ittoshi ceechi gaatane.

Yibbaatoo 14:2

Ebiyoo ittoshi, ittoshi Nuggishoo Doono Yeerich yaafoo ittoshi tunetoyichiye. Wotta, bi hajjee asho ittoshi tunemmoyich, showee toommooch beeti asho bulli daggoochee Doono Yeeri ittoshin bi kaaccitoyichiye” iye.

Yibbaatoo 14:21

“Ne Nuggishoo Doono Yeerich yaafeeti asho ne tunetoyich, qititi mooyo amoonolla, maayaahine. Ne beeti katemee daggooch beeti shiqqoo bi maayemmoyich imbe. Woyee gommechi iibboyich kembe. “Emmishee bushoochi meenon bi indeechi ejjoona kiijjaahine” iye.

Yibbaatoo 26:18

Doono Yeeriyoo neech bi gibenikkitoommon, neen bi hajjee asho tuniitone; bi getoon ne waayemmoyichoo gettitone.

Yibbaatoo 26:19

Bi halliti aageteenaꞌo bulliyee beshoon neen bi tuniitaa, asheenaꞌo neen gallete, ne shigoon oogiiree neech oogoon immemminaꞌone. Neech bi gibenikkitoommon, newoo ne Nuggishoo Doono Yeerich yaafeeti ashoon tunemmo neene” iye.

Yibbaatoo 28:1

Muusi Israꞌeeleenaꞌoyich ishichiye: “Ne Nuggishoo Doono Yeerichi qaaroon ne waayegaata, hanaach neech ta gettaabeeti bi geteenaꞌon manjii ne quyegaata, ne Nuggishoo Doono Yeeri showee toommooch beeti aageteenaꞌo bulliyee beshiiree neen oogiyemmone.

Yibbaatoo 28:9

“Ne Nuggishoo Doono Yeerichi getoon ceechaabeeto, bi gommonoo hammaabeeto ne tunegaata, wogeꞌi neech bi gibenikkitoommon, biich yaafeeti asho tuniiree neen manjiyemmone.

Yibbaatoo 4:20

Tunebaani ittoshi and ebi ittoshich bi tunetoommon bi hajjee ashoon ittoshi tunemmoyich, ittoshi Nuggishoo Doono Yeeri xuuroon wociibeeti qaaqqee sheelloommi Gibitsee ittoshin kichiꞌi deebitone.

Yibbaatoo 5:2

No Nuggishoo Doono Yeeri Kooreebi guudoochaa noonna tookkii wogoon giyiye.

Yibbaatoo 7:6

Ebiyoo ittoshi Nuggishoo Doono Yeerich yaafeeti asho ittoshi tunetoyichiye. Biyoo bi hajjee asho ittoshi tunemmoyich, showee toommooch beeti asheenaꞌo bulli daggoochee ittoshin kaacciye.

Yibbaatoo 9:29

Ebiyeenoo wotta, ebi asheenaꞌo ooge ne giidoonaa giidechi ne mochoonon bekkiyoona Gibitsee kichaa ne deebeti, ne hajjee asheenaꞌone’ iyoye.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 11:8

Abrahami iristo tuniiree bi deqqemmi xaaꞌooch bi ceekkehooba, mulloon Yeeri toommooch tooꞌiiꞌi deꞌa iye; amooch bi hammiibeeto gaata ariyaanoon kechiye.

Hibireena'o 8:9

Ebi wogo, ittoshi qaabbechinaꞌon Gibitsee yaabii kichoyich, boonoshi kishoon ta yeshiyooba, boonoshina tookkaa ta giyeti wogoommo toonoone. Boonoshin cikkii qajjehoye; ebiyoo, boonoshi ta wogoona manjaaneenaꞌo boonoshi tunetoyichiye, iye Doono Yeeri.

Yaasi 24:24

Asheenaꞌo Yaasich “No, no Nuggishoo Doono Yeerich goyinne maddemmo noone; biichoo deꞌa gettemmo noone” iyeete.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.