Keyo 19:24 - Kafa Linguistics Project

²⁴ Doono Yeeriyoo Muusich ishichiye: “Kindiree, Haroonin yeshi damba keye. Tunebaani qeesheenaꞌonaa asheenaꞌona Doono Yeeri ta waan womoyich guudi gaadoon beshaayeete. Boonoshi beshegaata, boonoshin naxemmo taane” iye.

Keyo 19:24 ပူးပေါင်းရင်းမြစ်များ

1 Kiinoo 13:9

Kidoonichi maayi buchi xaaꞌooch boonoshi shaggimmona, gatteenaꞌo yaaditoyich Uuzi taabootoon yeshoyich bi kishoon yaggiye.

Keyo 19:12

Asheenaꞌo guudooch boonoshi shagaachemmoyich, bi guudoon daarebe. Boonoshichoo ishichibe: ‘Guudi toommooch kechaahote. Guudi gaadoonona yechaahote; ittoshin ariibote! Koniyoona ebi guudon bi yeshigaata qitibe.

Keyo 19:25

Ebich Muusi asheenaꞌo beetooch kindiꞌi, Doono Yeeri gettiton boonoshich gettiye.

Keyo 24:1

Doono Yeeri Muusich ishichiye: “Ne, Harooni, Nadaabi, Abiihinaa shabe Israꞌeelee ukkireenaꞌona ta waan keyote. Wohooch tuneechi, taach goyinnebote.

Keyo 24:9

Muusi, Harooni, Nadaabi, Abiihinaa shabe Israꞌeelee ukkireenaꞌona guudi toommooch kechiyeete;

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Maatiyoosi 11:12

Aacona Afaallechi Yowannisi yemeenoochee tiijjiꞌi hanaach beddaahaa boggechinaꞌo giidechi koyoona shimaajji taatittineen kochitinaꞌone; biin bogga tiyitinaꞌone.

Luqaasi 13:24

“Xebbe kelloona gimoyich qiiccebote. Ittoshich gettoye: Meetinaꞌo gimoyich qaawemminaꞌone; tunebaani hakkaacheete.

Luqaasi 16:16

“Muusichi Sheeroonaa keemechinaꞌochi macaafeenaꞌona Aacona Afaallechi Yowannisi yemeenooch beddaahaa gettee beeheete. Aroochee tiijjiꞌi ikka getaa Yeerichi taatittinee mishiraachee qaaro gettee beetone; asho bulliyoo Yeerichi taatittineech giya qiiccee beetone.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Roomi 4:15

Sheeroo Yeerichi kaaree shiixxoon deebiye; tunebaani sheeroo aalloon sheeree shaaddo aalloone.

Galaati 3:19

Illa sheeroo icheto, amoyichiye? Gibenee qaaro ichetoyee gubb wotta sheeroo icheto, axaaxoo amo gaata bi bekkemmoyichiye. Are sheeroo icheto Yeeri gibenikkiti gibenee yaroo waammi wottooniye. Bi ichetoo maraakeenaꞌochi gommona, shoobbecho kishoonane.

Galaati 3:22

Tunebaani Yaafe Macaafo asho bulli axaaxoyich hajjeeꞌi axaaxoona cucheto bi tunoon xallayiꞌi gettitone. Ebich Yesuus Kiristoosi toommooch mullee tooꞌiyoona daneebeeti, Yeeri gibenikkiti wojjoon boonoshi mulloon bi toommooch tooꞌii beetinaꞌoyich immii beetone.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

Hibireena'o 4:16

Illa maaroon no danemmonaa nooch qaawiihooba noon gaachemmi wojjoon no deqqemmonoyich, wojjoon immiibeeti Yeerichi taatee qeechi aafooch gaabbaanoon giddebone.