Keyo 19:18 - Kafa Linguistics Project

¹⁸ Doono Yeeri qaaqqoona bi kinditoyich, Siini guudon cufoo kaappitone; cufoo qaaqqee gudoochee kechii beetoommon tuneꞌi kaama tuqiye; guudo bulliyoo oogeton qewehe;

Keyo 19:18 ပူးပေါင်းရင်းမြစ်များ

Halloo 11:5

Ebina katemoon shuuneheete. Arooba Doono Yeeri ebi asheenaꞌo shuuneti katemoonaa dilaaloonon beegga kindiye.

Halloo 15:17

Aabe giyaa xumemmona, gocheexi qaaqqee cufoonaa qaaqqee conjoona ebi kapphetaa koteti meechi gutte daggoona beshehe.

Halloo 19:28

Sodoominaa Gomoorinon, wotta arooch beeti, bakkeexi showoo bullin dugilla ciinniꞌi, aroochee cufoo miceexi qaaqqee booddoo keyoommon, kechii beetaa beeggiye.

Nehimi 9:13

“Siini guudi toommooch kindihine; shimaayoochaanoo boonoshina tookkaa yibbaatehine; gaawe doyoonaa ibere sheeroonon, gaawe qociyoonaa getoonon boonoshich immehine.

Shoddo 104:32

Showoon bi ciinaa qewehe; guudinaꞌon bi yeshaa cufiyeete.

Shoddo 114:4

Guudinaꞌo bagee baaddoochoommon, geppeenaꞌoo bagee bushiishoochoommon, capphiyeete.

Shoddo 114:7

Showoocho, Doono aafooch, Yaaqobichi Nuggishoo aafooch, qewebe.

Shoddo 144:5

Doono Yeero, shimaayoon gaahiree kindibe; ne yeshaa, guudinaꞌo cufibeete.

Shoddo 18:9

Shimaayoon qechiꞌi dugilla kindiye; bi baatee dechiich mandereti qubo beetone.

Shoddo 68:9

Yeero, amiyo gaawichiree bi dihemmoyich tuniihine; shuuqqiti ne showoon shuxiihine.

Shoddo 77:18

Ne gigee qaaro yubee yongee daggoochaa waayeehe; ne xeeyo alemo bulliich phaqqiye; showoo shuuriye; qeweenoo iye.

Shoddo 77:19

Ne gommo baharee daggooch beetone; ne kaattoo ooge aachi daggoochiye; tunebaani ne hilloo arooch bekkeyaanoone.

Keyo 19:13

Ashi kishoo bi toommooch shagaanoon xaqqoona yexaa woyee shangoona koyaa qitibe. Asho tuneba gijjoo koniyoona kashoona bi beeyemmoyich qachaaye’ gete. Tunebaani guudi gaadooch shago bi hakkeyemmo, oogeti qaaroona tiroo (waaringo) hukkegaata baachiye” iye.

Keyo 19:17

Aroochee Muusi Yeerina tookki boonoshi danemmoyich, asheenaꞌon boonoshi beeti kaamboochee yechiꞌi kechiye; boonoshiyoo guudi baatooch neexeheete.

Keyo 20:18

Israꞌeeleenaꞌo phaqqoon, xeeyoon, tiree qaaroonaa guudi toommeexi cufoonon beeggiꞌi, keqqoona qeweheete; wokkiinoo neexeheete.

Keyo 24:17

Doono Yeerichi oogee yiiroo guudi toommooch michiibeeti qaaqqoochoommon tuneꞌi, Israꞌeeleenaꞌoyich bekkee beehe.

Keyo 3:2

Aroochaa Doono Yeerichi maraakoo kuchoo cobbcobbimii aaxxeebeeti qaaqqee daggoochaa biich bekkehe. Muusiyoo kuchoon qaaqqoo yechito bi tunetaanoona, micaano bi tunoon beeggiye.

Keyo 34:2

Qanniree yaach maaddoona Siini guudi toommooch keye. Are guudi cillooch ta aafooch neexebe.

Isiyaasi 6:4

Boonoshi cookee qaaroochee tiyitona yaafee kexo bi kotoochaa shuuriye; cufoo arooch ceenniye.

Isiyaasi 64:1

Abo shimaayoon keexiree kindishoo geta! Guudinaꞌoo neen ciiniree qeweshoo geteeta!

Erimiyaasi 4:24

Guudinaꞌon ciinneho; ebiyoche qewee beetinaꞌone; geppeenaꞌoo okk hach shuuriyeete.

Imbaaqoomi 3:6

Bi neexemmona, showoo shuuriye; bi ciinnimmona aagetee asheenaꞌo qeweheete. Wonna tiijjiꞌi bi gommo tuneti, bulli aaboon beeti guudinaꞌo yiikkeeheete; geppeenaꞌo dugilla koonniyeete.

Zakaariyaasi 14:5

Ittoshiyoo guudon gutta keexxiꞌi Atsel shaggiti bamboona woccemmo ittoshine. Yihudee taatoo Uziyaahi yemeenooba showoo qewetaa ittoshi wocoommon woccemmo ittoshine. Ta Nuggishoo Doono Yeeri woyemmone. Yaafeetinaꞌo bulliyoo biinna tookki woyemminaꞌone.

Maatiyoosi 24:7

Arooba ikke aageteexi asho bare aageteexi ashoona, ikke showeexi taatoo bare showeexi taatoona koyemmone; baribare xaaꞌoochoo shaacoo giyemmone; showee qewo tunemmone.

Yibbaatoo 33:2

Biyoo ishichiye: “Doono Yeeri Siini guudoochee noon gaacheya waahe; aabe keyoommon kechiꞌi, Edoomee showoochaa bi asheenaꞌo toommooch koojjiye; bi bekko Faraani guudoochaa koojjii bekkehe. Aashire hume bi maraakeenaꞌo biinna tookkii beetinaꞌone; bi qanne kishoochee qaaqqoo aaxxehe.

Yibbaatoo 4:36

Ittoshin sheeroyich, shimaayoochee bi qaaroon ittoshi waayemmoyich tuniihe. Showee toommoochaanoo giidechi bi qaaqqoon ittoshi beeggemmoyich tuniihe. Ittoshiyoo qaaqqee daggoochee bi qaaroon waayehote.

Yibbaatoo 5:22

“Doono Yeeri guudi toommooch kiceeti ittoshi asheenaꞌo bullich bi gettiti geteenaꞌo eboshine. Qaaqqee daggoochaa, quboonaa dunne manderoonochi daggoochaa bi qaaroon oogichiꞌi bi yibbaatehooba bi immiti geteenaꞌon gettiyani, baroon daakkaanoone. Eboshinoo gutte yalle xaqqeenaꞌooch kooriꞌi, taach immiye” iye.

Yibbaatoo 5:4

Doono Yeeri guudi toommoochaa, qaaqqee daggoochaa ittoshina tookkii baroona daneꞌi ittoshich yibbaatehe.

2 Tasaloonqi 1:7

and xuuxoon beeggiibeeti ittoshin ebi xuuxoochee kichiree noonna tookki kashiyemmone. Ebin bi tuniyemmo, Doono Yesuusi giidechi bi maraakeenaꞌona tookkii shimaayoochee bi waahoobane.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

Hibireena'o 12:18

Israꞌeeleenaꞌo boonoshi kishoona yeshon boonoshi hakkiibeeti Siini guudooch shagaano ittoshine; boonoshiyoo aroochaa micciibeeti qaaqqoon, magge yiiboon, manderoon, yongee yuboonoo beeggiyeete.

Hibireena'o 12:26

Arooba Yeerichi qaaro showoon shuurikkiye; tunebaani “Wochinnoon ikke wottoon showoon baach tuneyaanoon, shimaayoonoo wotta shuurikkemmo taane” iꞌi hini yemeeneechon gettitone.

2 Pheexiroosi 3:10

Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.

Yaaꞌoo 15:8

Yeerichi oogee yiiroonaa bi giidoonoochee tiyitona cufoo yaafe kexooch ceenniye; shabaatte maraakeenaꞌo boonoshi ukkemmi shabaatte naxeenaꞌo ciyimmi wottoon koniyoona yaafee kexooch gimon hakkaanoone.

Yaaꞌoo 9:2

Biyoo oppee hoonoon qechiye; ooge qaaqqee gudoochee kechii beetoommi cufoo oppoochee kechiye; oppoochee kechiti cufoo aabeen kaappiꞌi shimaayoon manderiihe.

Woraaferasheenaꞌo 5:5

Guudinaꞌo Siini guudi Nuggishoo Doono Yeeri aafooch qeweheete; Israꞌeelee Nuggishoo Doono Yeeri aafooch shuuriyeete.