Keyo 19:14 - Kafa Linguistics Project

¹⁴ Muusiyoo guudoochee kindiꞌi asheenaꞌo waan bi hammitoyee gubb, boonoshin yaafiye; boonoshi tahoonoo machiyeete.

Keyo 19:14 ပူးပေါင်းရင်းမြစ်များ

Halloo 35:2

Ebich Yaaqobi bi kechi asheenaꞌonaa biinna tookkii beetinaꞌo bullinoyich ishichiye: “Ittoshi waan beeti dallaawe nuggisheenaꞌon ittoshi waanee wokkiibote; xallebote; ittoshi tahoon shaddibote.

1 Kiinoo 15:12

boonoshich ishichiye: “Ittoshi, Lewee yoodee yareenaꞌochi ukkiroo ittoshi tunetoyich, ittoshinaa Leweenaꞌo tuneti ittoshi maneenaꞌona ittoshi qelloon yaafibote. Ebiyee gubb, Israꞌeelee Nuggishoo Doono Yeerichi taabootoon biich ta qanniiti xaaꞌooch deebote.

Keyo 19:10

Doono Yeeriyoo Muusich ishichiye: “Asheenaꞌo waan hamiree, hanaachinaa yaachinon boonoshin yaafibe. Boonoshi tahoon boonoshi machemmoyich gete.

Keyo 19:13

Ashi kishoo bi toommooch shagaanoon xaqqoona yexaa woyee shangoona koyaa qitibe. Asho tuneba gijjoo koniyoona kashoona bi beeyemmoyich qachaaye’ gete. Tunebaani guudi gaadooch shago bi hakkeyemmo, oogeti qaaroona tiroo (waaringo) hukkegaata baachiye” iye.

Keyo 19:15

Asheenaꞌoyichoo, “Sharittich qannibote. Arooch beddaahaa maachee waan shaggaahote” iye.

1 Saameeli 21:5

Daawitiyoo, “Iberoo daneyaaneenaꞌone. Aafi no doyoommon, no kecheti aaboochee tiijjiꞌi, maacheenaꞌo no waan katinaaneenaꞌone. Ta asheenaꞌochi achoo yaafoone. Yaafittinoon qaawaani gommooch no keyiyoobolla, ta asheenaꞌochi achoo yaafeetone. Ishigaata, ebi shaahe gommooch keyibee aabichiree ebin tuniyeheete?” iye.