Keyo 19:10 - Kafa Linguistics Project

¹⁰ Doono Yeeriyoo Muusich ishichiye: “Asheenaꞌo waan hamiree, hanaachinaa yaachinon boonoshin yaafibe. Boonoshi tahoon boonoshi machemmoyich gete.

Keyo 19:10 ပူးပေါင်းရင်းမြစ်များ

Halloo 35:2

Ebich Yaaqobi bi kechi asheenaꞌonaa biinna tookkii beetinaꞌo bullinoyich ishichiye: “Ittoshi waan beeti dallaawe nuggisheenaꞌon ittoshi waanee wokkiibote; xallebote; ittoshi tahoon shaddibote.

2 Saameeli 19:24

Aroochee Saaꞌooli bushoochi bushoo Mefibosheti taatoona daneya dugilla waahe. Biyoo taatoo Yerusaalemee kechii bi aasheti aaboochee tiijjiꞌi diggoona bi wottemmi wottoon, bi baatoon macheyaanoone; bi ishaanoonoo cagaanoone; bi tahoonoo mayaanoone.

2 Kiinoo 29:34

Qeesheenaꞌo micciibeeti deejjoon gaxxoyich giishecheenaꞌo boonoshi tunetoyich, shuunoo ciiremmi wottoon, wotta bare qeesheenaꞌo boonoshi qelloon yaafimmi wottoon, boonoshi maneenaꞌo tuneti Leweenaꞌo boonoshin gaacheheete. Ebiyoo Leweenaꞌo boonoshi qelloon xalliyoona qeesheenaꞌoyee boonoshi beshitoyichiye.

2 Kiinoo 29:5

ishichiye: “Leweenaꞌote, hach ellebote; yaafeebote; ittoshi qaabbechinaꞌochi Nuggishoo Doono Yeerichi yaafee kexon yaafibote; eeꞌe mooyo bullinoo yaafee kexoochee kichibote.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Leweenaꞌo 11:25

Eboshichi meeshoochee tiijjimmi asho bi tahoon maye; biyoo xumemmi wottoon eeꞌo tunemmone.

Leweenaꞌo 15:5

Bi qeyiti qeenon yechimmi asho koniyoona bi tahoon maye; bi qeddoonoo machebe; biyoo xumemmi wottoon eeꞌo tunemmone.

Haddoo 11:18

“Asheenaꞌoyichoo ishichibe: ‘Yaachich yaafeeree qannibote. Meenon maayemmo ittoshine. “No maayemmi meenon koni nooch imba? Gibits no beehooba, nooch gaawiye” ii ittoshi eeppiton Doono Yeeri waayetone. Ebich Doono Yeeri meenon ittoshich immemmone; ittoshiyoo maayemmo ittoshine.

Haddoo 19:19

Xalle asho xalleyaani ashi toommooch keejjinnee qemoobinaa shabaattinnee qemoobinon wucemmone; shabaattinnee qemooboo xalliyemmone. Ebi xalleti asho bi tahoon machemmone; bi achoonoo machemmone; aroobee xumooch xalloo tunemmone.

Haddoo 31:24

Shabaattinee qemooba ittoshi tahoon mayote. Aroochee xallemmo ittoshine. Ebiyee gubb, kaambooch gimon hakkemmo ittoshine” iye.

Haddoo 8:21

Leweenaꞌo axaaxoochee boonoshi qelloon xalliiheete; boonoshi tahoonoo machiyeete. Harooniyoo kaama tiijjaa giddeebeeti deejjoochoommon, Doono Yeeri aafooch boonoshin giddiihe; wotta boonoshi axaaxoon xalliyee doyoonoo tuniihe.

Haddoo 8:7

Boonoshin ne xallii beegaata, ebin tuniibe. Xalliyee aacon boonoshi toommooch wucibe. Boonoshi ashittinee eexo bullin appoona cakke, boonoshi tahoonoo mayi boonoshi xallemmoyich tuniibe.

1 Qorontoosi 6:11

Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Yaasi 3:5

Aroochee Yaasi asheenaꞌoyich, “Yaach Doono Yeeri ittoshi daggooch gaakkechi shuunoon shuunemmo bi tunetoyich, yaafeebote” iye.

Yaasi 7:13

“Tibe! Asheenaꞌo yaafeyemmoyich tuniibe. Boonoshichoo ishichibe: ‘Israꞌeelee Nuggishoo Doono Yeeri ishichiye: “Israꞌeeleenaꞌote, timeeti mooyo ittoshi daggooch bi beetoyich, ebin ittoshi wokkiimmi wottoon, ittoshi etteenaꞌona tookki koyoon hakkaachemmo ittoshine” iye. Ebich, yaachich ittoshi qelloon qanniiree yaafeebote.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.

1 Saameeli 16:5

Saameeliyoo “Eeha, diggoone. Ta waato, Doono Yeerich deejjoon giddiyoyichiye. Ittoshi qelloon yaafiree, taanna tookki deejjee xaaꞌooch wobote” iye. Aroochee Iseyinaa bi bushiisheenaꞌonon yaafiye. Deejjee xaaꞌooch boonoshi woyemmoyichoo ceeggiye.