Keyo 18:21 - Kafa Linguistics Project

²¹ Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 18:21 ပူးပေါင်းရင်းမြစ်များ

Halloo 22:12

Maraakoo “Bushoochi achooch shaggaahine. Bi toommooch amoonolla halliyaahine. Ne bushoon, ikke mixxe ne bushoon, taach woonaano ne tunetoyich, Yeerin shattaabeeto ne tunoon and ariito taane” iye.

Halloo 42:18

Keejjinnee qemooba, Yooseefi boonoshich ishichiye: “Yeerin ta shattaa beetoyich, ebin tuniiree ittoshi kashoon wodiibote.

Halloo 47:6

Gibitsee showoo bulli ne kishoochiye. Bulliyee beshiti gaawe showoon ciiniree, ne nihoonaa ne maneenaꞌonon arooch kotiibe. Gooshen beebeete. Boonoshi daggoochee bariti ariyechinaꞌo boonoshi tunoon ne arii beetinaꞌo beegaata, areenaꞌon ta miinji qiddeenaꞌo toommooch ukkiriibe” iye.

2 Saameeli 18:1

Aroochee Daawiti biinna tookkii beeti asheenaꞌon kiciye. Boonoshi toommoochoo humee iraasheenaꞌonaa ballee iraasheenaꞌonon iraashiihe.

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

1 Taateenaꞌo 18:12

Neyee giishechoon ta wokkemmona, Doono Yeerichi Ayaano ta ariyaani xaaꞌooch neen daammemmone. Ebina hammaa Akaabich ta getaa, neen bi muccegaata, taan wuxemmone. Ne guuno ta, ta bushittinoochee tiijjaꞌa Doono Yeerin shattaabeeto taane.

1 Taateenaꞌo 18:3

Akaabiyoo taatee kechi ukkiroo tuneti Abidiyin ceeggiye. Abidiyi Doono Yeerin oogichii shattiibeeti ashoone.

Iziri 7:25

“Iziro, newoo ne waan beeti ne Nuggishoochi shalligoommona Efiraaxisee beqachi woraafooch beeti, ne Nuggishoochi sheeroon ariibeeti asheenaꞌo toommooch ukkireenaꞌonaa nallechinaꞌonon ukkiriibe; ebi sheeroon ariyaaneenaꞌoyichoo dojjibe.

Nehimi 5:9

Daakkaꞌa ishichiyo: “Ittoshi tuniibeeti mooyo gaaweyaanoone; no etteenaꞌo tuneti aageteenaꞌo noon naagaachemmoyich, no Nuggishoon shatona beemo ittoshich qaawiyaache?

Nehimi 7:2

ta manoo Hanaaniyi meeti asheenaꞌoyee beshoon Yeerin shattiibeeti, gibeneeti asho bi tunetoyich, xaqqee dilaalee ukkiroo tuneti Hanaanina tookkaa Yerusaalem iraashiiho.

Iyoobi 1:1

Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.

Iyoobi 29:16

girechoyich nihoo tuneto taane; ta ariyaani asheenaꞌochi taggoon taggeto taane.

Iyoobi 31:13

“Ta guuno woyee ta gonnee ta waan waaꞌa cookaa, boonoshi cookoon waayeyaano ta tunegaata,

Shoddo 15:1

Doono Yeero, ne duukkaanooch kotoon hakkemmo konine? Yaafeeti ne geppooch beemon hakkemmo konine?

Shoddo 15:5

bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.

Keyo 17:9

Muusiyoo Yaasich ishichiye: “No asheenaꞌoochee kaaci daamiree, yaach Amaleeqeenaꞌon koyoyich keye. Tawoo Doono Yeerichi gumboon ta kishooch yeshiree, geppee cillooch neexemmo taane” iye.

Keyo 18:25

Israꞌeeleenaꞌo daggoochee ariyechi asheenaꞌon kaacciꞌi, asheenaꞌo toommooch ukkiriihe; boonoshinoo humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiꞌi ukkiriihe.

Shaahiyoo 28:2

Showoo hukkoo shuunegaata, ukkiroo biich meettiye; tunebaani ariyechonaa gabechona tuneti ashoona kupphe taatee showoo tune yagemmone.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Isiyaasi 16:5

aroochee taatee qeeno shoodoona manjemmone; are qeenooch Daawiti yaroochee iberittinoon qaawiibeeti, dayinnetoon tuniyoyich afaafineebeeti, gibeneeti taatoo kotemmone.

Isiyaasi 33:15

Cadiqoona beeto, iberoon yibbaateebeeto, xuꞌoona daneebeeti shimon hoxeebeeto, xuccoochee bi kishoon quyeebeeto, damoon ukkiya koceyoon waayoochee bi waamon oppeebeeto, gondoon ciinoochee bi aafoon oppeebeeto,

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Erimiyaasi 5:1

“Dayinnetoona nalliibeeti, ibere mooyonoo qaawiibeeti ashoon, danemmo ittoshi tunegaata, Yerusaalemi gommona okk hach shaꞌebote; xiishi ciinote; bi addibaaboochoo qaawibote; ittoshi danegaata, Yerusaalemin maaremmo taane.

Hiziqeeli 18:8

gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Zakaariyaasi 7:9

“Beshe Mawe Doono Yeeri ta, ta asheenaꞌoyich ishichiyoye: ‘Ibere nalloon nallibote; ittoshinaa ittoshina ariqqeebote; shoodeeshoo getote.

Zakaariyaasi 8:16

Ittoshi tuniyemmi mooyinaꞌo eboshine: Ittoshinaa ittoshina ibere yibbaatoon yibbaatebote; ittoshi addibaaboochaa diggoon deebemmi, ibere nalloon nallibote.

Haddoo 1:16

Eboshiyoo iitee daggoochee kaachetinaꞌo, boonoshi qaabbechi yoodi yoodoon yaabii qeejjii beetinaꞌonaa Israꞌeelee yareenaꞌochi ukkireenaꞌonane.

Haddoo 1:4

Yoodi yoodoochee, bi qaabbechi yaroochi ukkiroo tuneti ikke asho ittoshina tookki beebe.

Haddoo 10:4

Tunebaani ikke tiroo baach hukkegaata, ogoogeenaꞌo, ebi geto Israꞌeelee gumbee ukkireenaꞌo ne waan kiceebeete.

Luqaasi 18:2

“Ikke katemooch Yeerin shataani, asho konichona yeelleyaani ikke nallechi uro beehe.

Luqaasi 18:4

“Tunetaa hini are nallechi uro meeti aaboon deꞌa gettemmon qajjiye. Tunebaani ciiroochaa bi mulloona ‘Yeerin shatonaa ashich yeelloonon ta qajjetaanona,

Mishiraachechinaꞌo 20:33

Ta konichi birewoon woyee aachoon woyee tahoon qaataano taane;

Mishiraachechinaꞌo 6:3

Ebich no maneenaꞌote, ittoshi daggoochee shabaatte asheenaꞌon kaacote. Ebi ittoshi kaaccemmi asheenaꞌo ‘Yaafe Ayaanoonaa shalligoona ceenniti asheenaꞌone’ getaa miixeetinaꞌo tunebeete; hini shuunoyich boonoshin ukkiriibone.

Yibbaatoo 22:18

Ebina are katemee geeneenaꞌo are uroon deebiree arengoona xoobeete.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Saameeli 8:12

boonoshin hume ginee iraasheenaꞌonaa aache ginee iraasheenaꞌonon tuniyemmone; bi goyoon gochechinaꞌonaa bi maayoon qeccechinaꞌonon tuniyemmone; wotta ginee qiicoonaa gaarichi qiicoonon shuunechinaꞌon tuniyemmone.

1 Saameeli 8:3

Tunebaani bi bushiisheenaꞌo boonoshi nihoochi gommon dabbaaneenaꞌone. Boonoshiyoo gaacoon dano waan guuddiyeete. Xuccoon maabee dayinnetoon dabii beeheete.