Keyo 18:16 - Kafa Linguistics Project

¹⁶ Boonoshinaa boonoshina daggooch taggoo danehooba, ta waan deebii beetinaꞌone; tawoo mooyon kichii kindii nallii kuxxaabeeto taane. Doono Yeerichi qociyoonaa sheeroononoo boonoshich gettaabeeto taane” iye.

Keyo 18:16 ပူးပေါင်းရင်းမြစ်များ

2 Saameeli 15:3

Abisoloomi biich wochiꞌi, “Ebeege; ne mooyo kaamoonaa tatoonane; tunebaani ne mooyon bi waayemmoyich taatoo kotiiti asho koniyoona aalloone” ii beehe.

2 Kiinoo 19:10

Katemi katemooch beeti ittoshi maneenaꞌo waanee ittoshi waan waabeeti amee mooyolla, ebiyoo, damee ukkoo, sheeroon, getoon, qociyoonaa doyoonon shaaddo bi tunegaata, Doono Yeerin boonoshi xuꞌaachemmoyich, bi kaaro ittoshinaa ittoshi maneenaꞌonochi toommooch bi waataachemmoyich kupphii getote. Ebin ittoshi tuniigaata xuꞌecho tuneyaachemmo ittoshine.

Iyoobi 31:13

“Ta guuno woyee ta gonnee ta waan waaꞌa cookaa, boonoshi cookoon waayeyaano ta tunegaata,

Keyo 18:17

Muusichi abboo wochiꞌi ishichiye: “Ebi ne tuniyaabeeto gaaweto toonoone.

Keyo 2:13

Bi dechara wottee bi waahaa, gutte Hibireenaꞌo boonoshinaa boonoshina kaaree beetaa beeggiye. Biyoo “Amoyichiye ne hajjee xiboon ne yexxaabeeto?” iꞌi xuqqiti uroon echehe.

Keyo 23:7

Koote taggoon ashi toommooch yaaqqaahine. Xuꞌo bi toommooch aalli, kaame ashoon wuxiyaahine. Ebiyoommi gondoon shuuneebeeti ashoon maaraachemmo taane.

Leweenaꞌo 24:15

Aroochee Israꞌeeleenaꞌoyich ishichibe: ‘Asho koniyoona bi Nuggishoo Yeerin bi naagigaata, bi shuuneti axaaxoyich echeyemmone.

Haddoo 15:35

Doono Yeeri Muusich ishichiye: “Uro qitibe. Israꞌeelee iitoo bulli kaamboyee maach kichi xaqqoona yexi wuxibe” iye.

1 Qorontoosi 6:1

Ittoshi daggoochee ikke kittinnoo bi manoon bi taggemmi mooyo beegaata, yaafeenaꞌo toommoochaa taggoon qajjiichii, Yeer asheenaꞌo tuneyaaneenaꞌo toommoochaa taggoyich, aabichiꞌi aafoon kupphehe?

Yibbaatoo 4:5

“Illa ebiyoche, ta Nuggishoo Doono Yeeri taach gettitoommon tuniiꞌa, qociyoonaa doyoonon ittoshich dojjito taane. Giyi ittoshi woraashemmi showoochaa ebin quyebote.

Yibbaatoo 5:1

Muusiyoo Israꞌeeleenaꞌo bullin ceeggiꞌi boonoshich ishichiye: “Israꞌeeleenaꞌote, hanaach ittoshich ta gettaabeeti ebi qociyeenaꞌonaa doyeenaꞌonon elle waayebote. Eboshin doyibote; manjiireeshoo quyebote.

Yibbaatoo 6:1

“Ittoshich ta dojjemmoyich ittoshi Nuggishoo Doono Yeeri taach immiti geto, qociyoonaa doyoona ebine. Arooch giyi ittoshi hajjemmi showoochaa eboshin quyebote.

1 Saameeli 12:23

Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.