Keyo 18:12 - Kafa Linguistics Project

¹² Ebiyee gubb, Muusichi abboo Yotoori micciibeeti deejjoonaa bare deejjeenaꞌonon Yeerich giddiihe. Aroochee Harooninaa Israꞌeelee ukkiroo bullina biinna tookkii Yeeri aafooch maayoon maaya waaheete.

Keyo 18:12 ပူးပေါင်းရင်းမြစ်များ

Halloo 12:7

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

Halloo 26:25

Yisaaqiyoo are xaaꞌooch deejjee gudoon shuuneꞌi Doono Yeerich goyinnehe. Aroochoo bi duukkaanoon xogiye. Bi gaddireteenaꞌoo aachi oppoon arooch iijjiyeete.

Halloo 26:30

Yisaaqiyoo gifiroon qanniiꞌi giddiihe. Tookkii maa uchiyeete.

Halloo 31:54

Guudi toommoochaa Yeerich deejjoon michii deejjiye. Bi xibeenaꞌo ebi meenonaa koshonon boonoshi maayemmoyich ataalliye. Boonoshiyoo boonoshi maatoyee gubb, are guudi toommooch qeyiyeete.

Halloo 4:4

Abeeliyoo wotta bi bageenaꞌo daggoochee awuyonaa shiichii shiijjetonon guuriꞌi Doono Yeerich deejjiye. Doono Yeeriyoo Abeelinaa bi giddiiti deejjoonon ciinniꞌi emiriye.

Halloo 43:25

Yooseefina tookki maayoon maayemminaꞌo boonoshi tuno shiichii boonoshich bi getteetoyich, aabee qellayooch, Yooseefi shagoyee shiichii, boonoshi deebiti mattaayoon imoyich qanniheete.

Halloo 8:20

Noohi bi kechitoyee gubb, Doono Yeerich deejjee gudoon shuunehe; xalle gijjeenaꞌonaa xalle kafeenaꞌo bullinoochee daammiye; guurii, ebi are deejjee gudoochaa michiꞌi, Doono Yeerich deejjiye.

2 Saameeli 9:7

Daawitiyoo biich ishichiye: “Shattaahine; ne nihoo Yonaataanicha getiree neech deeyemmo taane. Ne nihinihoo Saaꞌoolicho tuneti showoo bullin neech wochemmo taane. Bulli aaboonoo ta madoochee maayemmo neene” iye.

2 Kiinoo 30:22

Hiziqiyaasiyoo Doono Yeerich maddoona shalligechinaꞌo tuneti Leweenaꞌo bullin bi yibbaatoona kupphiihe. Asheenaꞌo ikkittinee deejjoonoo deejjiibee, boonoshi qaabbechinaꞌochi Nuggishoo Doono Yeerin galleteebee, baaree maayoon shabaatte qemon maaheete.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Iyoobi 42:11

Bi anaami maneenaꞌo, maache maneenaꞌonaa bi aricheenaꞌo tuneti asheenaꞌo bullina biin beegga waaheete; bi kexoochaa biinna tookkii maa uchiyeete; Doono Yeeri bi toommooch deebiti xuuxoyich ayiniyeete; biinoo goggiiheete. Boonoshi ikkikkoona xure birewoonaa aachee qalibetoonon biich immiyeete.

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Keyo 18:13

Bi dechara Muusi asheenaꞌochi taggoon nalloyich kotehe. Boonoshiyoo maaddoochee tiijjiꞌi xum beddaahaa, Muusichi guudoona neexeheete.

Keyo 2:16

Ikke Miidiyamee qeeshoyich shabaatte maache bushiisheenaꞌo beeheete; eboshiyoo aachi oppo beetooch waaꞌi boonoshi nihoochi bageenaꞌonaa emmisheenaꞌonoyich aacon uchiya, aacon goonooch kittii ceechiyeete.

Keyo 2:20

Boonoshi nihoo bi bushiisheenaꞌoyich “Are uro aaye? Amoyich biin deebaanoon duppiichii waahote? Ittoshi ceegaa waaree maayoon mame” iye.

Keyo 20:24

“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Keyo 24:11

Tunebaani Yeeri ebi Israꞌeelee ukkireenaꞌon naxeyaanoone; boonoshiyoo Yeerin beeggiyeete; aroochee maa uchiyeete.

Keyo 24:5

Aroochee Israꞌeelee gurimaasheenaꞌon bi wochetaa, boonoshiyoo micciibeeti deejjoon deejjiyeete; wurinaꞌonoo ikkittinee deejjoon tuniiꞌi Doono Yeerich deejjiyeete.

Keyo 3:1

Muusi Miidiyamee qeeshoo, bi abboo Yotoorichi bageenaꞌonaa emmisheenaꞌonon quyee beehe. Biyoo ikke areddoon eboshin dabbiiꞌi barahee ciinooch, Yeerichi guudooch, Kooreeb shaggiye.

Keyo 33:7

Muusi, duukkaanoon kaamboyee maach wokkiꞌi beeti xaaꞌooch xogii beehe. Aroonoo “Danee duukkaanoo” iye. Doono Yeerin qaawiibeeti asho bulli, kaamboyee maach beeti danee duukkaanooch hammii beehe.

Daaneeli 10:3

Keejje shabaattoo beshemmi wottoon shaawi maayoon maataano taane; meenon tuneba woyinee uyoon ta noonooch shakkiyaano taane; ta qelloochoo amoonolla huuteyaano taane.

Haddoo 10:29

Muusiyoo Miidiyamee asho tuneti, bi abboo Reweeli bushoo Hobaabich ishichiye: “Doono Yeeri ‘Ittoshich immemmo taane’ bi iti xaaꞌooch hammaabeeto noone. Doono Yeeri Israꞌeeleenaꞌoyich gaawe mooyon tuniyoyich gibenikkitone; noonna tookki hambe. Nowoo gaawe mooyon neech tuniyemmo noone” iye.

Luqaasi 14:1

Shambetooba Yesuusi Fariseenaꞌochi ukkireenaꞌo daggoochee ikkoochi kexooch maayoon maaya giyiye; arooch beetinaꞌo biin manjiiꞌi quyee beeheete.

Luqaasi 14:15

Arooba arooch Yesuusina tookkii kotetinaꞌo daggoochee ikkoo bi gettiton waayeꞌi, “Yeerichi taatittineech giyiree gifiroon maayemmo diireetone” iye.

1 Qorontoosi 10:18

Eke Israꞌeeleenaꞌon gabibote: Yeerich giddeti deejjee maayoon maa beetinaꞌo deejjee gudoona tookkii ikkittino boonoshich beeto toone?

1 Qorontoosi 10:21

Doono Yesuus Kiristoosichi xoofoochee uyibee, yinneenaꞌo xoofoochee wotta uyon hakkaachote; Doono Yesuus Kiristoosichi madoochee maabee, yinneenaꞌochi madoochee wotta mamon hakkaachote.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

Yibbaatoo 12:7

Ebi aroochaa, ittoshi Nuggishoo Doono Yeeri aafoochaa ittoshinaa ittoshi kechi asheenaꞌona maayemmo ittoshine. Ittoshi kishoona ittoshi shuuneto bullin Doono Yeeri diiritoyich ittoshi bulli oogichi emiremmo ittoshine.

Yibbaatoo 27:7

Ebi aroochaa ikkittinee deejjoon deejjiree, mame. Ne Nuggishoo Doono Yeeri aafoochaanoo emiribe.