Keyo 18:11 - Kafa Linguistics Project

¹¹ Israꞌeeleenaꞌon geecoona hajjitinaꞌo toommooch ebin bi tuniitoyich, Doono Yeeri, asho goyinneebeeti nuggisheenaꞌo bulliyee beshe giidecho bi tunoon and ariito taane” iye.

Keyo 18:11 ပူးပေါင်းရင်းမြစ်များ

1 Taateenaꞌo 17:24

Ureyoo Eliyaasich, “Yeer asho ne tunoon, ne noonoochee kechiti, Doono Yeerichi qaaro iberoo bi tunoonoo and ariiti taane” iyan.

2 Taateenaꞌo 5:15

Aroochee Naꞌimaani bi naayinaꞌo bullina tookkii Yeer asho waan wottehe. Waaꞌinoo bi aafooch neexeechii, “Ebiyoche, Israꞌeelee showoyee besh, showoo bulliich Nuggishoo aallo bi tunoon ariito taane. Andoo ne guuno ta waanee wojjoon ne deqqemmoyich neen qollehoye” iye.

1 Kiinoo 16:25

Doono Yeeri oogoone; oogichiꞌi galleteetone; nuggisheenaꞌo bulliyee beshoon shatteetone.

2 Kiinoo 2:5

“No Nuggishoo nuggisheenaꞌo bulliyee beshe oogoo bi tunetoyich, ebi ta hagga ii beeti kexo ooge kexone.

Nehimi 9:10

Boonoshi toommooch coodditinaꞌo boonoshi tunoon ne ariitoyich, Farooni toommooch, bi naayinaꞌo bullinaa bi showooch beeti bi asheenaꞌo bullinochi toommooch worganikkiti malletoonaa gaakkechi shuunoonon bekkiihine; hanaach beddaahaa ne shigo oogemmoyich tuniihine.

Nehimi 9:16

“Tunebaani no qaabbechinaꞌo geeciyeete; babbereheete; ne getoonoo ceechaaneenaꞌone.

Nehimi 9:29

“Ne sheeroo waan boonoshi wottemmoyich kupphiyaꞌa gettehine; tunebaani boonoshi geeciyeetani, ne geteenaꞌon ceechaaneenaꞌone. Asho bi ceechigaata kashoona bi beeyemmoyich tuniibeeti ne getoon shaaddeheete; boonoshi gubboon ne waan wochiyeete; babbereꞌi, ne getoon qajjiyeete.

Shoddo 119:21

Ne geteenaꞌoochee kechiibeeti, uppeti geecechinaꞌon kaarehine.

Shoddo 135:5

Doono Yeeri oogoo bi tunoon, no Doono nuggisheenaꞌo bulliyee besho bi tunoon, ariihoye.

Shoddo 31:23

Bi yaafeenaꞌote, ittoshi bulli Doono Yeerin shunote; Doono Yeeri gibeneetinaꞌon quyee beetone; tunebaani geecechinaꞌon bede sheeroon sheeremmone.

Shoddo 95:3

Doono Yeeri ooge Nuggishoone; nuggisheenaꞌo bulli toommooch ooge Taatoone.

Shoddo 97:9

Doono Yeero, ne, showee toommo bulliich Beshoo Yeeri neene; nuggisheenaꞌo bulliyee oogeti beshoo neene.

Keyo 1:10

Shiijje boonoshi meetaachemmoyich, ikke mooyon hallibone. Ebin tuniyoo no qayigaata, gino tiyiyooba, no etteenaꞌona tookki ikkotteree noon kochemminaꞌone; hini showoocheenoo murici hammemminaꞌone” iye.

Keyo 1:16

“Hibiree maacheenaꞌon yechii ittoshi shiijjii beegaata, shiijjeebeeti bushoo anaamo bi tunegaata, wuxibote. Maachee bi tunegaata, kashoona beebuye” iye.

Keyo 1:22

Aroochee Farooni bi asho bullich ishichiye: “Israꞌeeleenaꞌo waanee shiijjemmi anaami bushiishoo bullin Abbaayi aacooch dufote. Tunebaani maache bushiishoo boonoshi tunegaata, kashoona boonoshi beeyemmoyich qayote” iꞌi gettiye.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Keyo 12:12

“Tawoo aroobee xum Gibitsee showee daggoona beshemmo taane; ashoochee gutenee bushiishoon, gijjoochee shiichii shiijjeti qaabboo bullin wuxemmo taane; Gibitseenaꞌo goyinneebeeti nuggisheenaꞌo bulli toommooch nallemmo taane. Ta, Doono Yeeri taane.

Keyo 14:18

Farooni toommooch, bi gaarinaa hareshechinaꞌonochi toommoochoo ta oogoon ta bekkiihooba, Gibitseenaꞌo Doono Yeeri ta tunoon ariyemminaꞌone” iye.

Keyo 14:8

Doono Yeeriyoo Gibitsee taatoo Farooni mulloon bi muumiitoyich, Gibitsee aafee kupphoona kechii hammiibeeti Israꞌeeleenaꞌon yookkii dabbiye.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 5:2

Farooniyoo wochiꞌi ishichiye: “Bi getoon ta waayemmonaa Israꞌeeleenaꞌon ta gawukkemmonoyich, Doono Yeeri aroo konine? Doono Yeerin ariyaache; Israꞌeeleenaꞌonoo gawukkaache” iye.

Keyo 5:7

“Xuubo shuuneyemmi maayi tulloon ebiyee bekk asheenaꞌoyich immaahote. Boonoshi hamiree, maayi tulloo beeti xaaꞌoochee boonoshi qelloona qaawi deebeete.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Haddoo 33:4

Arooba Gibitseenaꞌo Doono Yeeri boonoshi daggoochee wuxiti boonoshi gutenee bushiisheenaꞌochi dubenoon duukkii beeheete. Wotta Doono Yeeriyoo boonoshi nuggisheenaꞌo toommooch nallitone.

Luqaasi 1:51

Bi kishoona giidechi shuunoon shuunetone; geecechinaꞌon boonoshi mullee gaboona shaccitone;

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

1 Saameeli 2:3

Doono Yeeri bullin ariibeeti Nuggishoone; asho shuuneebeeti shuunoon machoona qoccii beetone. Ebich coodona yibbaatoon qayote. Geecee yibbaatoo ittoshi noonoochee kechaaye.