Keyo 17:7 - Kafa Linguistics Project

⁷ Ebi xaaꞌoonoo Masaahinaa Meriibina iꞌi shigiihe; ebiyoo Israꞌeeleenaꞌo kaaroon tiijjiꞌi, “Doono Yeeri noonna tookkii beete, aalle?” iꞌi Doono Yeerin phireya boonoshi tiyitoyichiye.

Keyo 17:7 ပူးပေါင်းရင်းမြစ်များ

Shoddo 106:32

Meriibi aachi gashoochaa Doono Yeeri kaaremmoyich tuniiheete; Muusiyoo boonoshi naboona xuuxehe.

Shoddo 78:18

Boonoshi xiqqeti maayoon echoona boonoshi mulloona Yeerin phireheete.

Shoddo 81:7

Ne duꞌehooba taan ceeggehine; tawoo neen wodiihoye; gigeebeeti qere xaaꞌoochaa ne qolloon waayehoye; Meriibi aacoochaa neen phiree beeggehoye.

Shoddo 81:8

“Ta ashoocho, ta meeqqeqqoon waayebe; Israꞌeelo, taachon ne waayegaata amo beete!

Shoddo 95:8

ittoshi qaabbechinaꞌo Meriibaa, Masaahi barahoochaa tuniitoommon, ittoshi mulloon muumiyaahote.

Keyo 17:2

Ebich “No uchemmi aacon nooch imbe” iꞌi Muusina kaareheete. Muusiyoo “Taanna amoyichiye ittoshi kaareebeeto? Doono Yeerinoo amoyichiye ittoshi phireebeeto?” iye.

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Haddoo 14:22

Gibitsee showoonaa barahoonoochaa ta oogee yiiroon, ta tuniiti gaakkechi mooyonoo beeggiti ebi asheenaꞌo bulli aashire wottoon taan phireya boonoshi qiiccetoyich, ta qaaroonoo waayo boonoshi qajjitoyich,

Haddoo 20:13

Israꞌeeleenaꞌo Doono Yeerina kaareti, biyoo yaafoo bi tunoon boonoshich bi bekkiiti Meriibi aaco ebine.

Haddoo 20:24

“Harooni bi qaabbechinaꞌo waan xaꞌeyemmone. Meriibi aacoochaa ta getee toommooch hukkoon ittoshi tiijjitoyich, Israꞌeeleenaꞌoyich ta immeti showooch giyaachemmone.

Haddoo 27:14

Ebiyoo Tsiini barahooch beeti aachi gashoochaa iiteenaꞌo ta toommooch tiyiyooba asheenaꞌo aafoochaa ta getoon quyoona yaafoo tuniiꞌi taan oogiyoo ittoshi qajjitoyichiye” iye. Ebi aaco Tsiini barahooch, Qadeesh beeti Meriibi aacone.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.

Yibbaatoo 33:8

Lewi yoodoochon ishichiye: “Ne Tumiimoon Lewich, ne Uriimoon bi qelloon neech beshiiꞌi immitoyich imbe. Masaahaa boonoshin phirehine; Meriibi aacoochaa boonoshina tookkaa hayehine.

Yibbaatoo 6:16

“Masaahaa Doono Yeeri ittoshin gaachoon hakkemmo bi tunoon xiishi bi bekkiyemmoyich ittoshi qaawoommon, ebiyoommon tuniyaahote.

Yibbaatoo 9:22

“Ebiyoommon wotta Tabeeri, Masaahinaa Qibiroot Hataawinoochaa Doono Yeeri shine kaaremmoyich tuniihote.

Yaasi 22:31

Qeeshoo Elazaari bushoo Finihaasiyoo Roobeeli, Gaadinaa Minaasinochi yoodeenaꞌoyich “Ebi mooyona Doono Yeeri toommooch hukkoon shuuneyaano ittoshi tunetoyich, Doono Yeeri noonna tookkii bi tunoon hanaach ariito noone; Israꞌeeleenaꞌon Doono Yeeri kaaroochee wodiito ittoshine” iyeete.