Keyo 17:6 - Kafa Linguistics Project

⁶ Tawoo Kooreebi guudooch beeti xaqqee toommoochaa ne aafooch neexemmo taane; xaqqoonoo yexe. Asheenaꞌo uchemmoyich aroochee aaco xuupphemmone” iye. Ebich Muusi Israꞌeelee ukkireenaꞌo aafoochaa ebin tuniihe.

Keyo 17:6 ပူးပေါင်းရင်းမြစ်များ

Nehimi 9:15

Boonoshi shaacoyich shimaayoochee koshon immehine; boonoshi shachewoyich xaqqoochee aacon kichihine; boonoshich imma wogoon ne giyeti showoon giyiree boonoshi woraashemmoyich gettehine.

Shoddo 105:41

Xaqqoon bi gaahaa aaco xuupphiye; woce aacochoommon barahooch wocciye.

Shoddo 114:8

Aroo xaqqoon kote aach, shiishe xaqqoonoo tunee aach, wochitone.

Shoddo 46:4

Bi daggooch, Yeerichi katemoon, Beshoo Yeeri beeti yaafe xaaꞌoon emirikkiibeeti, woce aaco beetone.

Shoddo 74:15

Gishiishi aaconaa tunoona xuupphemmoyich tuniihine; ogooge aaco shuuqqemmoyich tuniihine.

Shoddo 78:18

Boonoshi xiqqeti maayoon echoona boonoshi mulloona Yeerin phireheete.

Shoddo 78:20

Xaqqoon bi yexaa aaco keyo, aaco oogichiꞌi ufo iberoone. Tunebaani koshon, bi asho nooch meenon, imon hakkehe?” iyeete.

Shoddo 81:7

Ne duꞌehooba taan ceeggehine; tawoo neen wodiihoye; gigeebeeti qere xaaꞌoochaa ne qolloon waayehoye; Meriibi aacoochaa neen phiree beeggehoye.

Keyo 14:16

Aaco gutte beera qoodeyemmoyich, ne gumboon kaama tiijjiree baharee toommooch yaggibe. Israꞌeeleenaꞌoo baharee daggeexi shuuꞌi showoona kimmemminaꞌone.

Keyo 16:10

Harooniyoo ishin Israꞌeelee iitoo bullich gettii bi beetaa, barahoo waan boonoshi ciinnimmona, Doono Yeerichi oogee yiiroo qubee daggooch bekkehe.

Isiyaasi 48:21

Barahoona boonoshin bi yaabiyooba shacheweyaaneenaꞌone; xaqqoochee aaco boonoshich bi xuupphemmoyich tuniihe; xaqqoon bi gaahaa aaco bubiye.

Haddoo 20:8

“Gumboon yeshe. Neennaa ne manoo Haroonina iiteenaꞌon ikkooch kicibote. Xaqqo aacon bi kichemmoyich boonoshi ciini beetaa getote. Xaqqoochee aacon boonoshich kichemmo neene; boonoshinaa boonoshi gijjeenaꞌona aacon uchemminaꞌone” iye.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

1 Qorontoosi 10:4

boonoshi bulliyoo ikke ayaanee uyoon uchiyeete; ebinoo boonoshin dabbiibeeti ayaanee Xaqqee Inderoochee uchitinaꞌone; are ayaanee Xaqqee Inderoo Kiristoosine.

Yibbaatoo 1:2

Kooreebi guudoochee tiyiꞌi Qadeesh Barina shagoyich, Seyiri guudona daammiibeeti gommona hamigaata aaraa ikke qemi gommone.

Yibbaatoo 8:15

Biyoo qoppiibeeti dingeroonaa barahee machoona beeti, shaꞌetaa ciireyaani shattiibeeti barahoona, neen yaabiye. Ebi aachaalli shuuꞌi showoochaa shiishe xaqqoochee aaco neech bi xuupphemmoyich tuniihe.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.