Keyo 17:14 - Kafa Linguistics Project

¹⁴ Ebiyee gubb, Doono Yeeri Muusin “Ebi mooyo bulli aaboon shalligee bi beeyemmoyich, macaafooch kooribe. Showee toommooch beeti asho koniyoona Amaleeqeenaꞌochi shigoon bi shalligaachemmoyich, boonoshin ciroona hidi aalliyemmo ta tunoon Yaasich waayiiree shemmebe” iye.

Keyo 17:14 ပူးပေါင်းရင်းမြစ်များ

2 Saameeli 1:1

Saaꞌooli qititoyee gubb, Daawiti Amaleeqeenaꞌon kochii wochiichii wotteꞌi, Tsiqilaag gutta qeyiye.

2 Saameeli 8:12

Ebi biich hajjeeti asheenaꞌo, Edoomeenaꞌo, Moꞌabeenaꞌo, Amooneenaꞌo, Filsixeemeenaꞌonaa Amaleeqeenaꞌonane. Ebiyoommon wotta Tsobaahee taatoo Hadadezeer waanee bi deqqiti kecoon Doono Yeerich kichiye.

1 Kiinoo 4:42

Simooni yoodee asheenaꞌoochee uuche balleenaꞌo Seyiri guudooch hammiyeete. Boonoshi iraasheenaꞌo Yishi bushiisheenaꞌo: Felaaxiyi, Neꞌariyi, Refayinaa Uzeelinane.

1 Kiinoo 4:43

Arooch hammiꞌi, muriccii woditi Amaleeqeenaꞌon wuxiichii and beddaahaa arooch koteheete.

Iziri 9:14

Illa ne getoon wochinnoon shaadde gubb wotteree, ebi eeꞌe shuunoon shuuneebeeti aageteenaꞌona tookki shaageebona? Newochi nooch curo echeyaachemmoyich, woyee ikkoona muricaachemmon tuniiree, ciroona noon ne aalliimmi wottoon, noon kaaro qajjenne?

Iyoobi 18:17

Bi shigo showee toommoochee aallemmone; biin shalligemmo koniyoona daneyaachemmone.

Iyoobi 19:23

“Ebi ta gajjiteyoo abo kooreeshoo geta! Macaafooch koorenoo koteba!

Shoddo 9:6

No etteenaꞌo bulli yemeenee aalloona aalleheete; boonoshi katemeenaꞌon happihine; illa boonoshin shalligemmo aalloone.

Keyo 12:14

“Ebi aaboon shalligee aaboon tuniibote. Gubbi ittoshi shiijjeroo bulliich beddaahaa, kuxaanoon Doono Yeeri taach doyoon tuniiree bulli yemeenoon baaribote.

Keyo 13:9

Doono Yeeri giidechi bi mochoona Gibitsee neen bi kichitoyich, Doono Yeerichi sheeroo ne noonooch bi tunemmoyich, ne kishooch beeti malletoommon, ne barooch beeti shalligichoommonoo tunebe.

Keyo 17:13

Ebiyoommi gommona Yaasi Amaleeqee ginechinaꞌon goraadoona kochii wochiye.

Keyo 24:4

Aroochee Muusi Doono Yeeri gettito bullin kooriye. Biyoo dechara maaddoona tiyiye; guudi baatooch deejjee gudoon shuunehe; aaraa gutte Israꞌeelee yoodeenaꞌo haddoona aaraa gutte xaqqee giimbeenaꞌon xogii neechiye.

Keyo 32:33

Doono Yeeriyoo Muusich ishichiꞌi wochiye: “Taan xuqqitinaꞌoniye ta macaafoochee ta hidemmo.

Keyo 34:27

Aroochee Doono Yeeri Muusich, “Ebi qaareenaꞌon kooribe. Ebi qaareenaꞌona neennaa Israꞌeeleenaꞌona tookkii wogoon giyaabeeto taane” iye.

Shaahiyoo 10:7

Cadiqeenaꞌochi shalligichoo diiroyich tunemmone; tunebaani gondeenaꞌochi shigo aalle batteyemmone.

Erimiyaasi 30:2

“Israꞌeelee Nuggishoo Doono Yeeri ishichiye: Neech ta getteti qaaroon macaafooch kooribe.

Erimiyaasi 36:2

“Kooree natoon deebiree neech ta getteti aaboochee, ebiyoo Yosiyaasi taatee yemeenoochee tiijjii hanaach beddaahaa Yihudee asheenaꞌochon, Israꞌeelee asheenaꞌochonaa aagetee asheenaꞌo bullichonon ta getteti qaaro bullin kooribe.

Haddoo 24:20

Balaami yaaꞌoona Amaleeqeenaꞌon beeggiꞌi, ishichii yibbaatooch giyiye: “Amaleeqi aageteenaꞌo daggoochee ikkinnoone; tunebaani ciiroochaa aallemmone” iye.

Haddoo 33:2

Muusiyoo qaxiree toommooch boonoshi beehooba boonoshi koteti xaaꞌeenaꞌon Doono Yeerichi getoona kooriye. Kaamboon geddii boonoshi koteti xaaꞌoochee tiyii qaxiriibee boonoshi hammiti gommo ebine:

Yibbaatoo 31:9

Muusiyoo hini sheeroon kooriꞌi, Doono Yeerichi wogee taabootoon shaaggiibeeti, Lewi yoodoochee tuneti, qeesheenaꞌonaa Israꞌeelee geeneenaꞌo bullinoyich immiye.

Yaasi 4:7

boonoshich Yoordaanoosi aaco Doono Yeerichi wogee taabootee aafooch bi neexoon, ebiyoo taabootoon shaaggitinaꞌo Yoordaanoosin kimiyooba, wocaanoon bi neexoon, boonoshich gettemmo ittoshine. Ebina ebi xaqqeenaꞌo Israꞌeeleenaꞌoyich bulli yemeenee shalligicheenaꞌo tunemminaꞌone” iye.

1 Saameeli 15:18

Doono Yeeriyoo ‘Hamiree ebi axaaxechinaꞌo tuneti Amaleeqeenaꞌon ciroona wuxi hidi aalliibe; boonoshi aallemmi wottoon koye’ iꞌi neen wochehe.

1 Saameeli 30:1

Daawitinaa bi asheenaꞌona keejjinnee qemooba Tsiqilaag boonoshi shaggaahaa, Amaleeqeenaꞌo Negeeb beeti Yihudee showoonaa Tsiqilaaginon kochitinaꞌone; Tsiqilaaginoo qaaqqoona michitinaꞌone.

1 Saameeli 30:17

Daawitiyoo showee haroochee tiijjiꞌi xumemmi wottoon boonoshin kochiye. Gaaleen yebbeꞌi muricciti awudde balle gurimaasheenaꞌoyee besh, boonoshi daggoochee muriccito aalloone.