Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Keyo 16:3 - Kafa Linguistics Project

3 ishichiyeete: “Doono Yeeri Gibitsaa noon abo wuxishoo geta! Aroochaa meeno tuneba amee maayoonolla, no qettee wottoon maabeeto noone. Tunebaani hini barahooch noon ittoshi deebito, ebi shaahe iitoo shaacoona ciirebe iꞌiniye” iyeete.

အခန်းကိုကြည့်ပါ။ ကော်ပီ




Keyo 16:3
32 ပူးပေါင်းရင်းမြစ်များ  

Taatoo oogeton ayiniye. Uxeree kellee toommooch beeti kexooch kechiꞌi, aroochaa eeppiye. Biyoo hammiibee, “Ta bushoo Abisoloomo, ta bushoocho, ta bushoo Abisoloomo, ne qoodoon ta qitito gaata amo beete! Abisoloomo, ta bushoocho, ta bushoocho!” iibee eeppiye.


Ebiyee gubb, Iyoobi bi qaaroon waayiiꞌi bi shiijjeti aaboon uppiye;


Ebiyoo, ebi shaahe duꞌoon ta beegaachemmoyich, ta indee maacoon hico bi qajjitoyichiye.


“Xuuxeebeeti ashich bekko aakkiya ichehe? Bi kasho caammeti asho kashoona bi beeyemmoyich, amoyich tunehe?


Shaacee shacheweheete; kashoo guuteeheete.


Ishichiꞌi Yeeri toommooch yibbaateheete: “Yeeri barahoochaa maayoon nooch giddiyoon hakkehe?


Asho maraakeenaꞌochi koshon maahe; beshii echeti maayoon boonoshich deejjiye.


Muusichoo ishichiyeete: “Barahoochaa no qitemmoyich noon ne deebeto, Gibitsee showooch maasho aalletenane? Aroochee noon ne kichaa, amo no toommooch shaggito gaata ebin beege.


Tunebaani asheenaꞌo ebi aroochaa oogeton boonoshi shachewetoyich, Muusi toommooch guruuxiibee, “Noonnaa no bushiisheenaꞌona, no gijjeenaꞌoo shachewoona ciiremmoyich, amoyich Gibitsee noon kichinne?” iyeete.


Meeti natoyee gubb, Gibitsee taatoo qitiye. Israꞌeeleenaꞌo guuchitinoochee tiyitona boonoshi toommooch shaggiibeeti xuuxoona gaashillii beeheete. Guuchittinoochee boonoshin bi gaachemmoyich boonoshi cookiti cookoo Yeerich waayeehe.


ishichiyeete: “Doono Yeeri ittoshich gaace! Ittoshi toommoochoo nallibe! Farooninaa bi iraasheenaꞌona noon ciigemmoyich tuniiꞌi, noon boonoshi wuxemmoyich goraadoon boonoshich immito ittoshine” iyeete.


‘Gibitsee showoochee noon deebiti, shuuꞌi showoona, barahoonaa oppechi showoona, wotta amichaalli showoonaa dunne manderoona, koniyoona aroona besheyaani showoona, arooch asho koteyaani showoonoo, noon yaabiti Doono Yeeri aaye?’ getaaneenaꞌone.


‘Tuneyaache; koyoon no beegaachemmi, shametee qaaroon no waayeyaachemmi, no shaaceyaachemmi Gibits hammemmo noone; aroochoo kotemmo noone’ ittoshi getigaata,


Tunebaani noonnaa no qaabbechinaꞌona, no taateenaꞌonaa no ukkireenaꞌona, Yihudee katemeenaꞌonaa Yerusaaleminoochaa tuniyaabee no echetoommon, shimaajji taateyich, ixaanoon shoohonaa uyee buuroon ukkoonoyich, no noonoochee kechiti qaaro bullin tuniyemmo noone; ebin no tunii beehooba koshon michaa beemmo noone; noochoo gaawee beehe; gonde mooyon beegaano noone.


Shaacoona qititinaꞌoyee, goraadoona qititinaꞌoyich gaawiye; budoochee daneebeeti maayoon mucceꞌi, xambii aalletinaꞌone.


Taan ebin ne tuniyoyee, ne aafoochaa gidoon ta danegaata, ta toommooch tunemmi iritoon ta beegoyee, taan wuxibe” iye.


Tunebaani ittoshi daggooch beeti Doono Yeerin ittoshi hoxetoyich, bi aafoochaanoo “Amoyich Gibitsee kechetone?” ii ittoshi eeppitoyich, ittoshin bi beelletiimmi wottoon, ittoshi muddoona bi waammi wottoonoo ikke agenee kipphimoon maayemmo ittoshine’ gete” iye.


Israꞌeeleenaꞌo bulli Muusinaa Harooninochi toommooch guruuxiyeete. Iiteenaꞌo bulli boonoshich ishichiyeete: “Gibitsaanoo qitibona! Woyee hini barahoochaanoo qitibona!


Goraadoona no dihemmoyich, Doono Yeeri ebi showooch noon daammii bi beeto amoyichiye? No mecheenaꞌonaa no bushiisheenaꞌona kecceyemminaꞌone. Gibits wotto nooch gaaweyaache?” iyeete.


Barahoochaa noon wuxoyich, ejjoonaa eeyona xuupphiibeeti showoochee noon ne kichito, neech giishetaa no toommooch doono tunoyich qaawaa beetine?


Bi dechara Israꞌeeleenaꞌochi iiteenaꞌo bulli Muusinaa Harooninochi toommooch guruuxii tiyiꞌi, “Doono Yeerichi asheenaꞌon wuxito ittoshine” iyeete.


Asheenaꞌoo Yeerinaa Muusinochi toommooch tiyiꞌi ishichiyeete: “Maayo, aaco aalli hini barahoochaa no qitemmoyich Gibitsee amoyich noon kichiyote? Hini gaacaalli maayo noon beelletiitone” iyeete.


Phawuloosi wochiꞌi, “Genjebe, qamine, ne ikkeeto tuneyaanoon, hanaach ta noonoochee waayee beetinaꞌo bulli, hini ta cucheyoyee damba, mooyo bullina taanoommon boonoshi tunemmoyich, Yeerin qollaabeeto taane” iye.


And michito ittoshine! And gaanneto ittoshine! No taateyaan beetaa, taateto ittoshine! Ittoshi taateto gaata, shunnesho taane; ittoshina tookkiree taatesho noone.


Giisheche ta tuushoon ittoshi haaꞌiigaata gaawiye; eke taan haaꞌiibote.


Ne mullee keqqoochee tiyitonaa ne aafo ciinniibeeti mooyoochee tiyitona harimmona, ‘Abo xumeshoo geta’ gettemmo neene; xumemmona wotta, ‘Abo harishoo geta’ gettemmo neene.


Asho Doono Yeerichi noonoochee kechiibeeti mooyo bullinalli kosho ikkeetona baach kashoona beetaachemmo bi tunoon neech arichiyoyich, neen shaaciyoona biich deꞌa ne gettemmoyich tuniihe; newoo tuneb ne qaabbechinaꞌo maa ariyaani mannoon neech maanjiye.


Yaasiyoo ishichiye: “Woowo! Nuggishoo Doono Yeero, hini asheenaꞌon Yoordaanoosin kimiree hiniich boonoshi woyemmoyich ne tuniito, Amooree asheenaꞌoyich beshii imiree, noon boonoshi ciichemmoyich tuniyaniye? Abo kimaanoon aachee okk echebona!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ