Keyo 16:12 - Kafa Linguistics Project

¹² “Israꞌeeleenaꞌo guruuxiti guruuxoon waayeto taane. Ebin boonoshich gete: ‘Mayi xum, aabe gimooch, meenon maayemmo ittoshine; bi dechara maaddoona koshon maa michemmo ittoshine; ebina ittoshi Nuggishoo Doono Yeeri ta tunoon ariyemmo ittoshine’ gete” iye.

Keyo 16:12 ပူးပေါင်းရင်းမြစ်များ

1 Taateenaꞌo 20:28

Yeer asho waaꞌi, Israꞌeelee taatoyich, “Doono Yeeri ishichiye: ‘Sooriyeenaꞌo, “Doono Yeeri guudi nuggishoani, bambee nuggishoo toonoone” boonoshi itoyich, ebi meeti ginee naayo bullin ne kishooch beshiiree immemmo taane. Ta, Doono Yeeri ta tunoon ariyemmo ittoshine’ itone” iye.

Shoddo 105:40

Boonoshi echetaa shewekkeenaꞌon deejjiye; koshon shimaayoochee deejjiꞌi boonoshin michiihe.

Keyo 12:6

Ebi agenee aaraa awuddinnee qemoobee xum beddaahaa quyebote. Aroochee Israꞌeelee asho bulli ebi aroon guuribe.

Keyo 16:11

Doono Yeeriyoo Muusich ishichiye:

Keyo 4:5

Doono Yeeriyoo Muusich “Ebin ne tuniyemmo, boonoshi qaabbechi niheenaꞌo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri ta, neech bekketo ta tunoon boonoshi iberiyemmoyichiye” iye.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Keyo 7:17

And Doono Yeeri ta tunoon ariyemmo neene’ itone. Ebi ta gumboona Abbaayi aacon yexxemmo taane; aaco damoon tunemmone.

Erimiyaasi 31:24

Yihudee showoonaa bi katemoo bullina beeyi xaaꞌoo tunemminaꞌone; goyee gochechinaꞌonaa gijjee shiijjechinaꞌona arooch kotemminaꞌone.

Hiziqeeli 34:30

Boonoshi Nuggishoo Doono Yeeri ta, boonoshina tookkii ta beemon, Israꞌeelee macceenaꞌo ta asheenaꞌo boonoshi tunoon ariyemminaꞌone.

Hiziqeeli 35:13

Ittoshi noonoona ta toommooch ittoshi coodon, ta toommooch woddii ittoshi yibbaatoon waayeto taane.

Hiziqeeli 39:22

Ebiyee bekk Israꞌeelee macceenaꞌo Doono Yeeri ta, boonoshi Nuggishoo ta tunoon ariyemminaꞌone.

Yoꞌeeli 3:17

“Arooba, yaafeeti Tsiyooni ta geppooch beeti, ittoshi Nuggishoo Doono Yeeri ta tunoon ariyemmo ittoshine. Ebiyooba Yerusaalemi yaafeeti tunemmine; dallaaweenaꞌo biin koyi wochaachemminaꞌone.

Leweenaꞌo 11:44

Ittoshi Nuggishoo Doono Yeeri ta yaafoo ta tunetoyich, ittoshi qelloon yaafibote. Yaafoonoo tunebote. Showoona yuummiibeeti mooyo amoonolla mamona ittoshi qelloon eeꞌiyaahote.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Haddoo 11:4

Israꞌeeleenaꞌo daggooch beeti dallaawe asheenaꞌo meenon xiqqeheete. Israꞌeeleenaꞌoo wotta eeppiibee ishichiyeete: “Noochoo meenon daneree mamona!

Haddoo 14:27

“Hini gonde iitoo ta toommooch bi guruuxi beeyemmo, aati wottooniye? Israꞌeeleenaꞌo ta toommooch boonoshi guruuxiibeeti guruuxoon waayeto taane.