Keyo 16:10 - Kafa Linguistics Project

¹⁰ Harooniyoo ishin Israꞌeelee iitoo bullich gettii bi beetaa, barahoo waan boonoshi ciinnimmona, Doono Yeerichi oogee yiiroo qubee daggooch bekkehe.

Keyo 16:10 ပူးပေါင်းရင်းမြစ်များ

Keyo 16:11

Doono Yeeriyoo Muusich ishichiye:

Keyo 16:7

Biyoo bi toommooch ittoshi guruuxiti guruuxoon waayetone; ebich yaach maaddoona bi oogee yiiroon beeggemmo ittoshine. Halla no toommooch ittoshi guruuxito, koni no tunetenane?” iyeete.

Keyo 24:16

Doono Yeerichi oogee yiiroo Siini guudi toommooch kindiye; quboo shiritte qemi wottoon guuppiye. Shabaattinnee qemooba, Doono Yeeri qubee daggooch tuneechii, Muusin ceeggiye.

Leweenaꞌo 9:23

Aroyee gubb, Muusinaa Haroonina danee duukkaanooch giyiyeete. Ebi aroochee kechiꞌi asheenaꞌon diiriyeete. Doono Yeerichi oogee yiiroo asheenaꞌo bullich bekkehe.

Leweenaꞌo 9:6

Muusiyoo “Doono Yeeri ittoshi tuniyemmoyich bi gettiti mooyo ebine; ebiyoo bi oogee yiiroo ittoshich bi bekkemmoyichiye” iye.

Haddoo 14:10

Tunebaani iiteenaꞌo bulli boonoshin xaqqoona yexi wuxiya boonoshi toommooch tiyiyeete. Areegaata, Doono Yeerichi oogee yiiroo danee duukkaanoochaa Israꞌeeleenaꞌo bullich bekkehe.

Haddoo 16:19

Aroochee Qoraahi iiteenaꞌo bullin boonoshi toommooch tiijjoyich, danee duukkaanee kellooch kiciye. Doono Yeerichi oogee yiiroo iiteenaꞌo bullich bekkehe.

Haddoo 16:42

Iiteenaꞌo Muusinaa Harooninochi toommooch tiyiꞌi ikkooch boonoshi kiceehooba, danee duukkaanoo waan guuddiꞌi qubo danee duukkaanoon qeriton beeggiyeete. Doono Yeerichi oogee yiiroo bekkehe.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.