Keyo 15:6 - Kafa Linguistics Project

⁶ “Doono Yeero, ne qanne mochoo giidechi oogee yiirechone. Doono Yeero, ne qanne kishoo ettoon yiikketone.

Keyo 15:6 ပူးပေါင်းရင်းမြစ်များ

Shoddo 17:7

Etto waanee ne shoobooch giyitinaꞌon, ne qanne mochoona wodiyechocho, ne shoodoon worganikkiti gommona bekkiibe.

Shoddo 2:9

Xuuree gumboona boonoshin buriccemmo neene; nuuqqee qiicoochoommon yiikkemmo neene” itone.

Shoddo 24:8

Ebi oogechi Taatoo konine? Aroo giidechi, hakkechi Doono Yeerine; aroo koyoochaa hakkechi Doono Yeerine.

Shoddo 44:3

Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.

Shoddo 44:4

Yaaqobi wudoon danemmoyich tuniyaabeeti ne, ta Nuggishoo, ta Taatoo neene.

Shoddo 60:5

Ne shunnaabeeti asheenaꞌo wodemmoyich, ne qanne mochoona nooch wudoon daniibe; no corootoon waayebe.

Shoddo 74:11

Ne kishoon gubb ne wochaabeeto amoyichiye? Ne qanne mochoon tiijjoo ne qajjaabeeto amoyichiye?

Shoddo 77:10

“Beshoo Yeerichi qanne kishoo noon gaachoon bi qayo taach biiyoon tunehe” iyo.

Shoddo 89:14

Ne taatittino bi neexeto cadiqoonaa dayinnetoona toommoochiye; ne shuunoo bullin shoodoonaa gibeneyoona tuniihine.

Shoddo 98:1

Worganikkiti mooyinaꞌon bi tuniitoyich, bi qanne kishoonaa yaafe bi mochoona wudoon biich bi daniitoyich, Doono Yeerich andire shoddoon shoddebote.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 15:12

Ne qanne kishoon yaggihine; showoo boonoshin qooxxiye.

Keyo 15:16

Doono Yeero, ne asheenaꞌo, guuchittinoochee ne biisheti ne asheenaꞌo, boonoshi daggoona boonoshi beshemmi wottoon, keqqoonaa qewoona boonoshi toommooch kindii beetone; ne mochee giidoo shuuraani xaqqoommon boonoshin tuniitone.

Keyo 18:8

Muusiyoo Doono Yeeri Israꞌeeleenaꞌoyicha iꞌi Farooninaa Gibitseenaꞌonochi toommooch bi tuniito bullin, bi abboyich gettiye; wotta daakkiꞌi, gommoochaa boonoshi toommooch iritoo shagaa, Doono Yeeri am shaahe gommona boonoshin bi wodiito gaata bi abboyich gettiye.

Keyo 3:20

Ebich shattiiti gaakkechi shuunoo bullin boonoshi daggooch tuniyoona, ta mochoon tiijji Gibitseenaꞌon yexxemmo taane. Aroyee gubb keyi ittoshi hammemmoyich ittoshin gawukkemmone.

Keyo 6:1

Aroochee Doono Yeeri Muusich ishichiye: “And Farooni toommooch ta tuniyemmon beeggemmo neene. Giidechi ta mochoochee tiyitona, ta asheenaꞌon gawukkemmone. Iberoon giidechi ta mochoochee tiyitona, ‘Ta showoochee keyi hambote’ geti yoohi kichemmone” iye.

Isiyaasi 30:14

Bi tiishetoyee gubb, qaaqqee boodoyich woyee aachi ooboyich tunemmi gamini gocholla aroochee daneyaani, kewuceti nuuqqee qiicoommon tunemmo ittoshine” iye.

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 63:12

Ooge bi mochoon Muusichi qanne kishee toommooch tuniito, bi shigo bulli yemeenoon bi arichemmoyich baharoon boonoshi aafooch qoodito,

Erimiyaasi 13:14

Ikkoonaa ikkoonon, niheenaꞌonaa bushiisheenaꞌonon qiciyemmo taane; boonoshin aalliishalli ta gettemmo ariqqeyaachemmo taane; aayinaachemmo taane; maaraachemmo taane’ itone Doono Yeeri, gete” iye.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

1 Saameeli 2:10

Doono Yeerin shixxii beetinaꞌo buricemminaꞌone; biyoo shimaayoochaa boonoshi toommooch gigemmone; Doono Yeeri showee toommo bulliich nallemmone. Bi taatiiti taatoyich giidoon immemmone; bi huuttiti taatoon giidechon tuniyemmone” iyan.