Keyo 15:26 - Kafa Linguistics Project

²⁶ Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Keyo 15:26 ပူးပေါင်းရင်းမြစ်များ

1 Taateenaꞌo 11:33

Ebin ta tuniyemmoo, taan qajjiichii, Sidooneenaꞌochi nuggishee Ashitarootin, Moꞌabeenaꞌochi nuggishoo Kemooshinaa Amooneenaꞌochi nuggishoo Milikoominoyich goyinnee bi maddetoyichiye; wotta ta aafooch kaame mooyon tuniyoona, ta qociyoonaa ta getoonon quyoon, bi nihoo Daawiti ta gommona bi hamoommon, hamonoo bi qajjitoyichiye.

1 Taateenaꞌo 11:38

Ta guuno Daawitichoommon ta geto bullin ne waayegaata, ta gommona ne hamigaata, ta qociyoonaa ta getoonon quyoona ta aafooch kaame mooyon ne tuniigaata, neenna tookki tunemmo taane. Daawitichi taatittinoon ta manjiyoommon, ne taatittinoon manjiyemmo taane; Israꞌeeleenaꞌon neech immemmo taane.

2 Taateenaꞌo 2:21

Biyoo aachi xuuphooch hammiꞌi, arooch kiihon duppiichii, “Doono Yeeri ishichiye: ‘Hini aacon xalliito taane. Ebiyee damba qitee naboo tuneyaachemmone; showoo maayoon shakkiyaachemmoyich bayaachemmone’ itone” iye.

2 Taateenaꞌo 20:5

“Wotte hamiree, ta asheenaꞌon yaabii qeejjiibeeti taatoo Hiziqiyaasich ishichibe: ‘Ne qaabbechi Daawitichi Nuggishoo Doono Yeeri ishichiye: “Ne corootoon waayeto taane; ne acimoon beeggeto taane; neen woddiyemmo taane; keejjinnee qemooba, damba Doono Yeeri ta yaafee kexooch hammemmo neene.

2 Taateenaꞌo 22:2

Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.

Iyoobi 5:18

Yeeri xoobbii mayii beetone; kaappiꞌi wodii beetone; yexxii tiichii beetone; guucciꞌi wodii beetone.

Shoddo 103:3

Ne axaaxoo bullin maariibeeto ne biiyo bullin wodiibeeto,

Shoddo 147:3

Boonoshi mullo tiishetinaꞌon goggiihe; boonoshi mayon kaappii wodiihe.

Shoddo 81:9

Dallaawe nuggishoo ne daggooch beeyaaye; bare nuggishoyich goyinneyaahine.

Keyo 12:29

Aroobee xumi gutte qellimooch, Doono Yeeri taatee qeenooch koteti Faroonichi gutenee bushoochee tiijjiꞌi, oppee cuyee kexooch cuchetochi gutenee bushooch beddaahaa, Gibits beeti gutenee bushiishoo bullinaa shiichii shiijjeti qaabbe gijjoo bullinon wuxiye.

Keyo 19:5

Showee toommooch beeti aagetoo bulli taachone; tunebaani aagetoo bulliyee taach shucheti, ta hajjee asho tunemmo ittoshine. Ebiyoo manjiyaꞌa taach deꞌa ittoshi getigaata, ta wogoonoo ittoshi quyegaatane.

Keyo 19:6

Taatoo Yeeri taach maddeebeeti qeesheenaꞌon, yaafeeti aagetoon tunemmo ittoshine’ gete. Israꞌeeleenaꞌoyich ne gettemmi qaaro ebine” iye.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Keyo 23:25

Ne Nuggishoo Doono Yeeri taach goyinne maddebe. Ta diiroo ne maayemmi maayoonaa ne uchemmi aaconooch tunemmone; biiyoon ne waanee wokkiyemmo taane;

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Isiyaasi 57:18

Bi gommon beeggeto taane; tunebaani biin wodiyemmo taane; biin yaabemmo taane; biinnaa biich eeppii beetinaꞌonon goggiyemmo taane.

Erimiyaasi 11:7

ittoshi qaabbechinaꞌon Gibitsee ta kichitoochee tiijjii hanaach beddaahaa “Taach deꞌa getote” iyaꞌa wochii wochii kupphii gettehoye;

Erimiyaasi 17:24

Taachon ittoshi waayegaata, iye Doono Yeeri, shambetooba hini katemee kelloona shaagoon deebo ittoshi qayigaata, shambetee aaboon yaafeeto tuniiꞌi ittoshi quyegaata, shambetooba shuunoo bullin shuuno ittoshi qayigaata,

Erimiyaasi 30:17

Iiwittinoon neech wochemmo taane; ne mayonoo wodiyemmo taane, iye Doono Yeeri. Ebiyoo ‘Koninolla qaaweyaani, koniyoona aaxxiyaani Tsiyoone’ boonoshi itoyichiye.

Erimiyaasi 33:6

“Tunebaani hini katemeech iiwittinoonaa wodoonon wochinnoon deebemmo taane; boonoshin wodiyemmo taane; beshaa beshe diggoonaa keqqaalli beemonon boonoshich bekkiyemmo taane.

Erimiyaasi 7:23

Tunebaani ‘Ta qaaroon waayebote; ta, ittoshi Nuggishoon tunemmo taane; ittoshiyoo ta maccoon tunemmo ittoshine; ittoshich bi kaamemmoyich, ta gommona hambote’ iyaꞌa boonoshich getteto taane.

Erimiyaasi 8:22

Gilaadee showooch huuteyemmi atto aalloone? Woyee aakumo arooch aalloone? Ta asheenaꞌo amoyich wodaacheete?

Hiziqeeli 18:5

“Asho cadiqo, tate nallechonaa kaamoona bi tunegaata,

Hosee'i 11:3

Efreemin haattaa, bi shaꞌemmoyich tuniito taane; ta sheenooch tiqqeto taane; tunebaani boonoshin wodiito ta tunoon ariyaaneenaꞌone.

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Leweenaꞌo 26:13

Gibitseenaꞌoyich guuno ittoshi tuneyaachemmoyich, Gibitsee ittoshin kichaa deebeti ittoshi Nuggishoo Doono Yeeri taane. Guuchittinee waanjoon tiichaꞌa, kaama qaalliree ittoshi hammemmoyich tuniito taane.

Leweenaꞌo 26:3

“ ‘Ta qociiti qociyoona ittoshi beegaata, ta geteenaꞌonoo manjii ittoshi quyegaata,

Haddoo 12:13

Ebich Muusi “Ta Nuggishoocho, biin ne wodiyemmoyich neen qollehoye” iꞌi Doono Yeer waan cookiye.

Yibbaatoo 12:25

Doono Yeeri aafoochaa tato tuneti mooyon ne tuniyoona, neennaa ne shiijjereenaꞌonoyich mooyo bi kaamemmoyich, damoon maayaahine.

Yibbaatoo 12:28

Ebi neech ta getteti mooyinaꞌo bullin ceechi ne quyemmoyich ne qelloon ariibe! Ebin ne tuniigaata, ne Nuggishoo Doono Yeeri aafooch tatoonaa kaamoona tuneti mooyon ne tuniyoona, mooyo bulli neennaa ne shiijjereenaꞌonoyich bulli yemeenoon kaamemmone” iye.

Yibbaatoo 13:18

Doono Yeeri ebin bi tuniyemmo, hanaach ittoshich ta gettaabeeti, ittoshi Nuggishoo Doono Yeerichi qaaroon waayeꞌi bi geto bullin ceechii ittoshi quyegaata, bi aafoochoo tato tuneti mooyon ittoshi tunii gaatane” iye.

Yibbaatoo 28:27

Doono Yeeri Gibitseenaꞌochi toommooch bi deejjitoommi biiyoona ittoshi xuuxemmoyich tuniyemmone. Gaaboonaa mayonon ne achooch kichemmone; ne qeddo bulli yaashemmone; huceshoo gettemmone; ebi biiyoochee wodaachemmo neene.

Yibbaatoo 28:58

Muusi Israꞌeeleenaꞌoyich ishichiye: “Hini macaafooch kooreeti ebi sheeree qaareenaꞌon manjiiꞌa quyo ne qayigaata, wotta oogee yiirechonaa shattiitona tuneti, ne Nuggishoo Doono Yeerichi shigoon shaton ne qayigaata,

Yibbaatoo 28:60

Ne shattaabeeti, Gibitsee showeexi biiyo bullin wochinnoon ne toommooch bi deebaa, ebi biiyo neenna yeshemmone.

Yibbaatoo 32:39

“ ‘Illa ta ikkeeto baach Nuggishoo ta tunoon, tayee bare nuggishoo aallo bi tunoon beegote. Wuxiyoye; mayiihoye; wodiinoo iyoye; ta kishoochee dichoon hakkemmo koniyoona aalloone.

Yibbaatoo 5:1

Muusiyoo Israꞌeeleenaꞌo bullin ceeggiꞌi boonoshich ishichiye: “Israꞌeeleenaꞌote, hanaach ittoshich ta gettaabeeti ebi qociyeenaꞌonaa doyeenaꞌonon elle waayebote. Eboshin doyibote; manjiireeshoo quyebote.

Yibbaatoo 7:15

Doono Yeeri biiyo bulliichee neen quyemmone; Gibits beechaa ne ariibeeti, shattii giiriiti biiyeenaꞌon neen shixxii beetinaꞌo toommoochani, ne toommooch deebaachemmone.