Keyo 15:2 - Kafa Linguistics Project

² Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.

Keyo 15:2 ပူးပေါင်းရင်းမြစ်များ

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Halloo 49:18

“Doono Yeero, taan ne wodiyemmoyich quyaabeeto taane.

2 Saameeli 22:3

ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone; taan wodiyecho, xuꞌechinaꞌo kishoochee taan wodii beetone.

2 Saameeli 22:47

Doono Yeeri beeyechone! Taach deebe xaqqo tuneto galleteebe! Deebe xaqqo tuneꞌi taan wodiibeeti ta Nuggishoo oogebe!

2 Saameeli 22:51

Doono Yeeri bi taatiiti taatoyich wudoon immii beetone; bi huuttitoyich bi shoodoon bekkii beetone; ebinoo Daawitinaa bi shiijjereenaꞌonoyich bulli yemeenoon tuniihe” iye.

2 Saameeli 7:24

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo boonoshi tunemmoyich manjiito neene. Doono Yeero, newoo boonoshich Nuggishoon tunehine.

2 Saameeli 7:5

“Ta guuno Daawit waan hamiree, Doono Yeeri ishichiye: ‘Ta beeyemmi kexon taach shuunemmo, ne toono neene.

1 Taateenaꞌo 8:13

Tawoo bulli yemeenoon ne beeyemmi, worganikkiti yaafee kexon neech haggeto taane” iye.

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

1 Kiinoo 16:14

Doono Yeeri no Nuggishoone; showoo bulliich dayinnetoona nallii beetone.

Shoddo 109:1

Neen ta galletaabeeti Nuggishoocho, cikkii qajjaahine.

Shoddo 118:14

Doono Yeeri ta giidoonaa ta shoddoonane; biyoo taan wodiyecho tunehe.

Shoddo 118:21

Ta qolloon ne waayetoyich, taan ne wodiitoyichoo, neen galletehoye.

Shoddo 118:28

Ne, ta Nuggishoo neene; neen galletemmo taane; ne ta Nuggishoo neene; neen oogiyemmo taane.

Shoddo 140:7

Doono Yeero, giidechi wodiyechi ta Doonocho, koyee aabooba taan deebehine.

Shoddo 145:1

Ta Nuggishoo ta Taatoocho, neen oogiihoye; ne shigoon bulli yemeenoon galletehoye.

Shoddo 18:46

Doono Yeeri beeyechone; taach deebe xaqqo tuneto galleteebe! Taan wodiibeeti ta Nuggishoo oogebe!

Shoddo 22:10

Ta shiijjehoobee tiijjaꞌa, ne kishooch duppehoye; ta indee taan shiyihoobee tiijjaꞌa, ne ta Nuggishoo neene.

Shoddo 22:3

Tunebaani ne, Israꞌeeleenaꞌona galleteeti, taatee qeenooch koteti Yaafe Nuggishoo neene.

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

Shoddo 28:8

Doono Yeeri bi asheenaꞌochi giidoone; bi huuttitonoo shoobbii wodiyechone.

Shoddo 30:1

Doono Yeero, taan ne tiijjitoyich, ta etteenaꞌo emiremmoyich tuniyoo ne qajjetoyich, neen oogichaa galletehoye.

Shoddo 34:3

Taanna tookki Doono Yeerin oogiibote; ikkittinoona bi shigoon moogebone.

Shoddo 48:14

Ebi Nuggishoo bulli yemeenoon no Nuggishoone; bulli yemeenoon noon yaabemmone.

Shoddo 59:17

Yeero, ne, ta mishigo ne tunetoyich, ne shoodoon bekkiyaabeeti Nuggishoo ne tunetoyich, ta Giidoocho, galletee shoddoon neech shoddemmo taane.

Shoddo 68:20

No Nuggishoo wodiyechi Nuggishoone; qitoochee no muriccemmoyich tuniibeeto, Nuggishoo Doono Yeerine.

Shoddo 99:5

No Nuggishoo Doono Yeerin galletebote; bi baatee dechiich goyinnebote. Bi yaafoone!

Shoddo 99:9

No Nuggishoo Doono Yeeri yaafoo bi tunetoyich, no Nuggishoo Doono Yeerin galletebote; yaafeeti bi guudoochaa goyinnebote.

Keyo 14:13

Muusiyoo asheenaꞌoyich ishichiꞌi wochiye: “Shattaahote; kuppheree neexebote. Doono Yeeri aabichiree ittoshin bi wodiyemmo gaata beeggemmo ittoshine. Hanaach ittoshi beeggiibeeti Gibitseenaꞌon guttinnoon beegaachemmo ittoshine.

Keyo 3:6

Daakkiꞌi, “Ne nihoo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo taane” iye. Arooba Muusi Yeerina tookkii baroona danoon bi shattitoyich, bi aafoon oppehe.

Keyo 4:22

Ebich Faroonich ishichibe: ‘Doono Yeeri ishichiye: “Israꞌeeli ta gutenee bushoone.

Keyo 40:34

Aroyee gubb qubo danee duukkaanoon guuppiye; Doono Yeerichi oogee yiiroo ebi yaafee duukkaanooch ceenniye.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 25:1

Doono Yeero, ne ta Nuggishoo neene; wonna wonna yameeti, worganikkiti mooyinaꞌon, gibeneyoona ne tuniitoyich, neen oogiihoye; ne shigoonoo galletehoye.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Erimiyaasi 3:23

Guudinaꞌonaa geppeenaꞌonoochaa shahalloyich goyinneebee no dulloona dacheeto noone. Israꞌeeleenaꞌoyich wodoo danemmo no Nuggishoo Doono Yeer waanee baachiye.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Erimiyaasi 32:38

Boonoshiyoo ta asheenaꞌon tunemminaꞌone; tawoo boonoshich Nuggishoon tunemmo taane.

Imbaaqoomi 3:13

Ne asheenaꞌon wodiyoyich, ne huutteton wodiyoyich, kechehine. Gonde ashi kexon guummoochaa happihine; gaxxaꞌa bi godoon xalla bekkiihine.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Luqaasi 1:77

Yeeri boonoshi axaaxoon bi maaroona boonoshin bi wodiyoon bi aagetoyich arichiyemmo neene.

Yowannisi 4:22

Ittoshi, ittoshi ariyaanoyich goyinneebeeto ittoshine; tunebaani no, no arii beetoyich goyinnaabeeto noone. Ebiyoo wodoo bi daneebeeto Ayihudeenaꞌo waanaa bi tunetoyichiye.

Mishiraachechinaꞌo 4:12

“Wodoo baroo koni waaneenona daneyaache; noon wodiyoon hakkemmo, asheenaꞌoyich Yeer waanee icheti shigo shimaayoyee desh baroo aalloone” iye.

2 Qorontoosi 5:19

Yeeri Kiristoosina shuuneebee alemee asheenaꞌon biinna tookkii shunii beehe; boonoshi xuꞌoonoo haddaanoone; noochoo shuniyee wochoon immiye.

Efesooni 2:22

ittoshiyoo wotta biinna Yeeri bi Ayaanoona beeyemmi kexon tunoyich, bareenaꞌo bullina tookkii hakkeebeeto ittoshine.

Yibbaatoo 10:21

Biin naadibe. Biyoo ne Nuggishoone. Ne aafoona ne beeggeti, ebi are giidechonaa shattiitona tuneti mooyon neech tuniitone.

Filipphisiyoosi 2:11

heciyoo bulli Nihoo Yeerin oogiyoyich Yesuus Kiristoosi Doono bi tunoon bi miixemmonoyichiye.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Qolaasiyaasi 2:9

Ceeni Nuggishittino bulla Kiristoosi taheti meechi ashittinooch beetone.

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!

Yaaꞌoo 19:1

Aroyee gubb dofee ashi qaaroommi ooge qaaro shimaayoochaa ishichii bi beetaa waayeho: “Haleluya! Wodiyoo, oogee yiiroonaa giidoona no Nuggishoochone.

Woraaferasheenaꞌo 5:21

Qishooni aachi aayo boonoshin hidii daammiye; giidechi Qishooni aaco boonoshin daammiye. Ta kasheene, kuppheree qaxiribe!