Keyo 15:17 - Kafa Linguistics Project

¹⁷ Doono Yeero, ne beeyi kexo bi tunemmoyich, ne shuuneti xaaꞌooch, ta Doonocho, ne kishoo shuuneti, ne yaafee kexooch, ne hajjoo tuneti guudi toommooch, boonoshin deebemmo neene; aroochoo boonoshin manjiyemmo neene.

Keyo 15:17 ပူးပေါင်းရင်းမြစ်များ

2 Saameeli 7:10

Ta asheenaꞌo tuneti Israꞌeeleenaꞌoyich xaaꞌoon immemmo taane; boonoshinoo arooch manjiyemmo taane. Keqqaalloon boonoshi hajjee xaaꞌooch kotemminaꞌone. Ebiyee aafichoommon, ta asheenaꞌo tuneti Israꞌeeleenaꞌo toommooch woraaferasheenaꞌon ta ukkiriiti yemeenoochoommon gonde asheenaꞌo boonoshin neexi hajjaachemminaꞌone. Ne etteenaꞌo bulli waanee neen kashiyemmo taane. Andoo daakkaꞌa Doono Yeeri ta, taatoo tunemmi shiijjeroon neech immemmo taane.

1 Taateenaꞌo 8:13

Tawoo bulli yemeenoon ne beeyemmi, worganikkiti yaafee kexon neech haggeto taane” iye.

Shoddo 114:2

Yihudi Yeerichi yaafee kexo, Israꞌeeli bi hajjoo tunehe.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 44:2

Aageteenaꞌon ne mochoona yookkaa kichihine; tunebaani no qaabbechinaꞌon bechihine; macceenaꞌon yiikkehine; tunebaani no qaabbechinaꞌochi mooyon kaachihine.

Shoddo 68:16

meeti cullullechi guudinaꞌote, Yeeri beeya kaacciti guudon, qanaatoona ittoshi ciinniibeeto amoyichiye? Ebi arooch Doono Yeeri bulli yemeenoon beeyemmone.

Shoddo 76:2

Bi kexon Saalem, bi beeyi xaaꞌoon Tsiyoon tuniihe.

Shoddo 80:15

Ebi, ne qanne kishoona ne bechiti, bi diccemmoyichoo ne tuniiti woyinee qomboone.

Shoddo 80:8

Woyinee qomboon Gibitsee deebehine; aageteenaꞌon yookkaachaa boonoshi showooch bechihine.

Keyo 15:13

“Ne shoodoona ne biisheti ne asheenaꞌon, yaabito neene; ne hakkoona ne biishetinaꞌon yaafe ne beeyi xaaꞌooch yaabito neene.

Keyo 23:20

“Maraakoon ne aaf daachiibeeto taane. Ebiyoo gommoochaa neen bi quyemmonaa neech ta qanniiti showooch neen bi giijjemmonoyichiye.

Keyo 25:8

“Boonoshi daggooch ta beeyemmoyich, yaafee duukkaanoon taach boonoshi shuunemmoyich tuniibe.

Keyo 32:34

And hamiree, neech ta getteti xaaꞌooch asheenaꞌon yaabibe. Ta maraakoo ne aafooch hammemmone. Tunetaa ta naxemmi aabo shagiyooba, boonoshi axaaxoyich hini asheenaꞌon naxemmo taane” iye.

Erimiyaasi 2:21

Ta neen, kaacheti woyine, ibere xalle yaree tuniiꞌa bechiyoye; aabichii duubaꞌa kubbi woyinoon tunenne?

Erimiyaasi 31:23

Israꞌeelee Nuggishoo Beshe Mawe Doono Yeeri ishichiye: “Boonoshi kecoon ta wochiyooba, Yihudee showoonaa bi katemoo bullinoochaa, ‘Cadiqee beemi xaaꞌoocho! Yaafee geppoocho! Doono Yeeri neen diiribe’ wochinnoon getteyemmone.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Hiziqeeli 37:28

Ta yaafee kexo boonoshi daggooch bulli aaboon bi tunehooba, ta, Israꞌeeleenaꞌon yaafiibeeti Doono Yeeri ta tunoon aageteenaꞌo ariyemminaꞌone, itone’ gete” iye.

Yibbaatoo 33:19

Bare yoodee asheenaꞌon boonoshi geppooch ceeggemminaꞌone; ebi aroochaa tate deejjoon deejjemminaꞌone. Boonoshi gaannoon baharoochee, baharee gashooch beeti qacoochee daneheete” iye.

Yaasi 22:19

Ittoshich icheti showoo eeꞌeto tunegaata, Doono Yeerichi yaafee duukkaanoo xoggeeti Doono Yeerichi showooch waaree, no daggooch, no showoochee qoodeebote. Tunebaani no Nuggishoo Doono Yeerichi deejjee gudoyee besh bare deejjee gudoon shuunoona Doono Yeeri toommooch hukkoon shuuneyaahote; noonoo hukkechon tuniyaahote.