Keyo 15:15 - Kafa Linguistics Project

¹⁵ Edoomee iraasheenaꞌo keqqoona qititinaꞌone; Moꞌabee ukkireenaꞌo qewetinaꞌone; Kanaanee asheenaꞌo keqqoona muujjitinaꞌone.

Keyo 15:15 ပူးပေါင်းရင်းမြစ်များ

Halloo 36:15

Esayichi shiijjereenaꞌo daggoochee yoodi yoodee iraasheenaꞌo: Esayichi gutenee bushoo Elifaazichi anaami bushiishoo: Iraashoo Temaani, iraashoo Omaari, iraashoo Tseefi, iraashoo Qenaazi,

Halloo 36:16

iraashoo Qoraahi, iraashoo Gataaminaa iraashoo Amaleeqinane. Eboshi Edoomee showooch beeti Elifaazichi yoodee iraasheenaꞌone. Boonoshiyoo Esayi mechee Aadi bushiishoochi anaami bushiishoone.

Halloo 36:40

Esay waanee daneti, boonoshi koteti showi showoona ceekketi yoodee iraasheenaꞌo: Iraashoo Timini, iraashoo Alwaahi, iraashoo Yeteeti,

2 Saameeli 17:10

Ne nihoo giidechi koyecho, wotta biinna tookkii beetinaꞌo ginee anaaminaꞌo boonoshi tunoon Israꞌeeleenaꞌo bulli boonoshi arii beetoyich, ginee anaamo tuneti, daaheree mulloommi mullechi shataani asheenaꞌona keqqoona boonoshi mullo muujjemmone.

Shoddo 48:5

Beeggiꞌi keqqiyeete; shattiꞌinoo woceheete.

Shoddo 68:2

Cufoo naayii aalloommon naayibeete; gippoo qaaqqoona wocoommon, gondeenaꞌo Yeeri aafoochee woci aallebeete.

Isiyaasi 13:7

Ebich mochoo bulli niremmone; asho bullichi mullo muujjemmone.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Erimiyaasi 49:23

“Damaasiqi katemeechon gonde mooyon boonoshi waayetoyich, Hamaatinaa Arifaadina geewitinaꞌone; keqqoonoo ciiretinaꞌone; shiwureebeeti baharoochoommon waagwaagiyemminaꞌone.

Hiziqeeli 21:7

‘Amoyichiye ne tuummaabeeto?’ boonoshi getiyooba, ‘Waabeeti woree naboonane; ebi woroo waayeehooba mullo bulli muujjemmone; mochoo bulli taahemmone; kasho bulli niremmone; giidoo bulli aacochoommon ufemmone. Ebiyoo waa beetone; ceenonoo ceennemmone, iye Nuggishoo Doono Yeeri’ gete” iye.

Naahoomi 2:10

Nanawi katemoo duppetoche; duubetoche; aalletoche! Mullo muujjitone; tingoo qewetone; giidoo qajjitone; halloo shaddeetone.

Imbaaqoomi 3:6

Bi neexemmona, showoo shuuriye; bi ciinnimmona aagetee asheenaꞌo qeweheete. Wonna tiijjiꞌi bi gommo tuneti, bulli aaboon beeti guudinaꞌo yiikkeeheete; geppeenaꞌo dugilla koonniyeete.

Imbaaqoomi 3:7

Topphiyee asheenaꞌo boonoshi duukkaanoochaa oogichii keqqi beetaa, Miidiyameenaꞌoo boonoshi kexoochaa keqqoona qewee beetaa, beeggoye.

Yibbaatoo 2:4

Asheenaꞌoyichoo ishichi gete: “Seyiree showooch beeti ittoshi maneenaꞌo tuneti Esayi yareenaꞌo showoona besheya ii beeto ittoshine. Boonoshiyoo ittoshin shattemminaꞌone. Boonoshi toommooch mooyon qaawiyaahote. Ittoshi qelloon ariibote!

Yibbaatoo 20:8

Iraasheenaꞌo daakki asheenaꞌoyich ishichibeete: ‘Shattii, bi mullo keqqiibeeti asho beete? Bi beegaata, bi kexooch wottebe. Ebi tuno qayigaata, biichoommon bi maneenaꞌo mullo keqqemmone’ geteete.

Yaasi 14:8

Tunebaani taanna tookkii hammiti ta maneenaꞌo, Israꞌeeleenaꞌo mulloon keqqoona muuchiitinaꞌone. Tunetaa ta, ta Nuggishoo Doono Yeerin mulloochee tiijjaꞌa dabbiyoye.

Yaasi 2:11

Ebin no waayehooba, no mullo keqqoona goojjitone. Ittoshin shatoochee tiyitona keqqaani ikke asholla aalloone. Ittoshi Nuggishoo Doono Yeeri damba shimaayooch, desh showoochoo Nuggishoone.

Yaasi 2:24

Boonoshiyoo daakkiꞌi, “Iberoon Doono Yeeri are showoo bullin no kishooch beshiiꞌi immitone; are showooch beeti asheenaꞌo bulli noon shatoochee tiyitona, keqqoona boonoshi muuyon beeggeto noone” iyeete.

Yaasi 2:9

boonoshich ishichiyan: “Doono Yeeri hini showoon ittoshich bi imon, oogeti shato ittoshi naboona no toommooch bi kindoon, hini showeexi asheenaꞌo bulla keqqoona muuyonoo ariiti taane.

Yaasi 5:1

Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.

1 Saameeli 14:16

Biiniyaamee showooch, Gibaaha, quyooch beeti Saaꞌoolichi ginee naayinaꞌo Filsixeemee ginechinaꞌo shaceꞌi boonoshich kaami kaamemmo waan wocon beeggiyeete.