Keyo 15:11 - Kafa Linguistics Project

¹¹ “Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 15:11 ပူးပေါင်းရင်းမြစ်များ

2 Saameeli 7:22

Nuggishoo Doono Yeero, am shaahe oogoo neene! Neen shaahemmo koniyoona aalloone. No waamona no waayetoommon, neyee bare nuggishoo aalloone.

1 Taateenaꞌo 8:23

ishichiye: “Israꞌeelee Nuggishoo Doono Yeero, damba shimaayooch tuneba desh showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

1 Kiinoo 16:25

Doono Yeeri oogoone; oogichiꞌi galleteetone; nuggisheenaꞌo bulliyee beshoon shatteetone.

2 Kiinoo 2:5

“No Nuggishoo nuggisheenaꞌo bulliyee beshe oogoo bi tunetoyich, ebi ta hagga ii beeti kexo ooge kexone.

2 Kiinoo 6:14

ishichiye: “Israꞌeelee Nuggishoo Doono Yeero, shimaayooch tuneba showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

Shoddo 113:5

Damba koteto, showoonaa shimaayoonon ciinoyich yittiibeeto, no Nuggishoo Doono Yeeriyoommo koni beete?

Shoddo 119:120

Ta ashittino neen shatona qewehe; ne dayinnetoon beeggaꞌa shattehoye.

Shoddo 136:4

Bi ikkeeto baach oogeti gaakkechi shuunoon shuunee beeton galletebote; bulli yemeenoon shoodechone.

Shoddo 145:17

Doono Yeeri bi gommo bullina cadiqoone; bi shuunoo bullina deꞌoone.

Shoddo 22:23

Doono Yeerin shattii beetinaꞌote, biin galletebote; Yaaqobi yareenaꞌote, ittoshi bulli biin oogiibote; Israꞌeelee yareenaꞌote, ittoshi bulli biin shatote.

Shoddo 35:10

Ta ashittino bulli neech ishichemmone: “Doono Yeero, hakka guutoon, biyee beshe kuppho waanee, hakka guutoonaa girechonon neexxii hajjiibeeto waanee, wodiibeeto, neenoommo konine?” gettemmone.

Shoddo 60:2

Showoon shuurikkaꞌa gaakketine; showoo tiishetoyich ebi bi gaahoon wochi yeshiibe.

Shoddo 66:5

Yeeri tuniiton waaree beegote; asheenaꞌo daggooch worganeeti bi shuunoo shattiitone.

Shoddo 77:11

Doono Yeerichi shuunoon shalligemmo taane; wonna bi tuniiti gaakkechi shuunoon shalligemmo taane.

Shoddo 77:14

Gaakkechi shuunoon shuunaabeeti Nuggishoo ne baach neene; macceenaꞌo daggooch ne hakkoon bekkiito neene.

Shoddo 77:19

Ne gommo baharee daggooch beetone; ne kaattoo ooge aachi daggoochiye; tunebaani ne hilloo arooch bekkeyaanoone.

Shoddo 86:10

Ebiyoo oogoo ne tunetoyich, worganeeti mooyonoo ne tuniitoyichiye; ne ikkeeto baach Nuggishoo neene.

Shoddo 86:8

Ta Doonocho, nuggisheenaꞌo daggooch neenoommi nuggishoo aalloone; ne tuniitoommon tuniito, koniyoona aalloone.

Shoddo 89:18

No gaachoo Doono Yeeri nooch immitone; no taatoo Israꞌeelee Yaafoo waanee waatone.

Shoddo 90:11

Neen shattii beetinaꞌo ne kaaree shiixxoon ariyoommon, kupphe ne kaaroon ariyemmo konine? Ne kaaree shiixxoo neen shatoommi oogoone.

Keyo 18:11

Israꞌeeleenaꞌon geecoona hajjitinaꞌo toommooch ebin bi tuniitoyich, Doono Yeeri, asho goyinneebeeti nuggisheenaꞌo bulliyee beshe giidecho bi tunoon and ariito taane” iye.

Keyo 20:3

“Tayee besh bare nuggisheenaꞌoyich goyinne maddeyaahine.

Keyo 3:20

Ebich shattiiti gaakkechi shuunoo bullin boonoshi daggooch tuniyoona, ta mochoon tiijji Gibitseenaꞌon yexxemmo taane. Aroyee gubb keyi ittoshi hammemmoyich ittoshin gawukkemmone.

Keyo 8:10

Farooniyoo “Yaach tunebe” iye. Muusiyoo ishichiꞌi wochiye: “No Nuggishoo Doono Yeeriyoommi bare nuggishoo koniyoona aallo bi tunoon ne ariyemmoyich, ne gettetoommon tunebe.

Keyo 8:6

Ebina Harooni Gibitsee showeexi aacinaꞌo toommooch bi kishoon yaggiye; woqqeqqeenaꞌo kechiꞌi showoon guuppiyeete.

Keyo 9:14

Ebi tuno qayigaata, neennaa ne iraasheenaꞌonochi toommooch, wotta ne asheenaꞌo toommoochoo ta naxo bullin daakkiree kindiyemmo taane; ebiyoo showee toommo bulliich taanoommo koniyoona aallo bi tunoon ne ariyemmoyichiye.

Isiyaasi 30:11

No hammaabeeti gommoochee badd ikibote; no shaaddoyich xugoon tuneyaahote; no, Israꞌeelee Yaafoochon waayoon ciroona qaawaachone” iyeete.

Isiyaasi 40:18

Yeerin ittoshi tachiya ii beeto konina tookkiiniye? Konina tookkishoo shaahiiyehote?

Isiyaasi 40:25

“Ishigaata taan, konina tookkii toyiihote? Konina tookkii tachiyote?” iye Yaafoo tuneti Yeeri.

Isiyaasi 46:9

Wonna besheti mooyon gabibote; Nuggishoo taane; tayee baroo aalloone; Nuggishoo taane; taanoo shaahemmo aalloone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 6:3

Boonoshinaa boonoshina ceegeebee, “Beshe Mawe Doono Yeeri yaafoo, yaafoo, yaafoone; bi oogee yiiroo showoo bulliich ceennitone” ii beeheete.

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Erimiyaasi 49:19

“Daaheroo Yoordaanoosi dunne shaaroochee bageenaꞌochi gaddooch bi womoommon, diqqoona waaree boonoshi showoochee boonoshin yookkemmo taane; ta kaacceton boonoshi toommooch ukkiriyemmo taane. Taanoommo konine? Taan echoon hakkemmo konine? Ta aafooch neexoon hakkemmi wulloo konine?

Leweenaꞌo 19:2

“Israꞌeelee iiteenaꞌo bullich ishichi gete: ‘Ittoshi Nuggishoo Doono Yeeri ta, yaafoo ta tunetoyich, ittoshiyoo yaafoo tunebote.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Luqaasi 12:5

Tunebaani ittoshi shattemmon ta ittoshich gettemmo taane: Aroo bi wuxitoyee gubb, shiweree qaaqqooch dufon hakkemmi Doonon shatote. Andoo ittoshich gettoye, biin shatote.

Yibbaatoo 1:30

Ittoshi aafooch shiichiꞌi hammiibeeti ittoshi Nuggishoo Doono Yeeri, ittoshi aafoona ittoshi ciinnii beetaa, Gibitsee showoonaa barahoonoochaa bi tuniitoommon, bi, bi qelloona ittoshi qoodoon koyemmone. Hini xaaꞌooch ittoshi shaggimmi wottoon, ittoshi shaꞌeti gommo bullin, nihoo bi bushoon tiqqoommon, ittoshi Nuggishoo Doono Yeeri am shaahoon ittoshin tiqqeꞌi bi deebito gaata, ittoshi aafoona beeggito ittoshine’ iyoye.

Yibbaatoo 3:24

‘Nuggishoo Doono Yeero, ne oogoonaa giidechi ne mochoonon bekkiibeeti, batti batti malletoon ne guuno taach bekkiito neene. Shimaayoochoo tuneba hini showee toommooch ne shuunetoommi, ebiyoommi ooge mooyon tuniyoon hakkemmi nuggishoo aalloone.

Yibbaatoo 33:26

“Israꞌeeleenaꞌote, ittoshin gaachoyich shimaayoona, bi oogee yiiroona quboon yebbeꞌi shaꞌeebeeti, ittoshi Nuggishoommi nuggishoo aalloone.

Yaaꞌoo 13:4

Dareboo cooxoyich hakkoon bi immitoyich, asheenaꞌo dareboyich goyinneheete; cooxoyichoo wotta “Hini cooxona tatemmo aabine? Biinna koyoon hakkemmo, konine?” iibee biich goyinneheete.

Yaaꞌoo 15:4

Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.

1 Saameeli 2:2

“Doono Yeeriyoommi yaafoo aalloone; biinoommo ciroona aalloone; no Nuggishoommi deebo aalloone.